Մարդկային զարգացման միջազգային կենտրոնը «Հայաստանում աշխատանքային միգրացիայի գիտավերլուծական կառավարման հզորացում» ծրագրի շրջանակներում 2013թ. նոյեմբերի 8-ին կազմակերպել էր կլոր սեղան հանդիպում «Աշխատանքային միգրանտների սոցիալական իրավունքների փոխադրելիության խնդիրները» թեմայով:

Քաղաքացիական հասարակության կառույցների, վերլուծական կենտրոնների, գործարար համայնքի և զարգացման գործընկերների ավելի քան քսան ներկայացուցիչներ ՄԶՄԿ հրավերով նոյեմբերի 7-ին մասնակցեցին «Ինչպիսի՞ հանրակրթական համակարգ ու գործընթաց ենք ցանկանում տեսնել Հայաստանում 2020 թվականին» թեմայով առանց հղումների իրավունքի քննարկմանը:

Մարդկային զարգացման միջազգային կենտրոնը (ՄԶՄԿ) Միգրացիայի միջազգային կազմակերպության հետ համագործակցությամբ և Եվրոպական հանձնաժողովի օժանդակությամբ իրականացվող «Հայաստանում աշխատանքային միգրացիայի գիտավերլուծական կառավարման հզորացում» ծրագրի շրջանակներում մշակեց և գործարկեց աշխատանքի տեղավորման և զբաղվածության ծառայություններ մատուցող կազմակերպություններին օժանդակող ՈՒԼԻՍՍԵՍ էլեկտրոնային համակարգը:

Եվրոպական միության, Միավորված ազգերի զարգացման ծրագրի (ՄԱԶԾ)  աջակցությամբ և ՀՀ տարածքային կառավարման նախարարության (ՏԿՆ) հետ սերտ համագործակցությամբ Մարդկային զարգացման միջազգային կենտրոնը (ՄԶՄԿ) իրականացնում է «Մասնակցային,պատասխանատու և գենդերային հավասարության սկզբունքներին խարսխված կառավարման վերաբերյալ տեղական իշխանությունների կարողությունների ու գիտելիքների զարգացում» ծրագիրը, որը մաս է կազմում ավելի մեծ մի ծրագրի՝ «Հավասար իրավունքների և հավասարհնարավորությունների խթանում Հայաստանում. Կանայք տեղական ժողովրդավարական գործընթացներում»: 

Մարդկային զարգացման միջազգային կենտրոնը, Եվրոպական միության ֆինանսավորմամբ և Միգրացիայի միջազգային կազմակերպության հետ համագործակցությամբ իրականացվող «Հայաստանում աշխատանքային միգրացիայի գիտավերլուծական կառավարման հզորացում» ծրագրի շրաջնակներում 2013թ․ հոկտեմբերի 7-9-ը կազմակերպել էր Լեհաստանում շրջանառու աշխատանքային միգրացիայի կազմակերպման և կառավարման ոլորտում շահագրգիռ պետական, քաղաքացիական հասարակության ինստիտուտների և մասնավոր հատվածի ներկայացուցիչների փորձի փոխանակման այց Հայաստան: Լեհական պատվիրակությունը ներկայացնում էր Լեհաստանի Աշխատանքի և սոցիալական քաղաքականության նախարարությունը և օտարերկրյա աշխատողների հավաքագրմամբ մասնագիտացած Լեհաստանի առաջին ընկերություններից մեկը՝ ԻսթՎեսթԼինք ընկերությունը:

«Հավասար իրավունքներիև հավասար հնարավորությունների խթանում Հայաստանում. Կանայք տեղական ժողովրդավարական գործընթացներում» ծրագրի շրջանակներում   սեպտեմբերի 18-ին և 25-27-ին ՄԶՄԿ-ն  Արարատի մարզկենտրոնում կազմակերպել է սեմինարներ, որին մասնակցել են տեղական ինքնակառավարման մարմինների, մարզկենտրոնի և տեղական կազմակերպությունների 20 ներկայացուցիչներ: 

Մարդկային զարգացման միջազգային կենտրոնը Միգրացիայի միջազգային կազմակերպության հետ համագործակցությամբ և Եվրոպական հանձնաժողովի օժանդակությամբ շարունակում է «Հայաստանում աշխատանքային միգրացիայի գիտավերլուծական կառավարման հզորացում» ծրագիրը, որի շրջանակներում պարբերաբար հրավիրվում են առանց հղումների իրավունքի քննարկումներ նվիրված աշխատանքային միգրացիայի խնդիրներին:

2013թ.-ի սեպտեմբերի 17-ին  Մարդկային զարգացման միջազգային կենտրոնի նախաձեռնությամբ տեղի ունցավ կլոր սեղան քննարկում՝ «Միգրանտներին և նրանց ընտանիքներին աջակցության խնդիրները հայաստանյան և եվրոպական քաղաքների միջև միջհամայնքային համագործակցության օրակարգում. հնարավորություններ և սահամանափակումներ» խորագրով:

2013 թ. սեպտեմբերի 13-ին Մարդկային զարգացման միջազգային կենտրոնի նախաձեռնությամբ հրավիրվեց Խորհրդատվական հանձնաժողովի նիստ, որի ընթացքում կառավարության, մասնավոր հատվածի և քաղաքացիական հասարակության ներկայացուցիչներին պաշտոնապես ներկայացվեց Զբաղվածության գործակալություններին տեղեկատվական աջակցության համակարգը՝ ՈՒԼԻՍՍԵՍ հարթակը:

Մարդկային զարգացման միջազգային կենտրոնը ԱՄՆ Փենսիլվանիայի Համալսարանի կողմից անկացված հետազտության արդյունքներով ճանաչվել է թափանցիկության և արդյունավետ կառավարման ոլորտում աշխարհի լավագույն 30 վերլուծական կենտրոններից մեկը: Հետազոտությունն ներառել է աշխարհի 6454 վերլուծական կենտրոններ և ամփոփվել է 2012թ. հունվարի 12-ին: