Ազգային մեխանիզմի և օժանդակ մարմինների ավելի քան 250 աշխատակիցներ 2010թ. հոկտեմբերին մասնակցել են գենդերային բռնության թեմայով վերապատրաստման դասընթացների, որն իրականացրել է ՄԶՄԿ-ն՝ ՄԱԿ-ի Բնակչության հիմնադրամի կողմից ֆինանսավորվող Գենդերային բռնության դեմ պայքարի ծրագրի շրջանակներում: Դասընթացներին մասնակցել են մարզպետարանների և տեղական ինքնակառավարման մարմինների աշխատակազմերի գենդերային հարցերով պատասխանատուները, Ընտանիքի, կանանց և երեխաների իրավունքների պաշտպանության բաժինների և աշխատանքային խմբերի աշխատակիցները:

Վերապատրաստման դասընթացը իրականացվել է Հայաստանում գենդերային բռնության դեմ պայքարի ծրագրի շրջանակներում, որն իրականացնում է հայաստանյան հասարակական կազմակերպությունների Կոնսորցիումը՝ ՄԶՄԿ առաջնորդությամբ: Հայաստանում կանանց իրավունքների պաշտպանության մեխանիզմների հզորացման նպատակով ազգային և տեղական մակարդակներում գենդերային հարցերով ունակությունների զարգացումը ծրագրի հիմնական նպատակներից է: ՀՀ աշխատանքի և սոցիալական հարցերի նախարարությունը, ինչպես նաև ՀՀ մարզերի տարածքային կառավարման մարմիններն ու նրանց գործընկերները օժանդակել են դասընթացների կազմակերպմանը: