ՄԶՄԿ-ն հնարավորություն է ընձեռում ուսանողներին և հետազոտողներին մասնակցելու իրականացվող ծրագրերին՝ առաջարկելով մասնագիտական աճի և աշխատանքային փորձառության ձեռքբերման հնարավորություն բոլոր նրանց համար, ովքեր հետաքրքրված են կամավորական աշխատանքով: Աշխատանքային փորձառության ձեռքբերման ծրագիրը կարող է լինել եռամսյա կամ կիսամյակային՝ երկարաձգման հնարավորությամբ: Փորձառության ձեռքբերման ընթացքում մասնակիցների աշխատանքը չի վարձատրվում: Ծրագրի ավարտին մասնակիցներին տրվում է վկայական, իսկ անհրաժեշտության դեպքում Կենտրոնը տրամադրում է նաև երաշխավորագիր:

Կենտրոնի հետաքրքրությունը ներկայում սևեռված է հետևյալ հիմնական ոլորտների վրա ՝

• եվրաինտեգրում,
• տնտեսական հակաճգնաժամային տնտեսական քաղաքականության արդյունավետ վերլուծություն,
• տարածաշրջանային համագործակցություն և հակամարտությունների կարգավորում,
• քաղաքացիական հասարակության զարգացում:

Մենք մեր ծրագրերի շրջանակներում համագործակցում ենք քաղաքականություն կերտող բարձրաստիճան պաշտոնյաների, հասարակական կարծիքն առաջնորդողների, պետական և մասնավոր հատվածի նորարարական գաղափարներ կրող այլ շահառուների հետ:

Աշխատանքային փորձառության ձեռքբերման մեր այս ծրագրի օգնությամբ մասնակիցները ձեռք են բերում գործատուների արդի պահանջներին բավարարող մասնագիտական փորձ, ինչպես նաև հնարավորություն են ստանում կատարել հետազոտություններ և կազմել հաշվետվություններ, ներկայացնել կատարված աշխատանքները համաժողովների ընթացքում և մասնակցել այլ ծրագրային միջոցառումների: Մասնակիցներին կարող է հանձնարարվել նաև կատարել վարչական և կազմակերպական աշխատանքներ:

Մասնակիցները կցվում են ծրագրերն իրականացնող մեկ կամ մի քանի խմբերին կամ ուղղակիորեն աշխատում են մեր առաջատար հետազոտողների, ուսուցանողների և խորհրդատու մասնագետների հետ՝ հնարավորություն ստանալով փորձառության կարճ ժամանակահատվածում ներգրավվելու կենտրոնի բոլոր բաժինների աշխատանքներում:

Մենք խրախուսում ենք երիտասարդ մասնագետների նախաձեռնողականությունը և օժանդակում նրանց նորարարական մտահղացումների իրագործման հարցում:

Այս ծրագրի թեկնածուները պետք է՝

• ունենան ցանկություն կատարելու համագործակցային աշխատանք թիմային միջավայրում,
• կարողանան արդյունավետորեն կատարել հանձնարարությունները կարճ ժամանակահատվածում,
• լինեն ուշադիր և հետևողական,
• ունենան գրասենյակային աշխատանքի փորձ,
• ունենան ցանկություն աշխատելու չափազանց դինամիկ միջավայրում,
• ծանոթ լինեն գրավոր և բանավոր մասնագիտական վայելչաներկայացումների յուրահատկություններին,
• ունենան գիտելիքներ Հայաստանում և մեր տարածաշրջանում քաղաքական և տնտեսական գործընթացներին և դրանց զարգացման մասին:

Ծրագրին դիմել ցանկացողները կարող են ուղարկել իրենց ինքնակենսագրությունը (CV) և հետաքրքրվածության նամակ հետևալ էլ. փոստին՝ mail[at]ichd.org կամ զանգահարել (+37410) 582-638 հեռախոսահամարով:

«ՄԶՄԿ/Բըրթրայթ Արմենիա/Դեպի Հայք հիմնադրամ». աշխատանքային փորձառության ձեռքբերում ծրագիր

ՄԶՄԿ-ն Բըրթրայթ Արմենիա և Դեպի Հայք հիմնադրամի հետ համատեղ աշխատանքային փորձառության ձեռքբերման հնարավորություն է առաջարկում բոլոր այն անձանց, ովքեր՝

• նախաստեսում են Հայաստանում գտնվել առնվազն 2 ամիս, շաբաթական նվազագույնը 30 ժամ աշխատել ՄԶՄԿ գրասենյակում,
• ծագումով հայ են (մեծ ծնողներից մեկը հայ է),
• 20-32 տարեկան են,
• ունեն համալսարանական կրթություն,
• ՀՀ նախկին քաղաքացիները կարող են դիմել ծրագրին, եթե պաշտոնական փաստաթղթի միջոցով կհաստատեն, որ Հայաստանից հեռացել են մինչև իրենց 12 տարեկանը լրանալը,
• նախկինում Բըրթրայթ Արմենիա հիմնադրամից դրամաշնորհ չեն ստացել:

Ծրագրին դիմելու համար անհրաժեշտ է ուղարկել CV և մոտիվացիոն նամակ ՄԶՄԿ-ին և դիմել Բըրթրայթ Արմենիա / Դեպի Հայք հիմնադրամին ճանապարհածախսի փոխհատուցման համար: Մանրամասների համար այցելեք http://birthrightarmenia.org/