ՀԱՅՏԱՐԱՐՈՒԹՅՈՒՆՆԵՐ // 

ՀԱՅՏԱՐԱՐՈԻԹՅՈՒՆ Խորհրդարանական խմբակցությունների աշխատանքային ծրագրերի նախապատրաստման համար փորձագետ(ներ)ի պաշտոնի համար

12.09.2017

Մարդկային զարգացման միջազգային կենտրոնը «Աջակցություն ՀՀ Ազգային ժողովին՝ խորհրդարանական վերահսկողությունը և ընտրողների հետ հաղորդակցությունը բարելավելու նպատակով» ծրագրի շրջանակներում հայտարարում է մրցույթ խորհրդարանական խմբակցությունների աշխատանքային ծրագրերի նախապատրաստման նպատակով փորձագետ(ներ)ի պաշտոնի համար։ 

Ծրագիրն իրականացվում է Մարդկային զարգացման միջազգային կենտրոնի կողմից Մեծ Բրիտանիայի եւ Հյուսիսային Իռլանդիայի Միացյալ Թագավորության Արտաքին հարաբերությունների և համագործակցության գրասենյակի ֆինանսական օժանդակությամբ: 

Ծրագրի հիմնական նպատակն է նպաստել Հայաստանի Հանրապետության Ազգային ժողովի կարողությունների ամրապնդմանը խորհրդարանական ժողովրդավարության անցման ընթացքում՝ ավելի արդյունավետ կերպով քաղաքացիների շահերը ներկայացնելու, ավելի հաշվետու և թափանցիկ աշխատելու և վերահսկողության բարելավված գործառույթներ իրականացնելու համար:

Պարտականություններ

Խորհրդարանական խմբակցությունների աշխատանքային ծրագրերի նախապատրաստման համար փորձագետը պետք է՝ 

  • հետազոտական և վերլուծական աշխատանքի իրականացման արդյունքում համապատասխան առաջարկություններ ներկայացնի խորհրդարանական խմբակցության աշխատանքային ծրագրի վերաբերյալ,
  • նախապատրաստի խորհրդարանական խմբակցության աշխատանքային ծրագրի նախագիծ
  • մասնակցի, ինչպես նաև՝ անհրաժեշտության դեպքում, կատարած աշխատանքի արդյունքները ներկայացնի ՄԶՄԿ կողմից կազմակերպված հանդիպումների ընթացքում։ 

Պահանջվող որակավորում 

  • Հանրային կառավարման, իրավունքի կամ հարակից ոլորտում բարձրագույն կրթություն
  • Գերազանց իմացություն Հայաստանում, մասնավորապես Ազգային ժողովում, հանրային կառավարման համակարգի քաղաքականության, ինստիտուցիոնալ կառուցվածքի վերաբերյալ
  • Նախկինում՝ Մեծ Բրիտանիայի եւ Հյուսիսային Իռլանդիայի Միացյալ Թագավորության, կամ ՄԶՄԿ կողմից իրականացրած նմանատիպ ծրագրերում մասնակցության փորձը կդիտվի որպես առավելություն
  • Հայերենի և անգլերենի գերազանց տիրապետում

Հետաքրքրված անձիք կարող են իրենց ինքնակենսագրությունները (CV) ուղարկել հետևյալ էլ․ հասցեին՝ [email protected] մինչև ս/թ սեպտեմբերի 19-ը։ Նամակի առարկայի տողում նշեք աշխատանքի անվանումը և Ձեր անունը։

Սույն հայտարարությանը կցված է նաև խմբակցությունների աշխատանքային ծրագրերի նախապատրաստման համար փորձագետի պաշտոնի տեխնիկական առաջադրանքի նկարագրությունը անգլերեն լեզվով։ 

ՆՈՐՈՒԹՅՈՒՆՆԵՐ

15.03.2021

ՀՀ Ազգային ժողովին (ՀՀ ԱԺ) միջազգային զարգացման աջակցության, համակարգման և ՀՀ ԱԺ հետ միջազգային զարգացման գործընկերների համագործակցության քարտեզագրման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։

 ավելին >>
15.03.2021

Քաղաքական հաղորդակցության գործիքների արդյունավետության գնահատման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։

 ավելին >>
09.03.2021

«Կանաչ Գործարք» աշխատանքային խմբի առաջին տեսակոնֆերանս

2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

20.11.2023

Երիտասարդական Էքսպոյի Կատալոգ

«Քաղաքացիական կրթություն և մասնակցություն» ծրագրի 2023 երիտասարդական էքսպոյի կատալոգում կարող եք ծանոթանալ մասնակից ավելի քան 30 հասարակական կազմակերպություններին, էքսպոյի ընթացքում նախատեսվող 10-ից ավելի միջոցառումներին և դրանք վարող խոսնակներին, ինչպես նաև «Քաղաքացիական կրթություն և մասնակցություն» ծրագրի հակիրճ նկարագրին և ծրագրի հիմքում ընկած «Երիտասարդների դրական զարգացում» մոտեցմանը։