ՆՈՐՈՒԹՅՈՒՆՆԵՐ // 

Միգրացիոն խնդիրների արդյունավետ կառավարումը հնարավորություն կտա Հայաստան-ԵՄ համագործակցությունը բարձրացնել որակապես նոր մակարդակի

21.02.2010

Հայաստան-ԵՄ համագործակցության կարևորագույն ուղղություններից է դարձել Հայաստանում միգրացիայի կառավարման համակարգի բարելավումը: Այս ոլորտում վերջին տարիներին իրականացվել և իրականացվում են մի շարք խոշոր և կարևոր ծրագրեր:

2007-2009 թվականներին նման ծրագրերի շարքում կենտրոնական դեր խաղաց Եվրոպական միության օժանդակությամբ, Մարդկային զարգացման միջազգային կենտրոնի, ՀՀ տարածքային կառավարման նախարարության Միգրացիոն գործակալության (ներկայում՝ Միգրացիայի պետական ծառայություն) և Բրիթիշ Քաունսիլի կողմից իրականացված «Աջակցություն Հայաստանում միգրացիոն քաղաքականության մշակմանն ու համապատասխան կարողությունների ձևավորմանը» ծրագիրը, որի հիմնական արդյունքները, ձեռքբերումները և քաղված դասերը ամփոփվեցին 2010թ. փետրվարի 19-ին «Անի Պլազա» հյուրանոցի «Անի» սրահում տեղի ունենցած ծրագրի եզրափակիչ խորհրդաժողովում:

ՄԶՄԿ գործադիր տնօրեն Թևան Պողոսյանը խորհրդաժողովի իր բացման ելույթում նշեց, որ. «Միգրացիայի ոլորտում շահագրգիռ պետական մարմինների և ոչ պետական կառույցների միջև սերտ համագործակցության շնորհիվ, ծրագիրն ունեցել է մի շարք կարևոր և կայուն ձեռքբերումներ: Մասնավորապես, ծրագրի շրջանակներում ստեղծվել է միգրանտների աջակցության կենտրոնը, որը գործում է առայսօր, արդեն՝ պետական ֆինանսավորմամբ և իր ծառայություններն է մատուցել շուրջ 1700 միգրանտների: Ծրագրի շրջանակներում ստացվել և ներկայում գործում է www.backtoarmenia.com պաշտոնական կայքը, որը խիստ արդյունավետ հաղորդակցության ուղի է արտերկրում գտնվող մեր համաքաղաքացիների և ՀՀ պետական մարմինների միջև: Մշակվել են մի շարք օրենսդրական ակտերի նախագծեր, ինչպես նաև ՀՀ միգրացիայի պետական կարգավորման հայեցակարգի 2010-2014թթ. ռազմավարության նախագիծը, որը պաշտոնական շրջանառության մեջ է դրել ՀՀ Ազգային անվտանգության խորհրդին կից միգրացիոն հարցերով աշխատանքային խումբը»:

Համաժողովի ընթացքում Ազգային անվտանգության խորհրդի քարտուղար Արթուր Բաղդասարյանն այս առնչությամբ հայտնեց, որ իր կողմից ղեկավարվող Հայաստանի ու եվրոպական կառույցների համագործակցությունը համակարգող միջգերատեսչական հանձնաժողովի որոշմամբ ստեղծված աշխատանքային խումբը գործում է արդյունավետ և «Հույս ունենք, որ առաջիկա 2-3 ամսում այդ աշխատանքները կավարտվեն, և կունենանք համալիր փաստաթուղթ, որը թույլ կտա լուծել միգրացիոն քաղաքականության խնդիրները: Հայաստանի համար այդ հարցերի լուծումը կարևոր է ինչպես ազգային անվտանգության տեսակետից, այնպես էլ միգրացիոն հոսքերի և ռիսկերի ճիշտ կառավարման առումով»:

Հայաստանում Եվրոպական հանձնաժողովի պատվիրակության ղեկավար դեսպան Ռաուլ դը Լյուցեմբերգերը նշեց, որ կարևոր խնդիր է Հայաստանի ու ԵՄ անդամ երկրների միջև վիզային ռեժիմի հեշտացումը: Սակայն դա Հայաստանից պահանջում է ԵՄ չափանիշներին համապատասխանող բարեփոխումներ ու օրենսդրական փոփոխություններ:

Մասնավորապես, ԵՄ չափանիշներին համապատասխան քաղաքականության մշակումն ու իրականացումը հնարավորություն կտան գործուն քայլեր ձեռնարկել ԵՄ անդամ երկրներում ապրող Հայաստանի քաղաքացիների օրինական իրավունքների և շահերի պաշտպանության ուղղությամբ։

Ներկաները կարևորեցին նաև միգրացիայի կառավարման և ոլորտի կարգավորման համակարգի հետագա զարգացման աշխատանքների շարունակականությունը:

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

25.11.2019

Ազգային Ժողովի քննիչ հանձնաժողովի գործունեության ընթացքում իրավասու մարմիններից և պաշտոնատար անձանցից տեղեկություններ ստանալու հետ կապված հարցերի վերաբերյալ

Սույն վերլուծության նպատակն է ներկայացնել Քննիչ հանձնաժողովիգործունեության ընթացքում իրավասու մարմիններից և պաշտոնատար անձանցից գրավոր տեղեկություններ ստանալու, հանձնաժողովի հրավերով՝ իրավասու պաշտոնատար անձանց հանձնաժողով ներկայանալու և բացատրություններ տալու հետ կապված օրենսդրական կարգավորումները, ինչպես նաև այդ անձանց կողմից օրենքի պահանջները չկատարելու դեպքում կիրառվող պատասխանատվության միջոցները: