12.04.2021թ., ք, Երևան

2019թ. «Մարդկային զարգացման միջազգային կենտրոն» ՀԿ-ն (այսուհետ՝ ՄԶՄԿ) ՄԱԿ-ի Զարգացման ծրագրի հայաստանյան գրասենյակի, ՕքսԵՋեն հիմնադրամի հետ համագործակցությամբ և Ժողովրդավարության Վեսթմինսթր հիմնադրամի, Միացյալ Թագավորության «Լավ կառավարման հիմնադրամի» և Շվեդիայի կառավարության օժանդակությամբ իրականացնում է «Նոր Հայաստան՝ ժամանակակից խորհրդարան» ծրագիրը։ Ծրագիրը նպատակաուղղված է ՀՀ Ազգային ժողովի օրենսդրական վերահսկողության և որոշումների կայացման մակարդակի բարձրացմանը։

Ծրագրի շրջանակներում ՄԶՄԿ-ն փորձագիտական օժանդակություն է տրամադրում ՀՀ ԱԺ թիրախ հանձնաժողովներին (Տնտեսական հարցերի մշտական հանձնաժողով, Առողջապահության և սոցիալական հարցերի մշտական հանձնաժողով, Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողով, Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողով) մի շարք ուղղություններով, այդ թվում՝ պատգամավորների առավել բաց, ներառական և մասնակցային աշխատանքին նպաստելը քաղաքացիական հասարակության և քաղաքացիների, փորձագիտական համայնքի հետ  բարելավված համագործակցության և երկխոսության միջոցով։

Այս նպատակով ՄԶՄԿ-ն Ծրագրի շրջանակներում նախատեսում է մշակել ՄԶՄԿ կողմից ներդրված և կիրառվող քաղաքական հաղորդակցության նորարարական գործիքների մուլտիմեդիա ուղեցույց։

Սույնով հրավիրում ենք մասնագիտացված կազմակերպություններին՝ ներկայացնելու հետաքրքրության հայտ' մուլտիմեդիա ուղեցույց մշակելու նպատակով։

Հայտին անհրաժեշտ է կցել.

-կազմակերպության կողմից վերջին 10 տարիների ընթացքում մշակված և հրապարակված սոցիալական բովանդակության գովազդային հոլովակների և վավերագրական կարճամետրաժ տեսանյութերի վերաբերյալ տեղեկություններ՝ հնարավորության դեպքում տրամադրելով համապատասխան հղումներ։ Միջազգային զարգացման գործընկերների, այլ հասարակական կազմակերպությունների և/կամ ՄԶՄԿ հետ աշխատանքային փորձառությունը կհամարվի առավելություն.

- Ծառայությունների մատուցման առաջարկվող գինը։ Առաջարկվող գինը պետք է ներառի բոլոր հարկերն ու պարտադիր վճարները

Ծառայությունների մատուցման տեխնիկական առաջադրանքը կարող եք ներբեռնել ստորև:

Հետաքրքրության հայտն անհրաժեշտ է ներկայացնել էլեկտրոնային փոստով՝ [email protected] հասցեով կամ հանձնել առձեռն Անի Մնացականյանին՝ ՄԶՄԿ, ք. Երևան, Սայաթ Նովա 19, բիզնես հարկ, 15 սենյակ։

Հայտերի ներկայացման վերջնաժամկետն է 2021թ. մայիսի 7-ը։