Հունիսի 10-ին ՄԶՄԿ գործադիր տնօրեն Թևան Պողոսյանը Բրյուսելում Եվրոպական խորհրդարանի ԵԱԺԴ «Հայաստանի օր» միջոցառմանը հանդես է եկել զեկուցմամբ:

2010թ. հունիսի 7-ին Ֆրիդրիխ Էբերտ հիմնադրամի աջակցությամբ, Երևանի «Կոնգրես» հյուրանոցի խորհրդակցությունների սրահում տեղի ունեցավ Եվրամիության Արևելյան գործընկերության (ԱլԳ) Հայաստանի ազգային պլատֆորմի հիմնադիր ժողովը՝ անդամ 145 կազմակերպություններից 136-ի ներկայացուցիչների մասնակցությամբ:

Հունիսի 5-ին հայ-թուրքական հարաբերությունների բարելավման վերաբերյալ համագործակցության հուշագիրը ստորագրած չորս կազմակերպությունների'  Եվրասիա համագործակցության հիմնադրամի, Երևանի մամուլի ակումբի, Հայաստանյան արդյունաբերողների և գործարարների (գործատուների) միության և Մարդկային զարգացման միջազգային կենտրոնի ներկայացուցիչները քննարկեցին հուշագրի շրջանակներում համատեղ գործունեությանը վերաբերող աշխատանքային հարցեր:

Ս/թ հունիսի 3-ին ՄԶՄԿ փորձագետները Ամերիա բանկի և Ֆինանսական համակարգի հաշտարարի գրասենյակի հոգաբարձուների խորհրդի  ներկայացուցիչների հետ քննարկեցին ՄԶՄԿ և Միգրացիայի միջազգային կազմակերպության (ՄՄԿ) համատեղ նախաձեռնության խնդիրները՝ միգրանտ աշխատավորների և նրանց ընտանիքների համար առավել նպաստավոր ֆինանսական երաշխիքներ մշակելու և ներդնելու վերաբերյալ:

ՄԶՄԿ-ն հայաստանյան մի շարք տեղական հասարակական կազմակերպությունների հետ միասին ահազանգում է «Հայկական ժամանակ» օրաթերթի լրագրող Անի Գևորգյանի ձերբակալությանը:

Ս/թ հունիսի 1-ին ՄԶՄԿ փորձագետները Աշխատանքի միջազգային կազմակերպության և Միգրացիայի պետական ծառայության ղեկավարների, ինչպես նաև Երևանի քաղաքապետարանի համապատասխան ծառայության մասնագետների հետ քննարկեցին միգրանտ աշխատավորներին և նրանց ընտանիքներին աջակցելուն,  զբաղվածության մասնավոր գործակալությունների կարողությունների զարգացմանը, ինչպես նաև Հայաստանում միգրացիայի կարգավորման համակարգը եվրոպական չափանիշներին ներդաշնակեցնելուն ուղղված ՄԶՄԿ և Միգրացիայի միջազգային կազմակերպության (ՄՄԿ) համատեղ նախաձեռնության խնդիրները:

Միգրանտ աշխատավորներին և նրանց ընտանիքներին աջակցելու, արտագնա աշխատանքի կազմակերպման գործում հիմնական դերակատարների՝ զբաղվածության մասնավոր գործակալությունների կարողությունների զարգացմանը, ինչպես նաև Հայաստանում միգրացիայի կարգավորման համակարգը եվրոպական չափանիշներին ներդաշնակեցնելուն ուղղված ՄԶՄԿ և Միգրացիայի միջազգային կազմակերպության (ՄՄԿ) համատեղ նախաձեռնության խնդիրները ՄԶՄԿ փորձագետները քննարկեցին Հայաստանի արդյունաբերողների և գործարարների (գործատուների) միության և ՀՀ Կրթության և գիտության նախարարության ներկայացուցիչների հետ ս/թ մայիսի 31-ին:

Հանրապետության տոնի նախօրեին, ս/թ մայիսի 27-ին, Մարդկային զարգացման միջազգային կենտրոնը հարյուրավոր գործընկերների մասնակցությամբ մեծ հանդիսավորությամբ նշեց իր տասնամյա հոբելյանը:

Պետական կառավարման մարմինների, քաղաքացիական հասարակության կառույցների և վերլուծական կենտրոնների, գործարար համայնքի և զարգացման գործընկերների քսանչորս գործիչներ ՄԶՄԿ հրավերով մայիսի 21-ին մասնակցեցին «Քաղաքացիական հասարակության ինստիտուտների կայացման ֆինանսական երաշխիքները»  առանց հղումների քննարկմանը: Քննարկման արդյունքում ՄԶՄԿ-ն մշակել և գործընկերներին է ներկայացրել քաղաքականության համառոտագիր, որը կհրապարակվի նաև մեր պաշտոնական կայքում:

Ս/թ մայիսի 21-ին, ժամը 16:00-ին ՄԶՄԿ նիստերի դահլիճում տեղի կունենա «Քաղաքացիական հասարակության ինստիտուտների կայացման ֆինանսական երաշխիքները» թեմայով առանց հղումների իրավունքի քննարկում: