ՆՈՐՈՒԹՅՈՒՆՆԵՐ // 

Արևելք-Արևմուտք խաչմերուկ. գործողությունների նոր ալիք

22.04.2010

Հաշվի առնելով Արևելք/Արևմուտք Եվրաֆորում (Euroforum East/West Network) երիտասարդական ցանցի նշանակությունն ու կայացվածությունը որպես փորձի, գիտելիքների, մշակութային և այլ արժեքների արդյունավետ փոխանակման և համագործակցության հարթակ՝ ՄԶՄԿ հանդես է եկել նոր նախաձեռնությամբ: Այն նպատակ է հետապնդում Արևելք/Արևմուտք Եվրաֆորում ցանցը ներկայացնող տարբեր երկրների երիտասարդների համար ապահովել միջավայր՝ ԵՄ ինտեգրման շուրջ արդյունավետ երկխոսություն ծավալելու և երիտասարդներին համագործակցության նոր գործիքներով ու հնարավորություններով օժտելու համար:

Նախատեսվում է, որ նախաձեռնության շրջանակներում հայ, ադրբեջանցի, վրացի, բելոռուս, ֆրանսիացի, գերմանացի, լեհ, իսպանացի երիտասարդները մտքեր կփոխանակեն և տեսակետ կարտահայտեն տարածաշրջանային քաղաքական հրատապ թեմաների շուրջ: Երիտասարդները հնարավորություն կունենան ամփոփել իրենց կարծիքները հոդվածների տեսքով, որոնք կներառվեն ծրագրի արդյունքում տպագրվող «Արևելք-Արևմուտք խաչմերուկ» գրքում՝ անգլերեն և հայերեն լեզուներով:

Հոդվածաշարը կդառնա այն գործիքը, որը թույլ կտա երիտասարդ առաջնորդներին բարձրաձայնելու իրենց կարծիքները ԵՄ ինտեգրման այնպիսի խնդիրների շուրջ, ինչպիսիք են, օրինակ, Եվրոպական համագործակցությունը, Եվրոպական հարևանության քաղաքականությունը, մասնակցային ժողովրդավարություն և այլն:

ՆՈՐՈՒԹՅՈՒՆՆԵՐ

15.03.2021

ՀՀ Ազգային ժողովին (ՀՀ ԱԺ) միջազգային զարգացման աջակցության, համակարգման և ՀՀ ԱԺ հետ միջազգային զարգացման գործընկերների համագործակցության քարտեզագրման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։

 ավելին >>
15.03.2021

Քաղաքական հաղորդակցության գործիքների արդյունավետության գնահատման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։

 ավելին >>
09.03.2021

«Կանաչ Գործարք» աշխատանքային խմբի առաջին տեսակոնֆերանս

2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

20.11.2023

Երիտասարդական Էքսպոյի Կատալոգ

«Քաղաքացիական կրթություն և մասնակցություն» ծրագրի 2023 երիտասարդական էքսպոյի կատալոգում կարող եք ծանոթանալ մասնակից ավելի քան 30 հասարակական կազմակերպություններին, էքսպոյի ընթացքում նախատեսվող 10-ից ավելի միջոցառումներին և դրանք վարող խոսնակներին, ինչպես նաև «Քաղաքացիական կրթություն և մասնակցություն» ծրագրի հակիրճ նկարագրին և ծրագրի հիմքում ընկած «Երիտասարդների դրական զարգացում» մոտեցմանը։