«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) «Սեյվ դը Չիլդրեն» կազմակերպության, «Արմավիրի զարգացման կենտրոն» ՀԿ-ի (ԱԶԿ), «Մարտունու կանանց համայնքային խորհուրդ» ՀԿ-ի (ՄԿՀԽ) հետ համագործակցությամբ շարունակում են «Պտղի սեռի խտրական ընտրության դեմ պայքար» ծրագիրը, որը ֆինանսավորվում է Եվրոպական միության կողմից:

Ծրագրի շրջանակներում ձևավորվել է «Տեղական մասնակցության և ոչ-խտրականության» փորձի և գիտելիքի փոխանակման ցանց (այսուհետև՝ Փոխցանց), 11 աշխատանքային խմբերի մասնակցությամբ՝ մեկական խումբ յուրաքանչյուր մարզում և Երևան քաղաքում։

Փոխցանցի անդամների փորձն ամբողջականացնելու և գործընկերների հետ կիսվելու, ինչպես նաև մարզային աշխատանքային խմբերի միջև փոխգործակցություն ապահովելու նպատակով ՄԶՄԿ-ն նախատեսում է կազմակերպել երեք ընդլայնված արտագնա հանդիպում-աշխատաժողով։ Առաջին ընդլայնված արտագնա երկօրյա հանդիպում-աշխատաժողովը տեղի կունենա 2016թ. հուլիսի 1-2 Աղվերանում: Հանդիպում-աշխատաժողովներին հրավիրվում են մասնակցելու Փոխցանցի այն անդամները, որոնք համայնքային քարոզարշավների, բնակչության հետ հանդիպումների, մասնագիտական աշխատանքային գործունեության ընթացքում խնդիրը հասցեագրելու ճանապարհին կուտակել են արժեքավոր փորձ, քաղել են դասեր և պատրաստ են ներկայացնել դրանք Փոխցանցի գործընկերներին:

Առաջին հանդիպում-աշխատաժողովին մասնակցելու համար խնդրում ենք լրացնել առաջարկվող առցանց հայտը`https://docs.google.com/forms/d/1uwhz0oCKE-2AaFejNU-Sd6TsKXhoGMns_1BvH-Myo4s/viewform?c=0&w=1։ Հայցի լրացման վերջնաժամկետն է 2016թ. մայիսի 30-ը, ժամը 18։00-ն։ Ավելի ուշ ներկայացված հայտերը կքննարկվեն հաջորդ հանդիպումներին մասնակցության հայտերի հետ միասին։

Հայտի լրացումը կպահանջի մի քանի րոպե, խնդրում ենք տրամադրել ճշգրիտ տեղեկություններ։ Խնդրում ենք հայտը լրացնել հայատառ հայերենով (յունիքոդ)։ Հայտն ուղարկելուց անմիջապես հետո այն կհայտնվի մեր տվյալների շտեմարանում, որը կքննարկվի մինչև հունիսի 10-ը։ Արդյունքների մասին Ձեզ կտեղեկացնենք Ձեր կողմից տրամադրված էլեկտրոնային փոստով և հեռախոսահամարով։ Հարցերի վերաբերյալ պարզաբանում ստանալու համար խնդրում ենք կապվել մեզ հետ 010 582638 հեռախոսահամարով կամ [email protected] հասցեով։ Անհրաժեշտության դեպքում կարող ենք կազմակերպել նաև խորհրդատվական քննարկում առցանց տեսակապի միջոցով։

Շնորհակալություն համագործակցության համար։

Մարդկային զարգացման միջազգային կենտրոն