ՀԱՅՏԱՐԱՐՈՒԹՅՈՒՆՆԵՐ // 

Ծառայությունների գնային առաջարկ ներկայացնելու հրավեր

03.05.2016

«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) «Սեյվ դը Չիլդրեն» կազմակերպության, «Արմավիրի զարգացման կենտրոն», «Մարտունու կանանց համայնքային խորհուրդ» ՀԿ-ների հետ համագործակցությամբ իրականացնում է «Պտղի սեռի խտրական ընտրության դեմ պայքար» ծրագիրը: Այն ֆինանսավորվում է Եվրոպական Միության կողմից:

Ծրագրի շրջանակներում ՄԶՄԿ կողմից իրականացվում են վերլուծական-հետազոտական աշխատանքներ՝ սոցիալական ապահովության, առողջապահության ոլորտներում վարվող պետական քաղաքականության, աշխատաշուկայում կանանց մասնակցության հնարավորություններն ընդլայնելու և դրան զուգահեռ երեխայի խնամքն ու աշխատանքը համատեղելու հնարավորություններն ընդլայնելու, ինչպես նաև աղջիկ և տղա երեխաների հավասար արժևորման, ինչպես նաև սեռի խտրական ընտրության երևույթը կանխարգելելու գործում պետական և ոչ պետական դերակատարների դերի բացահայտման և սեռով պայմանավորված խտրականությունը բացառելու ուղղություններով։

2016թ. հունիս – դեկտեմբեր ամիսների ընթացքում ՄԶՄԿ-ն նախատեսում է իրականացնել էլեկտրոնային լրատվամիջոցների մոնիթորինգ՝ լրատվամիջոցների հրապարակումներում և հաղորդումներում կանանց և տղամարդկանց, տղաների և աղջիկների արժևորման վրա ազդող գործոնները վեր հանելու, երեխայի սեռի խտրական ընտրության վրա ազդող գործոնները բացահայտելու, գենդերային առումով խրտական և կանխակալ լրագրողական պրակտիկան կանխարգելելու ուղիները նախանշելու և համապատասխան առաջարկներ մշակելու նպատակով։

Սույնով հրավիրում ենք կազմակերպություններին և անհատներին (այսունեհտ՝ Անձ) ներկայացնելու գնային առաջարկ՝ լրատվական դաշտի մոնիթորինգի ծառայություններ մատուցելու վերաբերյալ՝ ըստ սույն հրավերին կցվող տեխնիկական առաջադրանքի (ՏԱ, անգլերեն)։

Հետաքրքրված Անձինք պետք է ներկայացնեն գրավոր հետաքրքրության հայտ՝ նշելով.

  1. Անձի անվանումը և կազմակերպաիրավական ձևը.
  2. Գործունեության հասցեն.
  3. Լրատվական դաշտում մոնիթորինգի փորձը և ներկա կարողությունները, այդ թվում՝ տեխնիկական միջոցները. 
  4. Ծառայության մատուցման ժամկետները.
  5. Մոնիթորինգի ենթակա մեդիա կազմակերպությունների թվաքանակը՝ ըստ ՏԱ-ում ներկայացված ընտրության չափանիշների. 
  6. Անձի լիազոր ներկայացուցչի կողմից ստորագրված (կնքված) ծառայությւոնների մատուցման գնային առաջարկը՝ ըստ ՏԱ-ում ներկայացված պահանջների և աշխատանքի ծավալի։

Հետաքրքրության հայտի ներկայացնման վերջնաժամկետն է 2016թ. հունիսի 5-ը։

Հայտերը կարող եք ներկայացնել գրավոր կամ էլեկտրոնային եղանակով՝ հետևյալ հասցեներով.

ք. Երևան, Սայաթ Նովա 19, բիզնես հարկ 16 սենյակ, կամ [email protected] էլեկտրոնային հասցեով։

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

25.11.2019

Ազգային Ժողովի քննիչ հանձնաժողովի գործունեության ընթացքում իրավասու մարմիններից և պաշտոնատար անձանցից տեղեկություններ ստանալու հետ կապված հարցերի վերաբերյալ

Սույն վերլուծության նպատակն է ներկայացնել Քննիչ հանձնաժողովիգործունեության ընթացքում իրավասու մարմիններից և պաշտոնատար անձանցից գրավոր տեղեկություններ ստանալու, հանձնաժողովի հրավերով՝ իրավասու պաշտոնատար անձանց հանձնաժողով ներկայանալու և բացատրություններ տալու հետ կապված օրենսդրական կարգավորումները, ինչպես նաև այդ անձանց կողմից օրենքի պահանջները չկատարելու դեպքում կիրառվող պատասխանատվության միջոցները: