2010թ. սեպտեմբերի 15-ին Եվրոֆորում Արևելք Արևմուտք ցանցի շրջանակներում ՄԶՄԿ-ն կազմակերպել է խաղ-դասընթաց՝ նվիրված Ժողովրդավարության միջազգային օրվան:

Ըստ ՄԱԿ-ի Գլխավոր Ասամբլեայի 2007թ. որոշման, յուրաքանչյուր տարվա սեպտեմբերի 15-ը նշվում է որպես Ժողովրդավարության միջազգային օր: Այս նպատակով ՄԶՄԿ-ն մի խումբ եերիտասարդ և խոստումնալից երիտասարդների մասնակցությամբ կազմակերպել էր քննարկում ժողովրդավարության սկզբունքների վերաբերյալ: Մասնակիցները որոշեցին կատարյալ ղեկավարի կերպար, ով կարող է առաջնորդել մյուսներին: Դերախաղերի միջոցով երիտասարդներն անձնավորեցին հայտնի հայ քաղաքական գործիչների՝ փորձելով ներկայացնել նրանց կերպարը: Միջոցառման ընթացքում դիտեցին «Ժողովրդավարությունը երեխաների աչքերով» ֆիլմը, որը բարձրաձայնում է Հայաստանում ժողովրդավարական մակարդակի վերաբերյալ տարբեր կարծիքներ: Միջոցառման վերջում մասնակիցները գրեցին «նամակ ապագայից»՝ 2020թ.-ից՝ իբրև կանխատեսելով, թե ինչպիսին կլինի այդ ժամանակ ժողովրդավարության պատկերը Հայաստանում: Երիտասարդները հույս հայտնեցին, որ մինչ 2020թ. մամուլը կլինի ավելի ազատ և ավելի բաց, դատական համակարգը կբարելավվի և կոռուպցիան կնվազի, իսկ հայկական ՀԿ-ները կառավարության կողմից ստեղծած բարենպաստ պայմանների շնորհիվ ավելի ակտիվ մասնակցություն կունենան երկրի հասարակական կյանքում: