ՀԱՅՏԱՐԱՐՈՒԹՅՈՒՆՆԵՐ // 

ՏԵՍԱՀՈԼՈՎԱԿՆԵՐԻ ՆԿԱՐԱՀԱՆՄԱՆ ԾԱՌԱՅՈՒԹՅՈՒՆՆԵՐ ՄԱՏՈՒՑԵԼՈՒ ԳՆԱՅԻՆ ԱՌԱՋԱՐԿ ՆԵՐԿԱՅԱՑՆԵԼՈՒ ՀՐԱՎԵՐ

09.06.2020

«Մարդկային զարգացման միջազգային կենտրոն» հասարակական կազմակերպությունը (ՄԶՄԿ), ՕքսԵՋեն և Ժողովրդավարության Վեսթմինսթր հիմնադրամների հետ համագործակցությամբ, Միացյալ Թագավորության «Լավ կառավարման հիմնադրամի» և Շվեդիայի կառավարության օժանդակությամբ, իրականացնում է ՄԱԶԾ «Նոր Հայաստան՝ ժամանակակից խորհրդարան» ծրագիրը։

Ծրագրով նախատեսվում է կազմակերպել և անցկացնել առցանց համահամայնքային քննարկումներ 3 թեմաների շուրջ։ Համահամայնքային քննարկումներն անցկացվելու են ՄԶՄԿ կողմից ներդրված համահամայնքային քննարկումների (Town Hall Meeting) մեթոդաբանությամբ, որը նախատեսում է քննարկումները վարել նյութի վերաբերյալ նախապես մշակված սցենարների օգնությամբ։ Առցանց քննարկումը առավել արդյունավետ և ոչ ժամանակատար դարձնելու նպատակով նախատեսվում է սցենարները մասնակիցներին ներկայացնել մինչև 100 վրկ տևողությամբ տեսահոլովակների միջոցով։ Յուրաքանչյուր թեմայով քննարկում իրականացվելու է մինչև 5 սցենարների շուրջ, ուստի ակնկալվում է, որ անհրաժեշտ կլինի մշակել և նկարահանել մինչև 15 տեսահոլովակ։

Տեսահոլովակները պետք է մշակվեն և նկարահանվեն ՄԶՄԿ կողմից տրամադրված սցենարների հիման վրա։ Տեսահոլովակների սցենարների մշակման ընթացքում ՄԶՄԿ-ն կտրամադրի մեթոդական և տեխնիկական օժանդակություն։ Տեսահոլովակներում կարող են օգտագործվել նյութի ներկայացման տարբեր մոտեցումներ։ Դրանք կարող են պարունակել տեսա-ձայնային շարքեր, սցենարներում պարունակվող թվային տվյալները կարող են ներկայացվել գրաֆիկների, անիմացիայի, տեքստային կամ այլ լուծումների ձևով։

Առաջին թեմայի սցենարները ներկայացնող 5 տեսահոլովակների հանձնման վերջնաժամկետն է 2020թ. օգոստոսի 15-ը։ Երկրորդ թեմայի 5 սցենարների հիման վրա նկարահանված տեսահոլովակների հանձնման վերջնաժամկետն է 2020թ. սեպտեմբերի 15-ը։ Երրորդ թեմայով քննարկումների 4 կամ 5 սցենարների հիման վրա պատրաստված տեսահոլովակների հանձնումը ակնկալվում է հոկտեմբեր-նոյեմբեր ամիսներին։ Հրավերին կցում ենք առաջին թեմայով համահամայնքային քննարկումների սցենարները։

Խնդրում ենք ներկայացնել գնային առաջարկ յուրաքանչյուրը մինչև 15 վրկ տևողությամբ, մինչև 15 տեսահոլովակ մշակելու և նկարահանելու վերաբերյալ։ Առաջարկվող գինը  պետք է ներառի ՀՀ օրենսդրությամբ սահմանվող բոլոր հարկերն ու պարտադիր վճարները։

Գնային առաջարկի ներկայացման վերջնաժամկետն է 2020թ. հուլիսի 17-ը։

Գնային առաջարկն անհրաժեշտ է ներկայացնել էլեկտրոնային գրության ձևով՝ հետևյալ էլեկտրոնային հասցեին [email protected]:

Ամենացածր գին առաջարկող կազմակերպության կամ անհատ ձեռնարկատիրոջ (ֆիզիկական անձի) հետ կկնքվի ծառայությունների մատուցման պայմանագիր։

Մարդկային զարգացման միջազգային կենտրոն

Պատասխանատու՝ Անի Մնացականյան

Էլ. փոստ [email protected]

Հեռ.՝ 093 - 811-000

 

 

ՆՈՐՈՒԹՅՈՒՆՆԵՐ

15.03.2021

ՀՀ Ազգային ժողովին (ՀՀ ԱԺ) միջազգային զարգացման աջակցության, համակարգման և ՀՀ ԱԺ հետ միջազգային զարգացման գործընկերների համագործակցության քարտեզագրման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։

 ավելին >>
15.03.2021

Քաղաքական հաղորդակցության գործիքների արդյունավետության գնահատման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։

 ավելին >>
09.03.2021

«Կանաչ Գործարք» աշխատանքային խմբի առաջին տեսակոնֆերանս

2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

20.11.2023

Երիտասարդական Էքսպոյի Կատալոգ

«Քաղաքացիական կրթություն և մասնակցություն» ծրագրի 2023 երիտասարդական էքսպոյի կատալոգում կարող եք ծանոթանալ մասնակից ավելի քան 30 հասարակական կազմակերպություններին, էքսպոյի ընթացքում նախատեսվող 10-ից ավելի միջոցառումներին և դրանք վարող խոսնակներին, ինչպես նաև «Քաղաքացիական կրթություն և մասնակցություն» ծրագրի հակիրճ նկարագրին և ծրագրի հիմքում ընկած «Երիտասարդների դրական զարգացում» մոտեցմանը։