2010թ. մայիսի 17-18-ին Լիբանանի Զահլե քաղաքաում ՄԶՄԿ գործադիր տնօրեն Թևան Պողոսյանը և Աշոտ Խուրշուդյանը մասնակցել են «Կամրջելով անդունդը»  Միջին Արևելքի և Կովկասի տարածաշրջանային առաջին կոնֆերանսին:

Պետական կառավարման մարմինների, քաղաքացիական հասարակության կառույցների և վերլուծական կենտրոնների, գործարար համայնքի և զարգացման գործընկերների քսանհինգ գործիչներ ՄԶՄԿ հրավերով մայիսի 12-ին մասնակցեցին «Հայ-ադրբեջանական և հայ-թուրքական գործարար հարաբերություններ. իրողությունը, պոտենցիալը, ցանկությունը և հակամարտությունը տարածաշրջանում» առանց հղումների քննարկմանը:

Մայիսի 12-ին ՀՀ աշխատանքի և սոցիալական հարցերի նախարարությունում տեղի ունեցավ Հայաստանում գենդերային բռնության դեմ պայքարի միջգերատեսչական հանձնաժողովի առաջին նիստը: 

Պետական կառավարման մարմինների, քաղաքացիական հասարակության կառույցների և վերլուծական կենտրոնների, գործարար համայնքի և զարգացման գործընկերների քսանչորս գործիչներ ՄԶՄԿ հրավերով մայիսի 11-ին մասնակցեցին «Բազմալեզու հանրակրթություն. հնարավորությու՞ն, թե մարտահրավեր» առանց հղումների քննարկմանը:

ՄԶՄԿ գործադիր տնօրեն Թևան Պողոսյանը ս/թ մայիսի 8-9-ը Ժնևի Բարձրագույն հաստատությունում մասնակցել է «Կոսովոյի անկախության հռչակումից և 2008թ. օգոստոսյան պատերազմից հետո. նոր աշխարհաքաղաքականությունը և դիվանագիտության դերը Կովկասում» խորագրով կոնֆերանսին:

Ս/թ մայիսի 12-ին, ժամը 16:00-ին ՄԶՄԿ նիստերի դահլիճում տեղի կունենա «Հայ-ադրբեջանական և հայ-թուրքական գործարար հարաբերություններ. իրողությունը, պոտենցիալը, ցանկությունը և հակամարտությունը տարածաշրջանում» թեմայով առանց հղումների իրավունքի քննարկում:

Ս/թ մայիսի 11 ժամը 20:00-ին ՄԶՄԿ նիստերի դահլիճում տեղի կունենա «Բազմալեզու հանրակրթություն. հնարավորությու՞ն, թե մարտահրավեր» թեմայով առանց հղումների իրավունքի քննարկում:

2010թ. մայիսի 4-ին ՄԶՄԿ ներկայացուցիչները հանդիպել են «Նորսկ էներջի» նորվեգական ասոցիացիայի խորհդատուներ Իուն Յո Էլլիսոնի և ԷՆ Իռեն Գլիմսդալի հետ:  Ներկաները քննարկել են հետագա համագործակցության հնարավորությունները:

ՄԶՄԿ գործադիր տնօրենը հանդիպել է Միացյալ նահանգների միջազգային զարգացման գործակալության հայաստանյան առաքելության տնօրեն տիկին Ջեթինդեր Չիմայի հետ ս/թ ապրիլի 30-ին: Հանդիպման ընթացքում քննարկվել են համաշխարհային արագ փոփոխվող միջավայրում տարածաշրջանային համագործակցության և խաղաղության հաստատման, քաղաքացիական հասարակության զարգացման, արդյունավետ կառավարման և գենդերային բռնության ոլորտներում հայաստանյան հասարակության առջև ծառացող մարտահրավերներն ու ծագող հնարավորությունները: ՄԶՄԿ գործադիր տնօրենը ներկայացրել է վերլուծական կենտրոնի մի շարք ընթացիկ նախաձեռնությունները:

2010թ. ապրիլի 29-ին ՄԶՄԿ ներկայացուցիչները հանդիպել են Վրաստանում Միացյալ Թագավորության դեսպանության Հարավային Կովկասի տարածաշրջանում հակամարտությունների խորհրդական տիկին Քեյթ Ուայթի հետ: Ներկաները քննարկել են "Ղարաբաղյան հարցի լուծումը. Որ՞ն է հանրության կարծիքը"  ծրագրի իրականացման ընթացքը: Ծրագիրն իրականցնում են ՄԶՄԿ-ն և նրա գործընկեր «Երիտասարդությունը զարգացման համար» ՀԿ-ն՝ Միացյալ Թագավորության Հակամարտությունների կանխարգելման գլոբալ հիմնադրամի աջակցությամբ: