Դեվիդ Ֆիլիփսի «Բարձրաձայնելով անցյալը» գրքի հայերեն թարգմանությունը հրապարակվել է ՄԶՄԿ կողմից: Աշխատության մեջ ներկայացվում են 2001-2004թթ. Հայաստանում և Թուրքիայում հասարակական դիվանագիտության ոլորտում իրականացված ծրագրերը, դրանց ձեռքբերումներն ու անհաջողությունները, ներկայացվում են հաշտեցման գործընթացից քաղված դասերը:

ՄԶՄԿ գործադիր տնօրեն Թևան Պողոսյանի հեղինակած սույն աշխատությունը հրապարակվել է Ճգնաժամերի կառավարման նախաձեռնության (Crisis Management Initiative) կողմից «Քաղաքացիական հասարակության մասնակցությունը Եվրոպական հարևանության քաղաքականության ծրագրին. ռեգիոնալ մոտեցումները կոնֆլիկտի լուծմանը» ծրագրի շրջանակներում:

Մասնագետների և ընթերցող լայն հասարակության ուշադրությանը ներկայացվող սույն օժանդակ ձեռնարկը նախատեսված է մասնակցային ժողովրդավարության և տեղական ինքնակառավարման մարմինների վերապատրաստման դասընթացներում կիրառելու նպատակով:

Գրքում զետեղված են հանրապետության բոլոր մարզերի տաս համայնքներում իրականացված տեղական բյուջեների քննարկումների, դրանց արդյունքում որոշումների կայացման, իրականացված ծրագրերի, հարկերի հավաքագրման և համայնքային այլ խնդիրների վերաբերյալ տասը նախադեպերի ուսումնասիրություններ:

Համանուն միջազգային համաժողովը տեղի ունեցավ Երևանում 2008թ. հոկտեմբերի 28-29-ը՝ ԵԽ հայաստանյան ներկայացուցչության, Մեծ Բրիտանիայի Միջազգային զզարգացման դեպարտամենտի, Ֆրիդրիխ Էբերթ հիմնադրամի, ԵԱՀԿ-ի և Երևանում ԵԽ տեղեկատվական գրասենյակի աջակցությամբ: Համաժողովի աշխատանքներին մասնակցել են եվրաինտեգրման հարցերով զբաղվող մի շարք կազմակերպությունների ներկայացուցիչներ Հայաստանից, Վրաստանից, Ուկրաինայից, Թուրքիայից, Բուլղարիայից և Ռումինիայից: Համաժողովի աշխատանքներին մասնակցել են նաև ներկայացուցիչներ միջազգային կազմակերպություններից, այդ թվում՝ ԵՄ, ՆԱՏՕ, ԵԱՀԿ, ԵԽ:
Սույն հրապարակման մեջ ամփոփվում են համաժողովին ներկայացված ելույթներն ու զեկույցները:

«Աջակցություն Հայաստանում միգրացիոն քաղաքականության մշակմանն ու համապատասխան կարողությունների զարգացմանը» ծրագրի շրջանակներում ՄԶՄԿ կողմից մշակվել և հրապարակվել են տեղեկատվական թերթիկներ և բուկլետներ՝ ինչպես Հայաստանում, այնպես էլ արտասահմանում գտնվող ՀՀ քաղաքացիների համար անկանոն միգրացիայի և վերադարձի հարցերով խորհրդատվություն ստանալու նոր հնարավորությունների մասին տեղեկություններ տրամադրելու նպատակով:

Համանուն միջազգային համաժողովին, որը կազմակերպվել էր ՄԶՄԿ կողմից Երևանում 2007թ. 18-19-ը Եվրոպական իրավունքի և ինտեգրացիայի կենտրոնի հետ համագործակցությամբ, Եվրահանձնաժողովի հայաստանյան պատվիրակության և ԵԱՀԿ երևանյան գրասենյակի օժանդակությամբ, մասնակցել են ավելի քան 145 պատվիրակներ պետական և ոչ պետական, միջազգային և տեղական քաղաքացիական ինստիտուտներից, այդ թվում՝ 20 մասնակիցներ արտասահմանյան երկրներից:
Սույն հրապարակման մեջ ամփոփված են համաժողովի ընթացքում հնչած ելույթներն ու զեկույցները:

Հրատարակության մեջ ներկայացվում են Հայաստանում ծխախոտի արտադրության վիճակագրական տվյալները և տրվում է այս արտադրանքի նկատմամբ պահանջարկի էլաստիկության գնահատականը:

Այս հրատարակության մեջ ամփոփվում են «Հայ-թուրքական հասարակական դիվանագիտություն. նոր մտահղացումներ իրականացված ծրագրերի շուրջ» ծրագրի արդյունքները: Դրանում ներկայացվում են Հայաստանում և Թուրքիայում 2001-2004թթ. հասարակական դիվանագիտության ոլորտում իրականացված ծրագրերի ձեռքբերումներն ու ձախողումները, ինչպես նաև՝ մի շարք առաջարկներ շահագրգիռ կողմերի համար:
Գիրքը հրատարակված է հայերեն և անգլերեն:

Հրատարակության մեջ ամփոփվում են հարավկովկասյան երկրների սոցիալական ապահովության և զբաղվածության ազգային քաղաքականությունների և եվրոպական քաղաքական փաստաթղթերի, Եվրախորհրդի և Եվրոպական Միության կոնվենցիաների ու հանձնարարագրերի մոտարկման արդյունքները և առաջարկվում եվրոպական ստանդարտներին ու նորմերին համահունչ առաջիկա երեք տարիների քաղաքականության մշակման ժամանակացույց:

ՄԱԿ Բնակչության հիմնադրամի (UNFPA) կողմից օժանդակվող համապատասխան ծրագրի շրջանակներում հրատարակվել են տեղեկատվական գրքույկ և բրոշյուր: