Հարավային Կովկասում հանրային մասնակցության մեխանիզմների հզորացում

2007-2008

Որոշումների կայացման ժողովրդավարական գործընթացը Հարավային Կովկասում դեռևս զարգացման փուլում է: Անցումային ժամանակաշրջան ապրող հասարակությունների փորձն ու գիտելիքները չեն կարող դիմակայել այն մարտահրավերներին, որ առաջադրում է արագ փոփոխվող միջավայրը: Այդ մարտահրավերներին դիմակայելու և գործուն ժողովրդավարության փուլ անցնելու համար հասարակություններին ու իշխանություններին անհրաժեշտ են նոր ու ավելի արդյունավետ գործիքներ, հմտությունների և տարաբնույթ գիտելիքների մեծ պաշար: Մասնակցային ժողովրդավարություն իրականացնելու գործիքներից մեկը հանրային քննարկումների մեխանիզմն է, որը 2005թ. ի վեր Հայաստանում ներդրվել և կիրառվում է ՄԶՄԿ-ի կողմից: Հայաստանում տեղական և ազգային մակարդակում այս մեխանիզմն արդյունավետորեն ներդնելուց հետո ՄԶՄԿ-ն նախատեսում է ընդլայնել իր ունակությունները և կարողություններ զարգացնել Հարավային Կովկասի ողջ տարածաշրջանում:

ՄԶՄԿ-ն Եվրասիա համագործակցության հիմնադրամի օժանդակությամբ և Վրաստանի ու Ադրբեջանի իր գործընկերների՝  Թիֆլիսի «Ազատության ինստիտուտի» և Բաքվի «Երիտասարդությունը հանուն զարգացման» կազմակերպությունների հետ համագործակցությամբ նախաձեռնել է եռակողմ տարածաշրջանային ծրագիր՝  նպատակ ունենալով գործընկերներին փոխանցել հանրային քննարկումների մեխանիզմը գործարկելու հմտություններն ու փորձը:

Նախաձեռնության սկզբնական փուլում գործընկերները մշակել էին վրացական և ադրբեջանական գործընկեր կազմակերպություններին հմտությունների փոխանցման և համապատասխան ունակությունների զարգացման գործողությունների ծրագիր: Գործողությունների ծրագրի ժամանակացույցին և տրամաբանությանը համապատասխան ՄԶՄԿ-ն վերապատրաստել է «Ազատության ինստիտուտ» և «Երիտասարդությունը հանուն զարգացման» կազմակերպությունների տասնյակ անդամներին՝ հաղորդելով նրանց հանրային քննարկումներ կազմակերպելու և իրականացնելու, քննարկման սցենարներ մշակելու, արդյունավետ հաղորդակցվելու, քննարկումներ վարելու և քննարկումների ընթացքում գրառումներ կատարելու հմտություններ: Վերապատրաստման շրջանակներում Թիֆլիսում ՄԶՄԿ խորհրդատվությամբ և աջակցությամբ կազմակերպված «բռնությունը դպրոցներում» թեմայով փորձնական հանրային քննարկման ընթացքում գործընկերներին  հնարավորություն է ընձեռնվել գործնականում կիրառելու ձեռք բերած գիտելիքներն ու հմտությունները: Ծրագրի ավարտական համաժողովի ընթացքում գործընկերների կողմից ներկայացվեցին Հարավային Կովկասում մասնակցային ժողովրդավարության զարգացմանն ուղղված տարածաշրջանային համագործակցության և համատեղ ծրագրերով հանդես գալու հնարավորությունները:

Վերը ներկայացված համագործակցության արդյունքներն իրենց երկար սպասել չտվեցին: 2008թ. աշնանը ՄԶՄԿ-ն իր ադրբեջանական գործընկերների հետ նախաձեռնեց մի ծրագիր, որի նպատակը ղարաբաղյան հակամարտության կարգավորման շուրջ հայ և ադրբեջանական հասարակությունների ձայնն ու կարծիքը երկու պետությունների քաղաքական և իշխանական էլիտաներին լսելի դարձնել էր: Որպես նպատակն իրագործելու հիմնական գործիք ընտրվել էր հանրային քննարկումների մեխանիզմը: Ծրագրի կարևոր արդյունքներից մեկը դարձավ ադրբեջանական գործընկեր կազմակերպությանը համապատասխան հմտությունների փոխանցումը: Հարավկովկասյան տարածաշրջանում  հանրային մասնակցությունը խթանելու նպատակով ՄԶՄԿ-ն իր գործընկերների հետ 2008թ.-ից ի վեր աշխատում է տարբեր նախաձեռնությունների մշակման շուրջ՝ որպես դրանց մեթոդաբանական հիմք օգտագործելով հանրային քննարկումների մեխանիզմը:

2009թ.-ից ի վեր ՄԶՄԿ կողմից մշակվել և ներդրվել է յուրահատուկ վերլուծական գործիք հանրային քննարկումների արդյունքները ամփոփելու համար: 2009թ. այս գործիքը հաջողությամբ կիրառվել է տարբեր ծրագրերում: ՄԶՄԿ-ն 2010-2011թթ. ընթացքում նախատեսում է վերլուծական այդ հմտությունները փոխանցել իր գործընկերներին:

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

07.05.2019

Համընդհանուր ներառական կրթության ներդրման խնդիրները ՀՀ Գեղարքունիքի մարզի Մարտունի և ՀՀ Արմավիրի մարզի Արմավիր համայնքներում

Ձեր ուշադրությանն ենք ներկայացնում ԵՄ ֆինանսական աջակցությամբ իրականացվող «Կառուցողական երկխոսություն» ծրագրի և դրա «Հանուն որակյալ և հասանելի ներառական կրթության և սոցիալական աջակցության» ենթադրամաշնորհային ծրագրի շրջանակներում «Մարդկային զարգացման միջազգային կենտրոն» (ՄԶՄԿ) հասարակական կազմակերպության կողմից ՀՀ Գեղարքունիքի և Արմավիրի մարզերի քաղաքային համայնքներում 2019թ. ապրիլ ամսին իրականացված համահամայնքային քննարկումների շարք՝ համընդհանուր ներառական կրթության ներդրման խնդիրների և այլընտրանքների վերաբերյալ ՀՀ քաղաքացիների ձայնը լսելի դարձնելու և հասարակությանը հուզող խնդրի քննարկումներին ակտիվորեն ներգրավելու նպատակով իրականացված վերլուծությունը: