Ցանցը գործում է 2004 թվականից

2004թ. ապրիլին ՄԶՄԿ-ն Վրաստանի, Ադրբեջանի և Հյուսիսային Իռլանդիայի իր գործընկերների հետ հրավիրեց տարածաշրջանային խաղաղության և կայունության ֆորում՝ «Միավորենք ապագան, ապրենք միասին» երիտասարդական ցանցը հիմնելու նպատակով:

Ցանցի ստեղծումը նպատակն է հետապնդում խթանել տարբեր երկրների երիտասարդների միջև հարաբերությունների հաստատատումը: Ցանցը միջոց է հանդիսանում ինքնության ճանաչման, բանակցություններ վարելու, հաղորդակցվելու և այլ հմտությունների ու գիտելիքների փոխանցման, որոնք անհրաժեշտ են փոխըմբռնման և երկխոսություն հաստատելու համար:

Բրիտանական Խորհրդի աջակցությամբ ՄԶՄԿ-ն իր գործընկերների հետ իրականացրել է վերապատրաստում 43 երիտասարդ կանանց և տղամարդկանց համար Հայաստանից, Ադրբեջանից, Վրաստանից և Հյուսիսային Իռլանդիայից, Լիկիանիում (Վրաստան):

Արդյունքում մասնակիցները մշակել են տարբեր ծրագրեր իրենց հետագա գործողությունների և նախաձեռնությունների համար: Վերապատրաստմից հետո նրանք հայտարարել են երիտասարդական ցանցի ստեղծման մասին: Ավելի ուշ՝ 2005թ. հոկտեմբերին Կորիմիլա Կենտրոնում (Հյուսիսային Իռլանդիա), ՄԶՄԿ-ն իր գործընկերների հետ կազմակերպել է ուսուցանողնեների ուսուցում՝ ցանցի 22 անդամների մասնակցությամբ:

ՄԶՄԿ աջակցությամբ և ղեկավարությամբ 2005-2006թթ. ցանցի հայ անդամները Հայաստանում իրականցրել են վերապատրաստման երեք դասընթաց 60 երիտասարդ կանանց և տղամարդկանց համար: Նմանօրինակ վերապատրաստումներ իրականացրել են նաև ցանցի անդամներն իրենց երկրներում: «Միավորենք ապագան, ապրենք միասին» երիտասարդական ցանցը միավորում է ավելի քան 300 երիտասարդների Հարավային Կովկասից և Հյուսիսային Իռլանդիայից, ովքեր ներկայում իրականացնում են համատեղ շրագրեր: