Այս հրապարակումը մշակվել է ՄԶՄԿ կողմից Առողջապահության համաշխարհային կազմակերպության «Հասարակությանը հասնելու ուղիները» (Channel the Outrage) քարոզարշավի շրջանակներում: Դրանում քննարկվում են Հայաստանում ծխախոտի դեմ պայքարի շրջանակային կոնվենցիայի ստորագրման դրական և բացասական կողմերը։

Սույն ձեռնարկը նախատեսված է տեղական ինքնակառավարման մարմինների համար և ներառում է խորհուրդներ սեփականության կառավարման, ռազմավարական ծրագրավորման, համայնքային զարգացման ծրագրերի, տարեկան բյուջեյի կազմման մասին:

Գրքույկում ամփոփվում են ՄԶՄԿ (Հայաստան), "ԱՐԵԱԹ" կենտրոնի (Ադրբեջան) և Ռազմավարական հետազոտությունների կենտրոնի (Վրաստան) կողմից Ֆրիդրիխ Էբերտ հիմնադրամի օժանդակությամբ իրականացված համանուն ծրագրի շրջանակներում կատարված հետազոտության հիմնական արդյունքները:

Սույն գրքույկում փորձ է կատարվում հայ հասարակության ուշադրությունը կենտրոնացնել ծխելու վնասակար ազդեցության վրա, դարձնել դա քննարկման առարկա, անդրադառնալ այնպիսի հարցերի, որոնք հազվադեպ են բարձրացվում տեղական մամուլի կողմից և տալ հիմնավորված պատասխաններ, թե ինչու է ծխելը այդքան վտանգավոր, որոնք են պասսիվ ծխելու վտանգները, արդյոք թույլ է թյուր ընկալված՝ «թույլ» սիգարետների վնասակար ազդեցությունը:

ՄԶՄԿ գործունեության շրջանակներում առաջնային տեղ է հատկացվում առողջության առաջնային պահպանության ու ծխելու դեմ պայքարի քարոզչությանը: Ամերիկյան քաղցկեղի դեմ պայքարի ընկերության օժանդակությամբ ՄԶՄԿ կողմից մշակվել և հրապարակվել են ծխելու վտանգների մասին վեց տեղեկատվական թերթիկներ:

Այս հետազոտությունն ամփոփում է մինչև 2002թ. Հայաստանում, Ադրբեջանում և Վրաստանում տնտեսական զարգացման միտումներն ու խոչընդոտները: Գրքույկը մշակվել է ՄԶՄԿ (Հայաստան), "ԱՐԵԱԹ" կենտրոնի (Ադրբեջան) և Ռազմավարական հետազոտությունների կենտրոնի (Վրաստան) կողմից Ֆրիդրիխ Էբերթ հիմնադրամի օժանդակությամբ իրականացված համանուն ծրագրի շրջանակներում:

2002թ. հոկտեմբերին ՄԶՄԿ կողմից ՀՀ Շիրակի մարզկենտրոնում՝ Գյումրիում կազմակերպվեց տարածաշրջանային գյուղատնտեսական տոնավաճառ: Հրատարակված սույն տեղեկատուն պարունակում է տեղեկություններ տոնավաճառին մասնակցած կազմակերպությունների և ֆերմերների մասին: Այն նաև հանդիսանում է ուղեցույց ՀՀ Լոռու և Շիրակի մարզերի գյուղատնտեսական մթերքներ արտադրողների համար:

Սույն հրապարակման մեջ ամփոփվում են 2000-2001թթ. ՄԶՄԿ տարեկան հաշվետվությունները: Գրքույկում ներկայացվում են նշված ժամանակահատվածում ՄԶՄԿ կողմից իրականացված ծրագրերը, ինչպես նաև տրվում են տեղեկություններ ՄԶՄԿ մասին:

Հրապարակման նպատակն է հնարավորություն տալ վիճակագրական տվյալներից օգտվողներին ծանոթանալու ազգային հաշիվների համակարգի մեթոդաբանությանը, դրանից օգտվելու և տվյալները կիրառելու յուրահատկությունների հետ: Գրքույկը մշակվել է ՄԶՄԿ մասնագետների կողմից՝ որպես ձեռնարկ օգտագործողների լայն շրջանակի համար:

Սույն հրապարակման նպատակը լիցենզավորման մասին հասարակությանը տեղեկություններ տրամադրելն ու գործընթացները մատչելի ու ըմբռնելի կերպով ներկայացնելն է: Լիարժեք տեղեկությունների պակասը էականորեն խոչընդոտում է լիցենզիա պահանջող տնտեսական որևէ գործունեություն ձեռնարկելը: Շահառուները գրքույկում կարող են գտնել ամբողջական տեղեկություններ ձեռնարկատիրական գործունեություն սկսելու համար պահանջվող լիցենզիայի տեսակի, լիցենզիան ձեռք բերելու գործընթացի ու դրա առանձնահատկությունների, ինչպես նաև լիցենզիան տրամադրող պետական մարմնի մասին: