ԳՈՐԾԻՔՆԵՐ // 

2001-գործող
Զարգացման գենդերային չափումները ՄԶՄԿ հետաքրքրության հիմնական  առարկաներից մյուսն է: ՄԶՄԿ-ն միջոցներ է ձեռնարկում նպաստելու գենդերային հավասարության  կայացմանն ու կանանց հնարավորությունների ու ազդեցության հզորացմանը՝ իր գործունեության  շրջանակներում հատուկ տեղ հատկացնելով գենդերային  խնդիրներին և նախաձեռնելով և իրականացնելով գենդերային ուղղվածությամբ ծրագրեր, ինչպես  նաև կիրառելով կանանց և տղամարդկանց հավասարության սկզբունքը կազմակերպության կադրային  քաղաքականության և, ընդհանրապես, իր գործունեության մեջ:
Հավասարությունը և ոչ-խտրական մոտեցումը ՄԶՄԿ հիմնական արժեքներից  են: Մեր աշխատակազմը գենդերային առումով հավասարակշռված է, ավելին, մենք օժանդակում  ենք կանանց՝ ստանձնելու ղեկավար պաշտոններ մեր կազմակերպությունում: ՄԶՄԿ մշտապես հետևում  է "համարժեք աշխատանքի դիմաց՝ հավասար վարձատրություն" սկզբունքին: ՄԶՄԿ աշխատանքային  հրահանգներն ու գործունեության մեթոդաբանությունը չեն պարունակում խտրական մոտեցումներ,  եթե իհարկե, չկա հատուկ անհրաժեշտություն ազդեցության գործիքները հասցեագրելու գենդերային  առանձին խմբերի կամ գենդերային առանձնահատուկ կարիքների բավարարմանը: ՄԶՄԿ-ն իրականացրել  է բազմաթիվ ծրագրեր՝ ուղղված գենդերային հավասարության խթանմանը, տնտեսության և քաղաքականության  մեջ կանանց դերի ու հնարավորությունների հզորացմանը, Հայաստանում գենդերային բռնությունների  կանխարգելմանը:

 ավելին >>

2005 - գործող

Հայաստանի և Հարավային Կովկասի ապագայի մասին ՄԶՄԿ տեսլականը  ենթադրում է եվրոպական արժեքներ կրող մարդիկ, եվրոպական չափանիշներին համապատասխանող  կանոնակարգեր ու կառույցներ, եվրոպական ժողովրդավարությանը հարիր քաղաքական և գործարար  մշակույթ և մարդու իրավունքների եվրոպական սկզբունքները որդեգրած պետություններ:  Այն իրականության վերածելու ճանապարհին ՄԶՄԿ ջանում  է խթանել Հայաստանի և ողջ տարածաշրջանի ինտեգրումը եվրոպական համայքին՝ քարոզելով եվրոպական  արժեքներ, ձևավորելով եվրոպական չափանիշերին համապատասխանող որակյալ հանրային ծառայությունների  պահանջարկ, օժանդակելով իրավական դաշտը ԵՄ օրենսդրությանը մոտարկման գործընթացին և  նպաստելով եվրաինտեգրումը ազգային և տարածաշրջանային քաղաքական օրակարգերի կիզակետում  պահելուն: 

Այս համատեքստում ՄԶՄԿ գործի է դնում իր ողջ զինանոցը. կազմակերպում  է առանց հղումների իրավունքի հանդիպումներ, մշակում և տարածում է քաղաքականության մասին  առաջարկներ՝ համառոտագրեր, օգտագործում է հասարակական ցանցերի և ԶԼՄ հնարավորությունները,  կազմակերպում է համաժողովներ, սեմինարներ և այլն: Եվրոպական հարևանության քաղաքականության  մեկնարկի ազդարարումից և ԵՀՔ գործիքները ներդնելու մասին հայտարարելուց անմիջապես հետո  ՄԶՄԿ-ն եվրաինտեգրման ուղղությամբ իր ջանքերը կենտրոնացրեց նոր խնդիրների լուծման վրա: 

 ավելին >>

Հայերեն տարբերակը մշակման փուլում է և պատրաստ կլինի շուտով: Խնդրում ենք կրկին այցելել այս էջը մոտ օրերս:

Հայցում ենք ձեր ներողամտությունը

 ավելին >>

2001թ.- գործող

2001թ. ի վեր ՄԶՄԿ-ն իր ուշադրությունը  կենտրոնացրել է ծխախոտի դեմ պայքարի խնդիրներին: Հայաստանում ծխելու ցուցանիշը մշտապես  բարձր է եղել. չափահասների շուրջ մեկ երրորդը կանոնավոր ծխողներ են: Ծխելու հետևանքով առաջացած հիվանդությունների  պատճառով Հայաստանում 35-69 տարիքային խմբի ծխողների շրջանում տարեկան գրանցվում է  շուրջ 3000 մահվան դեպք: Ծխելը բավականին տարածված է պատանիների շրջանում: 2004թ. անդամակցելով Առողջապահության համաշխարհային կազմակերպության  Ծխախոտի դեմ պայքարի շրջանակային կոնվենցիային՝ Հայաստանում ձևավորվեցին առավել նպաստավոր  պայմաններ ավելի խիստ քաղաքականություն և օրենսդրական դաշտ մշակելու համար: Սակայն  «ծխախոտային լոբբին» չափազանց ամուր  հիմքեր ունի Հայաստանում: ՄԶՄԿ-ն այս բնագավառում առաջատար դիրք է գրավում և  հանդիսանում է 12 նախաձեռնությունների հեղինակ ու իրականացնող: Ծխախոտի դեմ  պայքարի առավել խիստ քաղաքականության  ազդեցությունը  տնտեսության վրա Կենտրոնի հատուկ ուշադրության կենտրոնում է: ՄԶՄԿ-ն նշանակալի  դերակատարում է ունեցել Առողջապահության համաշխարհային կազմակերպության Ծխախոտի  դեմ պայքարի շրջանակային կոնվենցիային (ԾՊՇԿ) Հայաստանի անդամակցելու և ծխախոտի ու  դրա արտադրատեսակների վրա հարկերի վերջին ավելացումների հարցում: ՄԶՄԿ մեկական անդամներ  մասնակցել են ԾՊՇԿ «Ծխախոտի ապօրինի առևտրի» և «Ծխախոտի մշակման» արձանագրությունների  մշակման աշխատանքներին՝ ներկայացնելով Եվրոպական տարածաշրջանը: Կենտրոնը հանդես է  եկել բազմաթիվ հրապարակումներով և իրականացրել է նախադեպը չունեցող հետազոտություն՝  Հայաստանում ծխելու տարածվածությունն ուսումնասիրելու նպատակով: ՄԶՄԿ-ն  Շրջանակային կոնվենցիայի դաշինքի և Հայաստանն առանց ծխախոտի դաշինքի անդամ է, վարում  է յուրօրինակ համացանցային կայք` nosmoking.ichd.org հասցեով:

 ավելին >>

2001- ընթացիկ

ՄԶՄԿ-ն օժանդակում է Հայաստանում և տարածաշրջանում անվտանգության ոլորտի բարեփոխումներին՝ ջանքերն ուղղելով անվտանգության ոլորտում կառավարման ժողովրդավարացմանն  ու նպաստում հավաքական անվտանգության հիմնական համակարգերի, այդ թվում՝ ՆԱՏՕ-ի հետ  երկկողմ և բազմակողմ համագործակցության կայացմանը:

 ավելին >>

2007-2008

Որոշումների կայացման ժողովրդավարական  գործընթացը Հարավային Կովկասում դեռևս զարգացման փուլում է: Անցումային ժամանակաշրջան  ապրող հասարակությունների փորձն ու գիտելիքները չեն կարող դիմակայել այն մարտահրավերներին,  որ առաջադրում է արագ փոփոխվող միջավայրը: Այդ մարտահրավերներին դիմակայելու և գործուն  ժողովրդավարության փուլ անցնելու համար հասարակություններին ու իշխանություններին անհրաժեշտ  են նոր ու ավելի արդյունավետ գործիքներ, հմտությունների և տարաբնույթ գիտելիքների մեծ  պաշար: Մասնակցային ժողովրդավարություն իրականացնելու գործիքներից մեկը հանրային քննարկումների  մեխանիզմն է, որը 2005թ. ի վեր Հայաստանում ներդրվել և կիրառվում է ՄԶՄԿ-ի կողմից:  Հայաստանում տեղական և ազգային մակարդակում այս մեխանիզմն արդյունավետորեն ներդնելուց  հետո ՄԶՄԿ-ն նախատեսում է ընդլայնել իր ունակությունները և կարողություններ զարգացնել  Հարավային Կովկասի ողջ տարածաշրջանում:

 ավելին >>

2002-2008

Հայաստանի հանրային ֆինանսների կառավարման (ՀՖԿ) բարեփոխումների  օրակարգը նպատակ է հետապնդում բարելավել ֆինանսական կարգապահությունն ու ռեսուրսների  բաշխման և օգտագործման արդյունավետությունը: Այդ նպատակն ամրագրված է ՀՀ Կառավարության  հիմնական ծրագրային փաստաթղթերում, օրինակ՝ Միջնաժամկետ ծախսերի ծրագրում (ՄԺԾԾ): Կառավարության  բարեփոխումների օրակարգը ներառում է հանրային ֆինանսների կառավարման համակարգը, այդ  թվում՝ ՄԺԾԾ-ն և ծրագրային բյուջետավորման, գանձապետական, ներքին և արտաքին աուդիտի,  հաշվապահական համակարգերի բարեփոխումները և այլն: Այդ բարեփոխումները չեն կարող դիտարկվել  առանձին-առանձին, քանզի հանդիսանում են ՀՖԿ համակարգում ինքնուրույն, սակայն ներշաղկապված  գործընթացներ: ՄԶՄԿ-ն  հայաստանյան այն հիմնական ինստիտուտներից մեկն է, որ 2002թ. ի վեր ոչ միայն բարձրաձայնում  է հանրային ֆինանսների կառավարման համակարգի բարեփոխումների անհրաժեշտության մասին,  այլև քաղաքական խորհրդատվություն և տեխնիկական աջակցություն է ցուցաբերում բարեփոխումների  գործընթացին: ՄԶՄԿ ջանքերով 2002-2008թթ. ընթացքում վերոհիշյալ բարեփոխումների մեջ  են ներգրավվել ՀՖԿ համակարգի բոլոր կարևորագույն տարրերը:

 ավելին >>
<<  <  | 1 | 2 | 3 |  >  >>

ՆՈՐՈՒԹՅՈՒՆՆԵՐ

15.03.2021

ՀՀ Ազգային ժողովին (ՀՀ ԱԺ) միջազգային զարգացման աջակցության, համակարգման և ՀՀ ԱԺ հետ միջազգային զարգացման գործընկերների համագործակցության քարտեզագրման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։

 ավելին >>
15.03.2021

Քաղաքական հաղորդակցության գործիքների արդյունավետության գնահատման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։

 ավելին >>
09.03.2021

«Կանաչ Գործարք» աշխատանքային խմբի առաջին տեսակոնֆերանս

2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

20.11.2023

Երիտասարդական Էքսպոյի Կատալոգ

«Քաղաքացիական կրթություն և մասնակցություն» ծրագրի 2023 երիտասարդական էքսպոյի կատալոգում կարող եք ծանոթանալ մասնակից ավելի քան 30 հասարակական կազմակերպություններին, էքսպոյի ընթացքում նախատեսվող 10-ից ավելի միջոցառումներին և դրանք վարող խոսնակներին, ինչպես նաև «Քաղաքացիական կրթություն և մասնակցություն» ծրագրի հակիրճ նկարագրին և ծրագրի հիմքում ընկած «Երիտասարդների դրական զարգացում» մոտեցմանը։