26.04.2018

Մարդկային զարգացման միջազգային կենտրոն հասարակական կազմակերպությունը Միավորված Ազգերի Կազմակերպության Բնակչության հիմնադրամի ֆինանսական օժանդակությամբ իրականացնում է Պտղի սեռի խտրական ընտրության դեմ պայքար ծրագիրը:

Ծրագրի շրջանակներում ՄԶՄԿ կողմից իրականացվում են վերլուծական-հետազոտական աշխատանքներ՝ սոցիալական ապահովության, առողջապահության ոլորտներում վարվող պետական քաղաքականության, աշխատաշուկայում կանանց մասնակցության հնարավորություններն ընդլայնելու և դրան զուգահեռ երեխայի խնամքն ու աշխատանքը համատեղելու հնարավորություններն ընդլայնելու, աղջիկ և տղա երեխաների հավասար արժևորման, ինչպես նաև սեռի խտրական ընտրության երևույթը կանխարգելելու գործում պետական և ոչ պետական դերակատարների դերի բացահայտման և սեռով պայմանավորված խտրականությունը բացառելու ուղղություններով։

2018թ. հուլիս – հոկտեմբեր ամիսների ընթացքում ՄԶՄԿ-ն նախատեսում է իրականացնել Հայաստանի Հանրապետությունում պտղի սեռի խտրական ընտրության և սեռով պայմանավորված հղիության արհեստական ընդհատման կանխարգելմանն ուղղված պետական քաղաքականության և ծրագրերի մշտադիտարկում։

Վերլուծությունն իրականացնելու նպատակով ՄԶՄԿ-ն հրավիրում է ֆիզիկական անձանց, երիտասարդ մասնագետներին, ներկայացնելու հետաքրքրության հայտ։ Հետաքրքրության հայտի ներկայացման վերջնաժամկետն է 2018թ. մայիսի 25-ը։

Հայտերը կարող եք ներկայացնել գրավոր կամ էլեկտրոնային եղանակով հետևյալ հասցեներով՝ ք. Երևան, Սայաթ Նովա 19, բիզնես հարկ 16 սենյակ, կամ [email protected] էլեկտրոնային հասցեով։

Հայտում անհրաժեշտ է հակիրճ ներկայացնել համանման աշխատանքների փորձը և կցել ինքնակենսագրականը (CV):

Ծառայությունների մատուցման տեխնիկական առաջադրանքը կարող եք ներբեռնել այս հղումով: