Փետրվարի 1-6-ը Երևանում ավարտվեցին երկու վերապատրաստման դասընթացներ, որոնց նպատակն էր բարձրացնել հետազոտական տվյալների վրա հիմնված՝ ոլորտային քաղաքականությունների վերլուծության կարողությունները Հայաստանում և Թուրքիայում: Դասընթացները ՄԶՄԿ-ի և Թուրքական տնտեսական և սոցիոլոգիական ուսումնասիրությունների հիմնադրամի  ներդրումն է նպաստելու հայկական և թուրքական ՀԿ-ների քաղաքական վերլուծության կարողությունների զարգացմանը:  Առաջին երկու դասընթացները տեղի են ունեցել Թուրքիայում՝ Անկարայում և Ստանբուլում, հունվարի 23-28-ը:

ՄԶՄԿ-ի կրթության և վերապատրաստման բաժնի ղեկավար Աշոտ Խուրշուդյանը և Քաղաքականության աջակցման միջազգային կենտրոնի տնօրեն և ավագ վերապատրաստող Օուեն Յանգը անցկացրեցին եռօրյա դասընթացներ, որոնց հիմնական նպատակն էր ուսուցանել քաղաքականության վերլուծության և նման վերլուծությունների միջոցով որոշում ընդունողների վրա ազդելու հմտություններ: Այս դասընթացները «Աջակցություն հայ-թուրքական հարաբերություններին» ծրագրի մասն են կազմում: Ծրագիրն իրականացվում է ՄԶՄԿ-ի, Եվրազիա համագործակցության հիմնադրամի, Երևանի մամուլի ակումբի և ՀԱԳ(Գ)Մ)-ի համատեղ ջանքերով և ԱՄՆ ՄԶԳ-ի ֆինանսական աջակցությամբ: