Էստոնական «Պրաքսիս» կազմակերպությունն (http://praxis.ee) Էստոնիայի արտաքին գործերի նախարարության հովանավորությամբ և Մարդկային զարգացման միջազգային կենտորնի կազմակերպչական աջակցությամբ իրականացնում է «Հայաստանյան քաղաքացիական հասարակության կազմակերպությունների՝ շահերի պաշտպանության և մասնակցային կարողությունների  զարգացում» ծրագիրը:

Ծրագրի շրջանակներում կկազմակերպվեն վերապատրաստման դասընթացներ՝ քաղաքականության մշակման գործընթացների, հանրային քարոզարշավի, ցանցերի ստեղծման և զարգացման թեմաներով: Դասընթացների լավագույն մասնակիցներից հինգը հնարավորություն կստանան աշնանը մասնակցելու նաև ուսուցողական այցի «Պրաքսիս» կազմակերպությունում: Մանրամասներին կարող եք ծանոթանալ կից փաստաթղթում:

Ծրագրով սահմանված գործողություններին մասնակցելու համար անհրաժետ է լրացնել հետևյալ հղումով դիմում-հարցաշարը՝ https://www.surveymonkey.com/s/98S78RV:

Տեղերը սահմանափակ են: Կընտրվի միայն 20 մասնակից՝ յուրաքանչյուր կազմակերպությունից մեկական ներկայացուցիչ:

Հայտերի ընդունման  վերջնաժամկետն է  2014թ. մայիսի 12-ը:

Սեմինարների և ուսուցողական այցի աշխատանքային լեզուն անգլերենն է:

Խնդրում ենք տեղեկատվությունը տարածել նաև ձեր ցանցերով: