Հունիսի 25-ին Գյումրիի պետական մանկավարժական համալսարանի շուրջ 50 ուսանողներ մասնակցեցին Միացյալ թագավորության Ատլանտյան ասոցիացիայից Դեյվիդ Քոլի հետ տեսախորհրդաժողովին, որը ՄԶՄԿ աջակցությամբ կազմակերպել էր Հայկական ատլանտյան ասոցիացիան (ՀԱԱ):

Հունիսի 23-ին ՄԶՄԿ ներկայացուցիչ Վահան Ասատրյանը հանդիպել է ԱՄՆ Միջազգային զարգացման գործակալության Հակակոռուպցիոն գործողության մոբիլիզացման ծրագրի (ՀԳՄԾ) գնահատման թիմի հետ:

ՄԶՄԿ գործադիր տնօրեն Թևան Պողոսյանը Զագրեբում հունիսի 16-17-ը մասնակցել է անվտանգության համակարգի բարեփոխումների թեմայով "Սթարլինքի" ուսուցանողների վերապատրաստման դասընթացին, որը կազմակերպել էր "Ռաքվիակ" Անվտանգության համագործակցության եվրոպական կենտրոնը:

Հունիսի 17-ին Հայաստանում Գենդերային բռնության դեմ պայքարի միջգերատեսչական հանձնաժողովի որոշմամբ ստեղծվել է «Հայաստանում գենդերային բռնության վերացման 2011-2014թթ. ազգային ծրագրի» նախագիծը մշակող աշխատանքային խումբ, որի կազմում ընդգրկվել է ՄԶՄԿ ներկայացուցիչ Վահան Ասատրյանը:

Հունիսի 16-ին ՄԶՄԿ ներկայացուցիչ Վահան Ասատրյանը ՆԱՏՕ/Եվրաատլանտյան համագործակցության խորհրդի (ԵԱՀԽ) «Հանրային կարծիքի բարելավումը ՆԱՏՕ-ի գործողությունների և անվտանգության/պաշտպանության ոլորտի բարեփոխումների վերաբերյալ» սեմինարին ներկայացրեց Երևանում և Հայաստանի ինը մարզերում երիտասարդների շրջանում ՄԶՄԿ կողմից իրականացված տասը հանրային քննարկումների հիման վրա Կենտրոնի կատարած վերլուծությունների նախնական արդյունքները:

«Կամրջելով անդունդը» ծրագրի շրջանակներում, ՄԶՄԿ մասնագետները հանրային քննարկումների իրականացման վերաբերյալ գիտելիքներ, հմտություններ հաղորդեցին և տեխնիկական միջոցներ տրամադրեցին թուրք գործընկերներին ս/թ հունիսի 9-ից 14-ը Ստամբուլ կատարած գործուղման ընթացքում:

Հունիսի 14-ին Սևծովյան խաղաղաշինական ցանցի հայաստանյան փորձագետների խորհրդի անդամները  Հակամարտությունների կարգավորման ինստիտուտի ներկայացուցիչներ Մերի Ջաարվայի և Միշա Միրզաշվիլիի հետ քննարկեցին ԵՄ ֆինանսավորմամբ ՀԿԻ և այլ միջազգային կազմակերպությունների, այդ թվում՝ Միջազգային ահազանգի և Հաշտության պաշարների հետ համատեղ նախաձեռնության սկզբունքները:

Հունիսի 12-ին հայ-թուրքական հարաբերությունների բարելավման վերաբերյալ համագործակցության հուշագիրը ստորագրած չորս կազմակերպությունների'  Եվրասիա համագործակցության հիմնադրամի, Երևանի մամուլի ակումբի, Հայաստանյան արդյունաբերողների և գործարարների (գործատուների) միության և Մարդկային զարգացման միջազգային կենտրոնի ներկայացուցիչները քննարկեցին հուշագրի շրջանակներում համատեղ գործունեությանը վերաբերող աշխատանքային հարցեր:

Հունիսի 10-ին ՄԶՄԿ գործադիր տնօրեն Թևան Պողոսյանը Լեհաստանի մայրաքաղաք Վարշավայում մասնակեցել է «Երկրորդ լեհ-հյուսիսային ֆորում. Ժողովրդավարության հեռանկարները Արևելյան Եվրոպայում» թեմայով համաժողովում:

Հունիսի 9-ին ՄԶՄԿ-ի փորձագետները Լեհաստանի Աշխատանքի և սոցիալական հարցերի նախարարության աշխատակից Ալեքսանդրա Լանգի, Միգրացիոն քաղաքականության զարգացման կենտրոնի աշխատակից Օլենա Սիլկինայի և Ռումինիայի Կառավարման և ներքին գործերի ներգաղթի գրասենյակի հետազոտությունների և վերլուծությունների կենտրոնի ղեկավար Էմիլ Նիկուլեսկուի հետ քննարկել են Հայաստանի միգրացիոն պատկերի մշակմանը վերաբերող հարցեր: