Հանուն խաղաղության եվրոպական հասարակական կազմակերպությունների գործակցության շրջանակներում ՄԶՄԿ-ն համագործակցում է Հակամարտությունների կարգավորման ինստիտուտի (ՀԿԻ) հետ՝ Լեռնային Ղարաբաղի հակամարտության խաղաղ կարգավորմանն ուղղված եվրոպական գործակցության ծրագրում (ԼՂԵԳ):

ԼՂԵԳ ծրագիրը հասարակական-քաղաքական դերակատարների հետ գործակցության միջոցով նպատակ ունի նպաստել Լեռնային Ղարաբաղի (ԼՂ) հակամարտության խաղաղ կարգավորմանը: Ծրագիրը մասնավորապես ուղղված է Հայաստանի և ԼՂՀ երիտասարդ գործիչներին: Այն հզորացնում է հակամարտությունից ազդված խմբերի կարողությունները՝ նրանց ներգրավելով հակամարտության կարգավորման գործընթացում: Ադրբեջանի, Հայաստանի և ԼՂՀ երիտասարդ գործիչների ցանցի մասնակիցները կզարգացնեն իրենց հմտությունները հակամարտության հաղթահարման բնագավառում, կհանգեն համընդհանուր տեսլականի և այսպիսով կնպաստեն ԼՂ հակամարտության խաղաղ կարգավորմանը: Արդյունքում, սահմանով բաժանված երիտասարդները ձեռք բերած կարողությունների և որոշակի փոխադարձ համաձայնության արդյունքում ավելի լավ կիրականացնեն կառուցողական և խաղաղաշինական ծրագրեր:  

2010թ. օգոստոսին հայաստանյան Փորձագետների խորհուրդը քննարկման արդյունքում ընտրել է ԼՂԵԳ/ՀԿԻ ծրագրի ապագա մասնակիցներին: Փորձագետները քննարկել են երիտասարդ գործիչների ընտրության չափանիշերն ու մեխանիզմները, ինչպես նաև խաղաղաշինական հմտությունների տրամադրման գործում մասնագիտացած ուսուցանողների ընտրությանը վերաբերող հարցեր: Քննարկումը վարում էր ՀԿԻ պատվիրակությունը՝ հայաստանյան գործընկերների օգնությամբ: 2010թ. սեպտեմբերին ՀԿԻ-ին և գործընկերները հանդիպել են փորձագետների խորհրդի կողմից առաջարկված տեղական, ինչպես նաև տարածաշրջանային փորձագետների հետ՝ Թբիլիսիում խաղաղաշինության վերաբերյալ ձեռնարկ մշակելու նպատակով:  

Մինչ 2010թ. նոյեմբերը Փորձագետների խորհրդի կողմից ընտրված և Թբիլիսիում փորձագետների միասնական սեմինարին մասնակցած ուսուցանողները կվերապատրաստեն շուրջ 10 երիտասարդ գործիչների: Վերապատրաստումների հիման վրա երիտասարդ մասնակիցները կձևավորեն և կիրականացնեն փոքրածավալ խաղաղաշինական ծրագրեր: Մասնակիցները կհանդիպեն՝ ներկայացնելու իրենց ստացած լավագույն դասերն ու գործունեության արդյունքում ձեռք բերած փորձը: Տեղական իշխանությունների դատին ներկայացնելու արժանի համատեղ առաջարկ մշակելու գործում նրանց կօգնեն ուսուցանողներն ու մասնագետները: Երիտասարդ գործիչների և ուսուցանողների խումբը կմասնակցի Սևծովյան խաղաղաշինական ցանցի տարածաշրջանային հանդիպմանը և կներկայացնի կատարված աշխատանքն ու իր առաջարկները: Փորձագետների խորհուրդը կօժանդակի երիտասարդ գործիչներին՝ օժանդակություն ստանալու իրենց առաջարկի համար: