Գյուղապրանքների տարածաշրջանային տոնավաճառ

2002թ. հոկտեմբերին, որպես առաջին քայլ, ՄԶՄԿ-ն, Ամերիկյան համալսարանի Համընդհանուր խաղաղության կենտրոնի օժանդակությամբ, Գյումրիում կազմակերպեց գյուղատնտեսական ապրանքների տարածաշրջանային տոնավաճառ՝ առաջին անգամ միավորելով Հարավային Կովկասի երկրների գյուղատնտեսական մթերքներ արտադրողներին ու վերամշակող կազմակերպություններին: Տոնավաճառը հնարավորություն ընձեռեց Հայաստանից, Թուրքիայից և Վրաստանից շուրջ 100 գյուղացիական տնտեսությունների ներկայացուցիչներին, վերամշակող ձեռնարկություններին ու գործածարներին ներկայացնել իրենց արտադրանքը և նոր գործարար կապեր ու հարաբերություններ հաստատել:
...

Վիրտուալ գյուղատնտեսական մեծածախ շուկա

Հաշվի առնելով, որ գյուղատնտեսական տոնավաճառը մեծ արձագանք ունեցավ և նպաստեց բազմաթիվ նոր գործարար հարաբերությունների ձևավորմանը, ՄԶՄԿ-ն ձեռնամուխ եղավ իր մտահղացման երկրորդ քայլին: 2002թ. վերջին, ՄԶՄԿ-ն, կրկին անգամ Ամերիկյան համալսարանի Համընդհանուր խաղաղության կենտրոնի օժանդակությամբ, ներդրվեց «Վիրտուալ գյուղատնտեսական մեծածախ շուկա» (ՎԳՄՇ) համակարգը, որպես «բիզնեսը բիզնեսի համար»/«բիզնեսը սպառողի համար» մեկ այլ գործիք՝ ուղղված տարածաշրջանի գյուղատնտեսական շուկայի խթանմանը: 2002-2003թթ. Հայաստանի մարզերում հիմնվեցին մեծածախ առևտրի կենտրոններ, որոնք տեղեկություններ էին հավաքել գյուղացիական տնտեսությունների և նրանց կողմից արտադրված գյուղատնտեսական մթերքների մասին: Հավաքագրված տեղեկություններն այնուհետև դասակարգվել և հրապարակվել են էլեկտրոնային շտեմարանի տեսքով, ինչն էլ դարձել է տարածաշրջանային համագործակցության հիմնական հենահարթակը: ՎԳՄՇ-ն ապացուցել է իր կենսունակությունն ու օգտակարությունը՝ համակարգի բաժանորդների միջև առաջին իսկ առևտրային գործարքների կնքումով:
...

Կովկասյան մարկետինգային ցանց

ՎԳՄՇ համակարգի հաջողությունը թույլ տվեց ՄԶՄԿ-ին անցնել հաջորդ քայլին:Վիրտուալ գյուղատնտեսական մեծածախ շուկայի էլեկտրոնային շտեմարանի հիման վրա մշակվեց և գործարկվեց ժամանակակից հնարավորություններով և տեխնիկական լիարժեք հագեցվածությամբ Կովկասյան մարկետինգային ցանց (ԿՄՑ) էլեկտրոնային կայքը:

Սնվելով վաճառքի հանված ապրանքների և գյուղմթերքների մասին տարածաշրջանային գրասենյակների կողմից տրամադրվող տվյալներով՝ ԿՄՑ-ն դարձել է վաճառողների և գնորդների միջև հաղորդակցություն ապահովելու արդյունավետ միջավայր:Ի սկզբանե նախագծված լինելով օժանդակելու գյուղատնտեսության ոլորտին տեղական արտադրողների մրցակցային կարողություններն ու հնարավորությունները զարգացնելու միջոցով՝ ԿՄՑ-ն 2003-2004 թթ. հաջողությամբ ծառայել է որպես գյուղատնտեսական շուկայի տեղեկատվական կենտրոն և այդ ոլորտում տարածաշրջանային միջնորդ: