Աջակցություն հայաստանյան գործարար ցանցերին

2000-2002

2000 թ. սկսած ՄԶՄԿ գործունեության շրջանակներում առանձնահտուկ ուղղություններից է դարձել աջակցությունը հայաստանյան գործարար ցանցերին: Գործարարների միավորումները, որոնք ներկայացնում են Հայաստանի գործարար համայնքի շահերը, դարասկզբին գտնվում էին զարգացման սկզբնական փուլում: Արդեն 2001թ. խիստ անհարժեշտություն առաջացավ կանոնակարգելու առևտրի պալատների գործունեությունը՝ մինչդեռ Հայաստանի Առևտրաարդյունաբերական (ՀԱՊ) պալատի հիմնադիր ժողովը տեղի ունեցավ միայն 2002 թ. ապրիլին: ՀԱՊ-ին արտոնություն տրվեց Հայաստանում կազմակերպելու գործարար ցուցահանդեսներ, մասնավորապես՝ Միջազգային ցուցահանդես-տոնավաճառներ:

Տարիներ պիտի անցնեին, մինչ ՀԱՊ-ը կդառնար Միջազգային Առևտրային Պալատի(ՄԱՊ), Համաշխարհային Պալատների Ֆեդերացիայի (ՀՊՖ), Եվրոպական Պալատների, Սևծովյան տարածաշրջանի ՀԱՊ-երի ասոցիացիայի և Սևծովյան Տնտեսական Համագործակցության Կազմակերպությունների Գործարար խորհրդի անդամ, այն ժամանակ, երբ տվյալ ժամանակահատվածում Հայաստանում գործող խոշոր գործարարների միավորումը 2000 թ. Հայաստանի արդյունաբերողների և գործարարների (գործատուների) միությունն էր: Այն ստեղծվել էր 1997 թ. և հանդիսանում էր միջազգային մի շարք հայտնի և վստահություն վայելող առևտրային միավորումների անդամ: Նման պայմաններում ՄԶՄԿ-ն կենտրոնացավ հայաստանյան գործարարների և արտասահմանյան երկրներում նրանց հնարավոր գործընկերների միջև գործարար հարաբերությունների ձևավորման վրա:

2000 թ. հունիսին ՄԶՄԿ-ն կազմակերպեց Հայ-կորեական առաջին գործարար հանդիպումը և հյուրընկալեց կորեացի գործարարների մեծաթիվ պատվիրակությանը: Նրանց ներկայացվեց Հայաստանում ներդրումներ կատարելու հնարավորությունները, հայ և կորեացի գործարարների միջև հաստատվեցին գործընկերային հարաբերություններ:

2001 թ. փետրվարին ՄԶՄԿ-ն հրավիրեց հայ-իսպանական առաջին ֆորումը, որի ընթացքում իսպանացի գործարարներին ներկայացվեցին Հայաստանում ներդրումներ կատարելու և գործարարությամբ զբաղվելու հնարավորությունները:

4 ամիս անց՝ 2001 թ. հունիսին, ՄԶՄԿ-ն Իսպանիայի Արտաքին գործերի նախարարության, Իսպանիայի Առևտրի պալատի, Իսպանիայում Հայաստանի դիվանագիտական ներկայացուցչության հետ համատեղ կազմակերպեց Հայ-իսպանական երկրորդ գործարար ֆորումը՝ հունիսի 14-ին՝ Մադրիդում, հունիսի 19-ին՝ Վալենսիայում: Հայկական գործարար համայնքը ֆորումին մասնակցեց ավելի քան քսան ձեռնարկություններով, որոնք հնարավորություն ստացան ներկայացնելու իրենց արտադրանքը և ծառայություններն եվրոպական շուկայում:

Իսպանական գործարար համայնքին ՄԶՄԿ կողմից ներկայացվեց Հայաստանի տնտեսությունը և գործարարությամբ զբաղվելու հնարավորությունները, այդ թվում՝ օրենսդրական դաշտը և ինստիտուցիոնալ շրջանակները:

Իսպանիայում և Պորտուգալիայում Հայաստանի արտակարգ և լիազոր դեսպան Էդվարդ Խոջայանի օժանդակությամբ և Հայաստանի արդյունաբերողների և գործարարների (գործատուների) միության հետ համագործակցությամբ ՄԶՄԿ-ն 2002 թ. հունիսին Լիսաբոնում և Պորտոյում կազմակերպեց Հայ-պորտուգալական գործարար ֆորումը: Ֆորումի ընթացքում Պորտուգալիայի գործարար համայնքին ներկայացվեց գործարարներին ներկայացվեցին Հայաստանում ներդրումներ կատարելու և գործարարությամբ զբաղվելու հնարավորությունները: Հայկական առաջադեմ գործարար կազմակերպություններն այս ֆորումի ընթացքում ներկայացրին իրենց արտադրանքն ու ծառայությունները, ստեղծվեցին գործընկերային հարաբերություններ:

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

25.11.2019

Ազգային Ժողովի քննիչ հանձնաժողովի գործունեության ընթացքում իրավասու մարմիններից և պաշտոնատար անձանցից տեղեկություններ ստանալու հետ կապված հարցերի վերաբերյալ

Սույն վերլուծության նպատակն է ներկայացնել Քննիչ հանձնաժողովիգործունեության ընթացքում իրավասու մարմիններից և պաշտոնատար անձանցից գրավոր տեղեկություններ ստանալու, հանձնաժողովի հրավերով՝ իրավասու պաշտոնատար անձանց հանձնաժողով ներկայանալու և բացատրություններ տալու հետ կապված օրենսդրական կարգավորումները, ինչպես նաև այդ անձանց կողմից օրենքի պահանջները չկատարելու դեպքում կիրառվող պատասխանատվության միջոցները: