«Մարդկային զարգացման միջազգային կենտրոն» հասարակական կազմակերպությունը Միավորված Ազգերի Կազմակերպության Բնակչության հիմնադրամի ֆինանսական օժանդակությամբ իրականացնում է «Պտղի սեռի խտրական ընտրության դեմ պայքար» ծրագիրը:

Ծրագրի շրջանակներում ՄԶՄԿ կողմից իրականացվում են վերլուծական-հետազոտական աշխատանքներ՝ սոցիալական ապահովության, առողջապահության ոլորտներում վարվող պետական քաղաքականության, աշխատաշուկայում կանանց մասնակցության հնարավորություններն ընդլայնելու և դրան զուգահեռ երեխայի խնամքն ու աշխատանքը համատեղելու հնարավորություններն ընդլայնելու, աղջիկ և տղա երեխաների հավասար արժևորման, ինչպես նաև սեռի խտրական ընտրության երևույթը կանխարգելելու գործում պետական և ոչ պետական դերակատարների դերի բացահայտման և սեռով պայմանավորված խտրականությունը բացառելու ուղղություններով։

2017թ. հուլիս – հոկտեմբեր ամիսների ընթացքում ՄԶՄԿ-ն նախատեսում է իրականացնել Սեռի հատկանիշով երեխայի խտրական ընտրության կանխարգելման նպատակով վաղ մանկության շրջանում երեխայի խնամքի և զարգացման ծառայությունների ընդլայնման պետական քաղաքականության բարեփոխումների ծախսերի և տնտեսական օգուտների վերլուծություն։

Վերլուծությունն իրականացնելու նպատակով ՄԶՄԿ-ն հրավիրում է հայաստանում գրանցված իրավաբանական և ֆիզիկական անձանց ներկայացնելու հետաքրքրության հայտ։ Ծառայությւոնների մատուցման տեխնիկական առաջադրանքը կարող եք ներբեռնել այս հղումով:

Հետաքրքրված իրավաբանական անձինք պետք է ներկայացնեն գրավոր հետաքրքրության հայտ՝ նշելով.

1. Անձի անվանումը և կազմակերպաիրավական ձևը.
2. Գործունեության հասցեն.
3. Տնտեսական հետազոտությունների ոլորտում վերջին 5 տարիների փորձը.

Ֆիզիկական անձինք պետք է ներկայացնեն իրենց կենսագրականը (CV):

Հետաքրքրության հայտի ներկայացնման վերջնաժամկետն է 2017թ. օգոստոսի 15-ը։

Հայտերը կարող եք ներկայացնել գրավոր կամ էլեկտրոնային եղանակով՝ հետևյալ հասցեներով. ք. Երևան, Սայաթ Նովա 19, բիզնես հարկ 16 սենյակ, կամ [email protected] էլեկտրոնային հասցեով։