Ի լրումն Փորձագետների ներգրավման բաց հայտարարության (յոթերորդ հայտարարություն)։

«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) Միավորված Ազգերի Կազմակերպության Բնակչության հիմնադրամի ֆինանսական օժանդակությամբ իրականացնում է «Պտղի սեռի խտրական ընտրության դեմ պայքար» ծրագիրը:

Ծրագրի շրջանակներում ՄԶՄԿ կողմից իրականացվում են վերլուծական-հետազոտական աշխատանքներ՝ սոցիալական ապահովության, առողջապահության ոլորտներում վարվող պետական քաղաքականության, աշխատաշուկայում կանանց մասնակցության հնարավորություններն ընդլայնելու և դրան զուգահեռ երեխայի խնամքն ու աշխատանքը համատեղելու հնարավորություններն ընդլայնելու, աղջիկ և տղա երեխաների հավասար արժևորման, ինչպես նաև սեռի խտրական ընտրության երևույթը կանխարգելելու գործում պետական և ոչ պետական դերակատարների դերի բացահայտման և սեռով պայմանավորված խտրականությունը բացառելու ուղղություններով։

2018թ. մարտ – մայիս ամիսների ընթացքում ՄԶՄԿ-ն նախատեսում է մշակել «Սեռի հատկանիշով երեխայի խտրական ընտրության կանխարգելման 2018-2022թթ. Գործողությունների ազգային ծրագրի» նախագիծ։

Ծառայություններ մատուցելու նպատակով ՄԶՄԿ-ն հրավիրում է ֆիզիկական անձանց կամ անհատ ձեռնարկատերերին ներկայացնելու հետաքրքրության հայտ։ «Սեռի հատկանիշով երեխայի խտրական ընտրության կանխարգելման 2018-2022թթ. Գործողությունների ազգային ծրագրի» մշակման տեխնիկական առաջադրանքը, ինչպես նաև փորձագետի ծառայությունների մատուցման առաջադրանքը (անգլերեն) կարող եք ներբեռնել հետևյալ հղումներով.

1. ԳԱԾ տեխնիկական առաջադրանք (հղումը՝ վերջում),
2. Փորձագետի ծառայությունների տեխնիկական առաջադրանք (հղումը՝ վերջում)։

Հետաքրքրված անձինք պետք է ներկայացնեն հետաքրքրության հայտ՝ նշելով սոցիալական կամ գենդերային ոլորտներում հետազոտական աշխատանքի, հանրային քաղաքականության, ռազմավարական և գործողությունների ծրագրերի մշակման վերջին 5 տարիների փորձը։ Հետաքրքրության հայտին անհրաժեշտ է կցել ինքնակենսագրականը (CV):

Հետաքրքրության հայտի ներկայացման վերջնաժամկետն է 2018թ. փետրվարի 23-ը ժամը 18։00։

Հայտերը կարող եք ներկայացնել փոստով կամ անձամբ հանձնելով ՄԶՄԿ գրասենյակ՝ ք. Երևան, Սայաթ Նովա 19, բիզնես հարկ 16 սենյակ կամ էլեկտրոնային եղանակով՝ [email protected]։