ՄԶՄԿ ներկայացուցիչներ Աստղիկ Ինջեյանը և Մոնիկա Սարգսյանը մասնակցեցին ս.թ. ապրիլի 14-15-ին Երևանում կայացած «Աջակցելով Հայաստանի քաղաքացիական հասարակության կազմակերպություններին» 2-օրյա համաժողովին: Միջոցառումը կազմակերպվել էր ԵԱՀԿ երևանյան գրասենյակի և «Եվրոպական համագործակցություն հանուն ժողովրդավարության» (EPD) կազմակերպությունների կողմից` «Ազգային ներդրում հանուն ժողովրդավարության» օժանդակության հիմնադրամի ֆինանսական աջակցությամբ: Հայաստանի և Եվրոպայի քաղաքացիական հասարակության խմբերի մոտ հիսուն ներկայացուցիչների մասնակցությամբ անցկացվող համաժողովի նպատակն էր նպաստել կառուցողական տեսակետների, լավագույն փորձի և Կենտրոնական ու Արևելյան Եվրոպայից քաղած դասերի փոխանակմանը: Երեք առանձին խմբերում մասնակիցները քննարկեցին քաղաքացիական մասնակցության և ազատ լրատվամիջոցների միջոցով ժողովրդավարական ինստիտուտների ամրապնդմանը, շրջակա միջավայրի պաշտպանության հարցում քաղաքացիական հասարակության ներգրավվածությանը և կառավարման թափանցիկությունը բարձրացնելու ու կոռուպցիայի դեմ պայքարելու միջոցով արդյունավետ կառավարումն ուժեղացնելուն առնչվող հարցեր: