Երեխաների պաշտպանության օրը և Շրջակա միջավայրի օրը նշելու համար  Եվրոֆորում արևելք-արևմուտք ցանցի« «Համաշխարհային օրեր» նախաձեռնության  շրջանակներում ՄԶՄԿ-ն, Օրրան բարեգործական հասարակական կազմակերպության հետ համագործակցելով, կազմակերպել էր երկու շաբաթ տևողությամբ միջոցառումների շարք՝ ս/թհունիսի 1-ից՝ 12-ը: Վերջինս Անչափահասների աշխատանքի դեմ պայքարի համաշխարհային օրն է:  Նախաձեռնության երկու հիմնական միջոցառումներն իրականացվել են հունիսի 4-ին և 11-ին: Հունիս 4-ին ՄԶՄԿ կամավորները և  Եվրոֆորում արևելք-արևմուտք ցանցի անդամները 12-14 տարեկան  պատանիների համար Օրրան կենտրոնում կազմակերպեցին էկոլոգիական տեղեկատվության օր: Կազմակերպվեցին խաղեր, ցուցադրվեց շրջակա միջավայրի պահպանության թեմայով մուլտֆիլմ, երեխաները ծանոթացան հունիսի 5-ի որպես Շրջակա միջավայրի օր հռչակման պատմությանը: Երեխաները մշակեցին նաև էկոլոգիական կանոններ, որոնց շաբաթվա ընթացքում պետք է հետևեին շենքի ներսում և շենքից դուրս: Հաջորդ մեկ շաբաթվա ընթացքում երեխաները կամավորների օգնությամբ հավաքել էին պլաստիկ  շշեր և թղթեր, որպեսզի միջոցառման երկրորդ փուլի ընթացքում` հունիսի 11-ին բնապահպանական սիմվոլներ պատրաստեն: