27.07.2023թ.                                                                    ք. Երևան

«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) «Քաղաքացիական կրթություն և մասնակցություն» ծրագրի շրջանակներում, 2023-2025թթ. նախատեսում է կազմակերպել երիտասարդական ԷՔՍՊՈ-ցուցահանդեսներ (յուրաքանչյուր տարվա ընթացքում մեկ անգամ, 3 օր տևողությամբ) ՀՀ մարզերում և Երևանում բնակվող երիտասարդների մասնակցությամբ։

Ծրագիրն իրականացնում է «Փրոջեքթ Հարմոնի Հայաստան» ՀԿ գլխավորած կոնսորցիումը, որի անդամներն են Մարդկային զարգացման միջազգային կենտրոնը, Ժողովրդավարական կրթության հայկական կենտրոն-Սիվիտասը, Կրթական տեխնոլոգիաների ազգային կենտրոնը: Ծրագիրը հնարավոր է դարձել ամերիկյան ժողովրդի աջակցությամբ՝ ԱՄՆ ՄԶԳ միջոցով:

Առաջին ԷՔՍՊՈՆ նախատեսվում է կազմակերպել 2023թ. հոկտեմբերի 6-ից 8-ը ՀՀ Արմավիրի մարզի Մեծամոր քաղաքի Ս․ Գալստյանի անվան թիվ 2 ավագ դպրոցի տարածքում։

ԷՔՍՊՈ-ին մասնակցելու են ՀՀ մարզերի և Երևան քաղաքի հասարակական կազմակերպությունների երիտասարդներ: Ակնկալվում է, որ բացի այցելուներից, ԷՔՍՊՈ-ի մասնակիցների թիվը կկազմի շուրջ 100 հոգի (աշխատակազմ և մասնակից հասարակական կազմակերպությունների ներկայացուցիչներ)։ Մասնակիցներին անհրաժեշտ է ապահովել լանչով՝ օրը 1 անգամ և սուրճով՝ օրը երկու անգամ։ Լանչը հարկավոր է կազմակերպել դպրոցի ճաշարանի սրահում՝ համաձայնեցնելով դպրոցի տնօրինության հետ։

Սույնով հրավիրում ենք համապատասխան ծառայություններ մատուցող կազմակերպություններին՝ մինչև 2023թ. օգոստոսի 10-ը ներկայացնելու գնային առաջարկ մեկ մասնակցին օրական 1 լանչի և 2 սուրճի փաթեթներով ապահովելու համար, հետևյալ ընդհանուր պայմաններով.

Անվանում՝	Չափման միավոր	Գինը՝ առանց ԱԱՀ
Լանչ (կարող եք առաջարկել այլ կազմ)՝ Մսային ուտեստ, Խավարտ, Աղցան, Հյութ (մինչև 300մլ) կամ ըմպելիք (մինչև 0.5լ), Անհրաժեշտ պարագաներ՝ տուփ (lunch box), պատառաքաղ, դանակ, բաժակներ, անձեռոցիկ, աղ, պղպեղ, և այլն...	1 փաթեթ/մարդ	.... դր/փաթեթ
Սուրճ (կարող եք առաջարկել այլ կազմ)՝ Սուրճ (հայկական կամ լուծվող) կամ թեյ՝ շաքարավազով, Թխվածք, Անհրաժեշտ պարագաներ՝ գդալ, բաժակներ, անձեռոցիկ, և այլն...	1 փաթեթ/մարդ	.... դր/փաթեթ

 Խնդրում ենք գնային առաջարկը ներկայացնել առանց ԱԱՀ-ի։ Տեղեկացնում ենք, որ ծրագիրը ազատված է ԱԱՀ վճարելու պարտավորությունից։

Առաջարկում անհրաժեշտ է նշել.

1. Կազմակերպության անվանումը, կազմակերպաիրավական ձևը,
2. Կազմակերպության ՀՎՀՀ-ն,
3. Կազմակերպությունն ԱՀՀ վճարող է թե ոչ,
4. Կազմակերպության հասցեն և կոնտակտային տվյալները,
5. Առաջարկվող փաթեթների կազմը,
6. Խնդրում ենք առաջարկին կցել լիցենզիայի/արտոնագրի պատճենը (եթե գործունեությունը պահանջում է)։

Գնային առաջարկը պետք է ստորագրված լինի կազմակերպության լիազորված անձի կողմից։

Ամենացածր գնային առաջարկ ներկայացրած կազմակերպությունների հետ կվարվեն բանակցություններ և կառաջարկվի կնքել ծառայությունների մատուցման պայմանագիր։

Սույն հայտարարության պահանջներին չբավարարող հայտերը ենթակա են մերժման առանց առաջարկը քննելու:

Գնային առաջարկը կարող եք ներկայացնել էլեկտրոնային փոստով՝ [email protected], կամ առձեռն՝ Սայաթ Նովա 19, «Անի Պլազա» հյուրանոց, բիզնես հարկ, սենյակ 18, հեռ՝ +374 582638։

 

«Մարդկային զարգացման միջազգային կենտրոն» ՀԿ