- հայ
- |
- eng
- |
- կայքի քարտեզ
- |
- որոնում
- |
06.03.2010
Հայ ժողովրդի վարքն ու վերաբերմունքը գենդերային բռնության նկատմամբ խորն արմատներով կապված է սեռերի դերերի և բռնության մասին ունեցած կարծրատիպերի հետ: Ահա թե ինչու իրազեկումը դարձել է գենդերային բռնության կանխարգելման առանցքային բաղկացուցիչներից մեկը: Դրա միջոցով նպատակ է դրվում հայ կանանց, տղամարդկանց և երիտասարդներին տրամադրել տեղեկություններ և գիտելիքներ գենդերային բռնության և դրա հետ առնչվող խնդիրների վերաբերյալ:
Որքան ավելի է տեղեկացված հասարակությունը գենդերային բռնության վտանգների ու հետևանքների մասին, այնքան ավելի անհանդուրժող է բռնության նկատմամբ: Մինչդեռ հայ կանանց և տղամարդկանց գիտելիքներն ու տեղեկացվածությունը գենդերային բռնության մասին չափազանց ցածր մակարդակի վրա են, իսկ խնդիրները հազվադեպ են դրվում բաց քննարկման: ՄԶՄԿ-ն կոնսորցիումի իր գործընկերների՝ AAWUE և Tatev-95, հետ համագործակցությամբ և Հայաստանում ՄԱԿ Բնակչության հիմնադրամի օժանդակությամբ միջոցներ է ձեռնարկում այս բացը լրացնելու, կանանց, տղամարդկանց և երիտասարդների իրազեկվածությունը բարձրացնելու ուղղությամբ՝ կազմակերպելով մեկօրյա բաց քննարկումներ: Արդեն իսկ կազմակերպվել և անցկացվել են ութսուն այդպիսի միջոցառումներ:
Առնվազն 1650 դպրոցականներ ու ուսանողներ, ուսուցիչ-ուսուցանողներ, լրագրողներ, առողջապահության ոլորտի մասնագետներ, երիտասարդ առաջնորդներ, կանայք և տղամարդիկ Հայաստանի ավելի քան վաթսուն քաղաքային և գյուղական համայնքներից ինչ-որ չափով փոխել են իրենց վերաբերմունքը և նոր գիտելիքներ ստացել գենդերային բռնության վերաբերյալ:
2010թ. հունվարին ՄԶՄԿ-ն և իր գործընկերներն ամփոփել են իրազեկման հանդիպումների արդյունքները և ամբողջականացրել քաղված դասերը, ինչպես նաև քննարկել են գործողություններն ու նախաձեռնությունները շարունակելու հարցերը:
2024թ. հունվարի 30-ին Վայք խոշորացված համայնքի մի շարք բնակավայրերի ավելի քան 90 բնակիչներ քննարկեցին Վայք խոշորացված համայնքի, մասնավորապես, երիտասարդների կարիքներից բխող զարգացման հինգ ծրագիր, որոնք ՄԶՄԿ-ն մշակել էր Վայքի համայնքապետարանի, Վայքի «Solution HUB» ՀԿ-ի և կազմակերպության շահառու երիտասարդների հետ սերտ համագործակցությամբ։ Քննարկման արդյունքներն ամփոփված են սույն զեկույցում (հասանելի է միայն հայերեն)։
ավելին >>Մարդկային զարգացման միջազգային կենտրոնը (ՄԶՄԿ) «Հայաստանի քաղաքացիական կրթություն և մասնակցություն» ծրագրի շրջանակներում մշակել է համայնքային որոշումների կայացման գործընթացներում երիտասարդների մասնակցության մշտադիտարկման համակարգ։ Մշտադիտարկման համակարգը հնարավորություն է տալիս մարզային համայնքներում երիտասարդների առցանց հարցման միջոցով պարզել որոշումների կայացմանը մասնակցության հնարավորությունների վերաբերյալ երիտասարդների իրազեկվածությունը, մասնակցության մակարդակը և դրսևորումները, մասնակցության հնարավորություններով և արդյունքներով երիտասարդների բավարարվածությունը։
ավելին >>
«Քաղաքացիական կրթություն և մասնակցություն» ծրագիր
ԵՐԻՏԱՍԱՐԴԱԿԱՆ ԷՔՍՊՈ «Երիտասարդ, ակտիվ, լսելի» Նոյեմբերի 24-26, 2023, Երևան, Անի Պլազա Հյուրանոց
|
|
«Քաղաքացիական կրթություն և մասնակցություն» ծրագիրն իրականացնում է «Փրոջեքթ Հարմոնի Հայաստան» ՀԿ գլխավորած կոնսորցիումը, որի անդամներն են Մարդկային զարգացման միջազգային կենտրոնը (ՄԶՄԿ), Ժողովրդավարական կրթության հայկական կենտրոն-Սիվիտասը, Կրթական տեխնոլոգիաների ազգային կենտրոնը։ Ծրագիրը հնարավոր է դարձել ամերիկյան ժողովրդի աջակցությամբ՝ ԱՄՆ ՄԶԳ միջոցով: Ծրագրի մասին առավել մանրամասն կարելի է տեղեկանալ և նորություններին հետևել ծրագրի ֆեյսբուքյան էջում: |
2024թ. հունվարի 30-ին Վայք խոշորացված համայնքի մի շարք բնակավայրերի ավելի քան 90 բնակիչներ քննարկեցին Վայք խոշորացված համայնքի, մասնավորապես, երիտասարդների կարիքներից բխող զարգացման հինգ ծրագիր, որոնք ՄԶՄԿ-ն մշակել էր Վայքի համայնքապետարանի, Վայքի «Solution HUB» ՀԿ-ի և կազմակերպության շահառու երիտասարդների հետ սերտ համագործակցությամբ։ Քննարկման արդյունքներն ամփոփված են սույն զեկույցում (հասանելի է միայն հայերեն)։