11 սեպտեմբերի 2023թ.

«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) շարունակում է «Քաղաքացիական կրթություն և մասնակցություն» ծրագրի գործողությունները։ Ծրագիրն իրականացնում է «Փրոջեքթ Հարմոնի Հայաստան» ՀԿ գլխավորած կոնսորցիումը, որի անդամներն են Մարդկային զարգացման միջազգային կենտրոնը, Ժողովրդավարական կրթության հայկական կենտրոն-Սիվիտասը, Կրթական տեխնոլոգիաների ազգային կենտրոնը: Ծրագիրը հնարավոր է դարձել ամերիկյան ժողովրդի աջակցությամբ՝ ԱՄՆ ՄԶԳ միջոցով:

Ծրագրի աշխատանքներն ու սահմանված գործաղությունների արդյունավետության բարձրացման նպատակով ՄԶՄԿ-ն նախատեսում է ձեռք բերել համակարգչային և տպագրական սարքավորումներ։ Սարքավորումների տեսակներն ու քանակները և նվազագույն տեխնիկական բնութագրերը ներկայացվում են սույն հրավերի Հավելված 1-ում։

Հրավիրում ենք մատակար ընկերություններին ներկայացնելու գնային առաջարկ։ Գնային առաջարկի նրկայացման վերջնաժամկետն է 2023թ. սեպտեմբերի 25-ը։ Գնային առաջարկը պետք է ուժի մեջ լինի մինչև 2023թ. դեկտեմբերի 31-ը։

Խնդրում ենք գնային առաջարկի մեջ նշել.

1.     Կազմակերպության անվանումը, կազմակերպաիրավական ձևը,

2.    Կազմակերպության ՀՎՀՀ-ն,

3.    Կազմակերպությունն ԱՀՀ վճարող է թե ոչ,

4.    Կազմակերպության հասցեն և կոնտակտային տվյալները,

5.    Սարքավորումների տեխնիկական պարամետրերը և գինը՝ առանց ԱԱՀ (տես Հավելված 2)։ Տեղեկացնում ենք, որ ծրագիրը ազատված է ԱԱՀ վճարելու պարտավորությունից։

 

Գնային առաջարկը պետք է ստորագրված լինի կազմակերպության լիազորված անձի կողմից։

Տեխնիկական նվազագույն պայմաններին բավարարող սարքավորումների ամենացածր գին առաջարկող ընկերության հետ կվարվեն բանակցություններ և կառաջարկվի կնքել սարքավորումների մատակարարման պայմանագիր։ Առավելությունը կտրվի բրենդային (գործարանային հավաքման) սարքավորումներին։

Սույն հայտարարության պահանջներին չբավարարող հայտերը ենթակա են մերժման առանց առաջարկը քննելու:

Գնային առաջարկը կարող եք ներկայացնել էլեկտրոնային փոստով՝ [email protected], կամ առձեռն՝ Սայաթ Նովա 19, «Անի Պլազա» հյուրանոց, բիզնես հարկ, սենյակ 18, հեռ՝ +374 582638։

 

«Մարդկային զարգացման միջազգային կենտրոն» ՀԿ