«Մարդկային զարգացման միջազգային կենտրոն» (ՄԶՄԿ) ՀԿ-ն Վիշեգրադյան հիմնադրամի կողմից աջակցվող մեկամյա ծրագրի շրջանակում կազմակերպել է «Քաղաքացիական հասարակության դերը ԵՄ ինտեգրման գործընթացում. իրական ներգրավվածություն արդյունավետ մասնակցության միջոցով» միջազգային համաժողով, որը տեղի ունեցավ Երևանում, ս/թ նոյեմբերի 22-23-ին, Անի Պլազա հյուրանոցում:

Համաժողովին մասնակցեցին և ելույթով հանդես եկան ներկայացուցիչներ Վիշեգրադյան պետություններից (Լեհաստան, Չեխիայի Հանրապետություն, Սլովակիա, Հունգարիա), Արևելյան գործընկերության երկրներից՝ Հայաստան, Վրաստան, Ուկրաինա, ինչպես նաև քաղաքացիական հասարակության ներկայացուցիցչներ:

Համաժողովի հիմնական նպատակն էր ներկայացնել Եվրաինտեգրման գործընթացում Վիշեգրադյան երկրների քաղաքծ դասերը և լավագույն փորձը, ինչպես նաև ներկայացնել Արևելյան գործընկերության երկրներում առկա խնդիրներն ու մարտահրավերները, որի հիման վրա համաժողովի մասնակիցների կողմից կմշակվի առաջարկությունների փաթեթ:

Մեկամյա այս ծրագրի երկրորդ փուլը ներառում է Արևելյան գործընկերության երկրներում քաղաքացիական հասարակության կազմակերպությունների կարողությունների զարգացման դասընթացներ տեղական և միջազգային փորձագետների մասնակցությամբ:

Համաժողովի նպատակն է քննարկել՝

•    Վիշեգրադյան երկրներում քաղաքացիական հասարակության ունեցած դերը և ձեռքբերումները Եվրոպական ինտեգրման գործընթացում

•    Արևելյան գործընկերության երկրներում քաղաքացիական հասարակության ինստիտուցիոնալ կարողությունների զարգացմանը նպաստող հնարավորությունների ուժեղացումը: