2013թ. փետրվարի 15-ին «Անի Պլազա» հյուրանոցում տեղի է ունեցել «Ծառայությունների որակի կառավարում» դասընթացի հավաստագրերի հանձման պաշտոնական արարողությունը:

Առցանց դասընթացը, որը տեղի է ունեցել հոկտեմբերի 13-ից դեկտեմբերի 8-ը, հնարավորություն ընձեռեց կադրերի հավաքագրման և աշխատանքի տեղավորման խնդիրներով զբաղվող մասնագետներին, ովքեր աշխատում են թե պետական, թե մասնավոր հատավածներում, 18 վեբինարների ընթացքում զարգացնել իրենց գիտելիքներն ու հմտությունները կադրերի հավաքագրման միջազգային փորձի մասին: Դասընթացը միտված էր ապահովելու բազմակողմանի և խորը պատկերացում որակի ծառայության կառավարմանը՝ շրջանառու աշխատանքային միգրացիայի համատեքստում:

Դասընթացի ընթացքում մասնակիցներին ներկայացվել են նյութեր որակյալ ծառայության սկզբունքների և ստանդարտների, հաճախորդների ճիշտ մոտեցում ցուցաբերելու մասին: Մասնակիցներին ներկայացվեց նաև Ֆիլիպպինների օրինակը՝ որպես շրջանառու աշխատանքային միգրացիայի շրջանակներում ծառայությունների փորձառու մատուցող:

Դասընթացը կազմակերպել էր Մարդկային զարգացման միջազգային կենտրոնի կողմից (ՄԶՄԿ) Եվրամիության կողմից հովանավորվող «Հայաստանում աշխատանքային միգրացիայի գիտավերլուծական կառավարման հզորացում» ծրագրի շրջանակներում: Դասընթացը վարեց Ֆիլիպպիններից հրավիրված դասընթացավար տկն. Վինի Պադա Պայնոն: Դասընթացի համակարգումն ու գնահատումը իրականացվել է Զբաղվածության գործակալություններին տեղեկատվական աջակցության համակարգի ձևավորման խմբի (ULISSES) խմբի կողմից: