Ցանցը գործում է 2008թ.

2008թ. ՄԶՄԿ-ն Ուկրաինայի, Մոլդովայի, Հայաստանի, Ադրբեջանի և Վրաստանի գործընկերների հետ ձեռնարկել է քաղաքացիական հասարակության առաջնորդների ֆորում՝ հիմք դնելով Քաղաքացիական հասարակության առաջնորդական ցանցին (ՔՀԱՑ) : Մինչև այդ էլ գործում էին միջազգային կազմակերպությունների կոմից հիմնված երիտասարդ առաջնորդների տարածաշրջանային ցանցեր, սակայն ՔՀԱՑ-ն իր տեսակի մեջ առաջին տեղական նախաձեռնությունն է, որը միավորել է նախկին սովետական տարածաշրջանի առաջադեմ հայացքներ կրող և փոփոխությունների պատրաստ առաջներդների:

ՔՀԱՑ-ն երկխոսությունների, դիմացինից սովորելու և տարածաշրջանի քաղաքացիական հասարակության առաջնորդ կազմակերպությունների միջև համատեղ ծրագրերի շրջանակներում փոխադարձ համագործակցություն ծավալելու մի միջավայր է: Այն հնարավորություն է ընձեռում իր անդամներին ներգրավվել իրենց կամ տարածաշրջանի հասարակությունների առջև կանգնած քաղաքական, սոցիալ-մշակութային և այլ բնույթի մարտաահրավերին հաղթահարելու գործընթացում:

ՔՀԱՑ-ն արդյունավետ մի գործիք է, որն ուժ է հաղորդում քաղաքացիական հասարակության առաջնորդների, ժողովրդավարական փոփոխություններ կրողների և ջատագովների մի ողջ սերնդին, ովքեր նպաստում են տարածաշրջանում մարդու իրավունքների եվրոպական չափանիշների տարածմանը: Ցանցը վայելում է Եվրոպայի խորհրդի աջակցությունը՝ զարգացնելու իր անդամների կազմակերպական և հաղորդակցային ունակությունները և նրանց ուսուցանելու ժողովրդավարության եվրոպական արժեքներն ու գործընթացները:

ՔՀԱՑ կապեր է հաստատում նաև է իր անդամների և Սևծովյան տարածաշրջանի երկրների քաղաքացիական հասարակության և միջազգային ոչ կառավարական կազմակերպությունների առաջնորդների հետ: Ցանցը ծառայում է նաև որպես երկխոսության և վստահության կառուցման ֆորում սառեցված հակամարտություններ ունեցող տարածաշրջանների հասարակությունների և համայնքների համար:

ՔՀԱՑ ներկայում ունի ավելի քան 120 անդամ ՝ Ուկրաինայից, Մոլդովայից, Հայաստանից, Վրաստանից և Ադրբեջանից: