- հայ
- |
- eng
- |
- կայքի քարտեզ
- |
- որոնում
- |
Վերջին հետազոտություններն ապացուցել են, որ գենդերային բռնության ենթարկվածների միայն 46 տոկոսն է հայտնում դրա մասին իրեն բուժող բժշկին՝ այն էլ միայն բժիշկի հարցադրումից հետո:
Գենդերային բռնությունը բացահայտելու և հետևանքները վերացնելու գործում կարևոր դերակատարում ունեն առողջապահության մասնագետներն ու ոստիկանության ծառայողները: Այս ոլորտներում ծառայող կանայք, և՛ որպես ընտանիքի անդամներ, և՛ որպես ծառայողներ իրենց մասնագիտական պարտականություններն իրականացնելու ընթացքում կարող են ենթարկվել գենդերային բռնության: Այսպես, բժշկի կողմից իրականացված դիտարկումների ու հետազոտությունների արդյունքները կարող են ներկայացվել դատարան՝ որպես գենդերային բռնության փաստի ապացույց, ուստի հնարավոր է, որ զոհի հետազոտության ընթացքում նրանք գտնվեն բռնությունն իրականացնողի ճնշման նեքո: Այդ իսկ պատճառով չափազանց կարևոր է նշված ոլորտների մասնագետներին գենդերային բռնությունը բացահայտելու, դրա նկատմամբ համապատասխան վերաբերմունք և մոտեցում ցուցաբերելու, բռնության դեպքերին արդյունավետ կերպով արձագանքելու գիտելիքներ ու հմտություններ փոխանցելը: Նրանք այն մասնագետներն ու ծառայողներն են, որ կոչված են լինելու գենդերային բռնության դեմ պայքարի առաջամարտիկները:
Հանրային իշխանության մարմինների՝ այդ թվում ոստիկանության, առողջապահության, տեղական ինքնակառավարման ավելի քան 340 ծառայողներ Հայաստանի բոլոր մարզերից և Երևանից մասնակցեցին ՄԶՄԿ կողմից կազմակերպված «Գենդերը և գենդերային բռնությունը» թեմայով երկօրյա վերապատրաստման դասընթացներին: Վերապատրաստման 15 դասընթացների ընթացքում ծառայողները տարբեր դերային խաղերի, քննարկումների, ֆիլմերի դիտումների միջոցով հնարավորություն ունեցան հարստացնելու գենդերային բռնության մասին իրենց գիտելիքներն ու զարգացնելու համապատասխան հմտությունները:
2024թ. հունվարի 30-ին Վայք խոշորացված համայնքի մի շարք բնակավայրերի ավելի քան 90 բնակիչներ քննարկեցին Վայք խոշորացված համայնքի, մասնավորապես, երիտասարդների կարիքներից բխող զարգացման հինգ ծրագիր, որոնք ՄԶՄԿ-ն մշակել էր Վայքի համայնքապետարանի, Վայքի «Solution HUB» ՀԿ-ի և կազմակերպության շահառու երիտասարդների հետ սերտ համագործակցությամբ։ Քննարկման արդյունքներն ամփոփված են սույն զեկույցում (հասանելի է միայն հայերեն)։
ավելին >>Մարդկային զարգացման միջազգային կենտրոնը (ՄԶՄԿ) «Հայաստանի քաղաքացիական կրթություն և մասնակցություն» ծրագրի շրջանակներում մշակել է համայնքային որոշումների կայացման գործընթացներում երիտասարդների մասնակցության մշտադիտարկման համակարգ։ Մշտադիտարկման համակարգը հնարավորություն է տալիս մարզային համայնքներում երիտասարդների առցանց հարցման միջոցով պարզել որոշումների կայացմանը մասնակցության հնարավորությունների վերաբերյալ երիտասարդների իրազեկվածությունը, մասնակցության մակարդակը և դրսևորումները, մասնակցության հնարավորություններով և արդյունքներով երիտասարդների բավարարվածությունը։
ավելին >>
«Քաղաքացիական կրթություն և մասնակցություն» ծրագիր
ԵՐԻՏԱՍԱՐԴԱԿԱՆ ԷՔՍՊՈ «Երիտասարդ, ակտիվ, լսելի» Նոյեմբերի 24-26, 2023, Երևան, Անի Պլազա Հյուրանոց
|
|
«Քաղաքացիական կրթություն և մասնակցություն» ծրագիրն իրականացնում է «Փրոջեքթ Հարմոնի Հայաստան» ՀԿ գլխավորած կոնսորցիումը, որի անդամներն են Մարդկային զարգացման միջազգային կենտրոնը (ՄԶՄԿ), Ժողովրդավարական կրթության հայկական կենտրոն-Սիվիտասը, Կրթական տեխնոլոգիաների ազգային կենտրոնը։ Ծրագիրը հնարավոր է դարձել ամերիկյան ժողովրդի աջակցությամբ՝ ԱՄՆ ՄԶԳ միջոցով: Ծրագրի մասին առավել մանրամասն կարելի է տեղեկանալ և նորություններին հետևել ծրագրի ֆեյսբուքյան էջում: |
Այս զեկույցը ներկայացնում է ԱՄՆ Միջազգային զարգացման գործակալության (ԱՄՆ ՄԶԳ) կողմից ֆինանսավորվող «Քաղաքացիական կրթություն և մասնակցություն» ծրագրի շրջանակում 2024թ․ օգոստոսի 13-ին Գավառ խոշորացված համայնքում կազմակերպված համահամայնքային երիտասարդական քննարկման արդյունքները։
«Քաղաքացիական կրթություն և մասնակցություն» ծրագրի նպատակն է բարելավել Հայաստանում ֆորմալ և ոչ ֆորմալ քաղաքացիական կրթության որակը՝ խթանելու Հայաստանում երիտասարդների հանրային ներգրավվածությունը և ժողովրդավարական գործընթացները։ Ծրագիրը ֆինանսավորվում է ԱՄՆ ՄԶԳ կողմից և իրականացվում է «ՓԻ-ԷՅՉ Ինթերնեշնլ» կազմակերպության և իր ենթադրամաշնորհառուներ «Մարդկային զարգացման միջազգային կենտրոն» ՀԿ-ի, «Ժողովրդավարական կրթության հայկական կենտրոն-Սիվիտաս» ՀԿ-ի և «Կրթական տեխնոլոգիաների ազգային կենտրոն» ՊՈԱԿ-ի կողմից։
Այս զեկույցը ներկայացնում է ԱՄՆ Միջազգային զարգացման գործակալության (ԱՄՆ ՄԶԳ) կողմից ֆինանսավորվող «Քաղաքացիական կրթություն և մասնակցություն» ծրագրի շրջանակում 2024թ․ օգոստոսի 13-ին Գավառ խոշորացված համայնքում կազմակերպված համահամայնքային երիտասարդական քննարկման արդյունքները։
«Քաղաքացիական կրթություն և մասնակցություն» ծրագրի նպատակն է բարելավել Հայաստանում ֆորմալ և ոչ ֆորմալ քաղաքացիական կրթության որակը՝ խթանելու Հայաստանում երիտասարդների հանրային ներգրավվածությունը և ժողովրդավարական գործընթացները։ Ծրագիրը ֆինանսավորվում է ԱՄՆ ՄԶԳ կողմից և իրականացվում է «ՓԻ-ԷՅՉ Ինթերնեշնլ» կազմակերպության և իր ենթադրամաշնորհառուներ «Մարդկային զարգացման միջազգային կենտրոն» ՀԿ-ի, «Ժողովրդավարական կրթության հայկական կենտրոն-Սիվիտաս» ՀԿ-ի և «Կրթական տեխնոլոգիաների ազգային կենտրոն» ՊՈԱԿ-ի կողմից։