2010թ. ապրիլի 26-ին հայաստանյան քաղաքացիական  հասարակության չորս կազմակերպությունների ղեկավարները  ստորագրեցին Համագործակցության հուշագիր հայ-թուրքական հարաբերությունների բարելավման նպատակով միասնական նախաձեռնություններով հանդես գալու մասին:

Պետական կառավարման մարմինների, քաղաքացիական հասարակության կառույցների և վերլուծական կենտրոնների, գործարար համայնքի և զարգացման գործընկերների քսանյոթ գործիչներ ՄԶՄԿ հրավերով ապրիլի 23-ին մասնակցեցին «Եվրոպական ինտեգրում. ընկալումից նախաձեռնություններ» առանց հղումների քննարկմանը:

Հաշվի առնելով Արևելք/Արևմուտք Եվրաֆորում (Euroforum East/West Network) երիտասարդական ցանցի նշանակությունն ու կայացվածությունը որպես փորձի, գիտելիքների, մշակութային և այլ արժեքների արդյունավետ փոխանակման և համագործակցության հարթակ՝ ՄԶՄԿ հանդես է եկել նոր նախաձեռնությամբ:

ՀՀ Տնտեսագիտական համալսարանի Եղեգնաձորի մասնաճյուղի շուրջ հիսուն ուսանողներ 2010թ. ապրիլի 10-ին մասնակցեցին Հայաստան-ՆԱՏՕ համագործակցության վերաբերյալ հանրային քննարկմանը: ՄԶՄԿ-և Հայկական Ատլանտյան Ասոցիացիայի հետ համագործակցությամբ պարբերաբար կազմակերպում են համանման հանդիպում-քննարկումներ Հայաստանի մարզերում, այս անգամ՝ Վայոց Ձորի մարզկենտրոն Եղեգնաձորում:

2010թ. ապրիլի 14-18-ը Միավորված ազգերի Բնակչության հիմնադրամը Թբիլիսիում կազմակերպել էր գենդերային բռնության դեմ պայքարում տղամարդկանց դերի և պատասխանատվության վերաբերյալ «Տղամարդիկ խոսում են տղամարդկանց հետ» խորագրով սեմինար, որին մասնակցեցին տարբեր ազգության, տարիքի և մասնագիտության տղամարդիկ: Նրանց բոլորին համախմբել էր մի ընդհանուր գաղափար. պայքարը բռնության դեմ՝ խնդիրը բարձրաձայնելու և բռնության դեմ գործողությունները համատեղ իրականացնելու միջոցով:

Ապրիլի 8-ին ՄԶՄԿ-ն հյուրընկալեց Հայաստանում Միավորված ազգերի մշտական համակարգող, Միավորված ազգերի զարգացման ծրագրի մշտական ներկայացուցիչ տիկին Դաֆինա Գերչևային: Հեղինակավոր կազմակերպության հայաստանյան գրասենյակի ղեկավարը և ՄԶՄԿ-ի ներկայացուցիչները քննարկեցին համագործակցության դասերը և գալիք նախաձեռնությունների հնարավորությունները:

Ազգային փոքրամասնությունների իրավունքների պաշտպանության խնդիրը լուրջ մարտահրավեր է ժողովրդավարության կայացմանը թե՛ անցումային հասարակություններում, թե՛ Եվրամիության տարածաշրջանում: Փոքրամասնությունների ներկայացուցիչները հիմնականում տեղյակ չեն իրենց իրավունքներին, ուստի և հաճախ ի վիճակի չեն պաշտպանել սեփական շահերը: Միաժամանակ, չճանաչված պետությունները հայտնվում են տարածաշրջանային ինտեգրման լուսանցքում և չեն օգտվում զարգացման միջազգային նախաձեռնություններից:

«Ընդդեմ գենդերային բռնության» ազգային ծրագրի մշակման նպատակով վարչապետի 2010թ. մարտի 30-ի որոշմամբ ստեղծվել է Գենդերային բռնության դեմ պայքարի միջգերատեսչական հանձնաժողով, որի անհատական կազմում ներառվել է նաև ՄԶՄԿ ներկայացուցիչը:

Հանրային իշխանության մարմինների՝ այդ թվում ոստիկանության, առողջապահության, տեղական ինքնակառավարման ավելի քան 340 ծառայողներ Հայաստանի բոլոր մարզերից և Երևանից մասնակցեցին ՄԶՄԿ կողմից կազմակերպված «Գենդերը և գենդերային բռնությունը» թեմայով երկօրյա վերապատրաստման դասընթացներին: Վերապատրաստման 15 դասընթացների ընթացքում ծառայողները տարբեր դերային խաղերի, քննարկումների, ֆիլմերի դիտումների միջոցով հնարավորություն ունեցան հարստացնելու գենդերային բռնության մասին իրենց գիտելիքներն ու զարգացնելու համապատասխան հմտությունները:

ՄԶՄԿ-ն, համագործակցելով տեղական երեք կազմակերպությունների հետ, գենդերային բռնության զոհերին աջակցություն ցուցաբերելու նպատակով կազմակերպել է դասընթացներ, դրանցում ներգրավելով ընտանեկան բռնության ենթարկվող ու մշտական հոգեբանական ցնցումների մեջ գտնվող շուրջ 250 կանանց և աղջիների: