Գենդերային բռնության վտանգի պայմաններում ապրող երեսունինը կին սեպտեմբերին ՄԱԿ-ի Բնակչության հիմնադրամի (ՄԱԲՀ) կողմից ֆինանսավորվող Գենդերային բռնության դեմ պայքարի ծրագրի շրջանակներում անցել են հատուկ վերապատրաստման դասընթացներ: Ծրագիրն իրականացնում են Ընդդեմ գենդերային բռնության Կոնսորցիումի անդամ կազմակերպությունները՝ ՄԶՄԿ առաջնորդությամբ: Վերապատրաստման դասընթացն իրականացրել է Կոնսորցիումի անդամ Տաթև-95 ՀԿ-ն՝ բռնության զոհերին տրամադրելով համապատասխան գիտելիքներ և օժտելով ընտանիքում, աշխատավայրում և հասարակությունում գենդերային բռնությանը դիմակայելու հմտություններով:

Վերապատրաստման դասընթացը Կոնսորցիումի գործընկերներին հնարավորություն տվեց տեղեկանալ խոցելի խմբերի իրական մտահոգություններին և կարիքներին: Մասնակիցներն ընդգծեցին կանանց իրավունքների պաշտպանության և բռնությունը կանխարգելելու և պատժելու իրավական մեխանիզմների անկատարությունը, ինչպես նաև այս բնագավառում առկա էական բացերը: Դասընթացից հետո գենդերային բռնության 17 կին զոհեր դիմել են Տաթև 95-ին հետագա հոգեբանական օգնության խնդրանքով: Բռնության մի շարք զոհեր Տաթև 95-ին են դիմել այլ բուժհաստատությունների և ՀԿ-ների միջոցով:

Ս/թ սեպտեմբերին Տաթև 95-ը ՄԶՄԿ-ի և ՄԱԲՀ-ի ընդհանուր աջակցությամբ մշակել է գենդերային բռնության զոհերին հոգեբական օգնություն ցուցաբերող մասնագետների վերապատրաստման երկօրյա ձևաչափ: 2010թ. հոկտեմբերին Տաթև 95-ը դասընթացներ է անցկացնում այս մասնագետների շրջանում: