2010թ. սեպտեմբերի 15-ին Եվրոֆորում Արևելք Արևմուտք ցանցի շրջանակներում ՄԶՄԿ-ն կազմակերպել է խաղ-դասընթաց՝ նվիրված Ժողովրդավարության միջազգային օրվան:

Սեպտեմբերի 10-11-ը ՄԶՄԿ գործադիր տնօրեն Թևան Պողոսյանը մասնակցել է Ռիգա-2010 համաժողովին:

2010թ. սեպտեմբերի 7-ին «Նորսկ Էներջի» ընկերությունն իր հայկական գործընկեր «Հիդրոէներգետիկա» ընկերության և ՄԶՄԿ հետ համագործակցությամբ սկսեց Հայաստանում փոքր ՀԷԿ-երի հատվածի բազմաթիվ մասնակիցների գործունեության խթանմանը և ՀԷԿ-երի տեխնիկական կարողությունների զարգացմանն ուղղված քառամսյա ծրագիր:

2010թ. սեպտեմբերի 4-ին ՄԶՄԿ գործադիր տնօրեն Թևան Պողոսյանը Բրյուսելում մասնակցել է Արևելյան գործընկերության (ԱԳ) քաղաքացիական հասարակության ֆորումի շրջանակներում կազմակերպված  «Կապեր մարդկանց միջև» խորագրով չորրորդ աշխատանքային խմբի հանդիպմանը:

Հուլիսի 26-ից 28-ը ՄԶՄԿ պատվիրակությունը մասնակցեց Ստամբուլում (Թուրքիա) հրավիրված «Կամրջելով անդունդը» ծրագրի առաջին համաժողովին: Համաժողովը նպատակ ուներ ի մի բերել երկու երկրներում քննարկումների ընթացքում հնչած կարծիքներն ու մտքերը, վեր հանել կողմերի շահերը և ուղենշել նշված ոլորտներում համատեղ ծրագրերի հեռանկարները:

Հուլիսի 15-ին ՄԶՄԿ-ն «Կամրջելով անդունդը» ծրագրի շրջանակներում ՄԶՄԿ-ն շուրջ հարյուր մասնագետների և շահագրգիռ կողմերի մասնակցությամբ Երևանում իրականացրեց հանրային քննարկումներ  «Հայ թուրքական համագործակցության հնարավորությունները ենթակառուցվածքների բնագավառում» և «Կրթության և գիտության խնդիրները հայ-թուրքական հարաբերությունների համատեքստում» թեմաներով:

 ՄԶՄԿ-ն հրավիրում է համաքաղաքային քննարկում «Հայաստան-Թուրքիա. կրթության և գիտության խնդիրները» թեմայով: Քննարկումը տեղի կունենա ս/թ հուլիսի 15-ին ժամը 11:00-ին, Անի Պլազայում: Քննարկմանը հրավիրված են ոլորտի մասնագետներ, պաշտոնյաներ և քաղաքական գործիչներ:

Հուլիսի 13-ին հայ-թուրքական հարաբերությունների բարելավման վերաբերյալ համագործակցության հուշագիրը ստորագրած չորս կազմակերպությունների'  Եվրասիա համագործակցության հիմնադրամի, Երևանի մամուլի ակումբի, Հայաստանյան արդյունաբերողների և գործարարների (գործատուների) միության և Մարդկային զարգացման միջազգային կենտրոնի ներկայացուցիչները քննարկեցին հուշագրի շրջանակներում համատեղ գործունեությանը վերաբերող աշխատանքային հարցեր:

Հուլիսի 12-ին ՄԶՄԿ փորձագետները Սևծովյան խաղաղաշինական ցանցի հայաստանյան փորձագետների խորհրդի անդամների հետ քննարկեցին հետագա համագործակցությանն առնչվող խնդիրներ:

2010թ. հուլիսի 8-ին Մարդկային զարգացման միջազգային կենտրոնը Նիդերլանդների Թագավորության Արդարադատության նախարարության Հայրենադարձության և վերադարձի ծառայության հետ կնքեցին համաձայնագիր Նիդերլանդների Թագավորությունից կամավոր կամ հարկադրաբար վերադարձող Հայաստանի քաղաքացիներին վերաինտեգրաման աջակցություն տրամադրելու մասին: