Ք. Երևան                                                                                             

«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) 2022թ. հունիսից միացել է «Քաղաքացիական կրթություն և մասնակցություն» ծրագրին,  որն իրականացնում է «Փրոջեքթ Հարմոնի Հայաստան» հասարակական կազմակերպության գլխավորած կոնսորցիումը, որի անդամներն են նաև ՄԶՄԿ-ն, Սիվիտաս Հայաստանը և Կրթական տեխնոլոգիաների ազգային կենտրոնը։ Ծրագիրը հնարավոր է դարձել ամերիկյան ժողովրդի աջակցությամբ՝ ԱՄՆ ՄԶԳ միջոցով:

«Քաղաքացիական կրթություն և մասնակցություն» ծրագրի նպատակն է բարելավել Հայաստանում դպրոցական և արտադպրոցական քաղաքացիական կրթության որակն ու ընդլայնել դրա ազդեցության շրջանակը, որպես հանրային կյանքում երիտասարդների ներգրավվածության խթանման միջոց՝ աջակցելու Հայաստանում ժողովրդավարական հասարակության ուժեղացմանը։

Ծրագրի շրջանակներում ՄԶՄԿ-ն մշակել է որոշումների կայացման մեջ երիտասարդների ներգրավվածության մոնիտորինգի գործիքի նախագիծ։ Գործիքը տեղայնացնելու և լրամշակելու նպատակով ՄԶՄԿ-ն նախատեսում է ներգրավել գնահատման և մոնիտորինգի փորձագետի։

Փորձագետից ակնկալվող ծառայությունների տեխնիկական առաջադրանքը կարող եք ներբեռնել ստորև ներկայացված հղումով։

Հրավիրում ենք հետաքրքրված ֆիզիկական անձանց (անհատ ձեռներեցներին, Ա/Ձ) ներկայացնել ծառայությունների մատուցման գնային առաջարկ։

Խնդրում ենք առաջարկի մեջ ներկայացնել հակիրճ տեղեկություններ գնահատման և մոնիտորինգի ոլորտում փորձառության վերաբերյալ, կցել CV-ն, և տրամադրել կոնտակտային տվյալներ։ Ծառայությունների գինն անհրաժեշտ է ներկայացնել՝ առանց հարկերի և պարտադիր վճարների, այդ թվում՝ առանց ԱԱՀ-ի՝ Ա/Ձ կողմից առաջարկ ներկայացնելու դեպքում։ Տվյալ դեպքում գնային առաջարկի մեջ անհրաժեշտ է ներառել նաև Ա/Ձ անվանումը, հասցեն, պետական գրանցման տարեթիվն ու գրանցման համարը, ինչպես նաև տեղեկություն ԱԱՀ վճարող լինելու մասին։

Խնդրում ենք առաջարկը ներկայացնել էլեկտրոնային եղանակով՝ [email protected] էլ.փոստի հասցեով կամ առձեռն՝ Երևան, Սայաթ Նովա 19, բիզնես հարկ 18 սենյակ։

Գնային առաջարկների ներկայացման վերջնաժամկետն է 2023թ. ապրիլի 23-ը։

Ներկայացված առաջարկների նախնական ուսումնասիրության արդյունքում ընտրված հայտատուները կհրավիրվեն հարցազրույցի։

Պարզաբանումների համար զանգահարել՝ 010-582638

«Մարդկային զարգացման միջազգային կենտրոն» ՀԿ