ՆՈՐՈՒԹՅՈՒՆՆԵՐ // 

«Լեռնային Ղարաբաղի խնդրի կարգավորումը. Հասարակ մարդկանց ձայնը» գրքի շնորհանդեսը

29.06.2010

Ս/թ. հունիսի 28-ին «Անի Պլազա» հյուրանոցի Նաիրի դահլիճում տեղի ունեցավ «Լեռնային Ղարաբաղի խնդրի կարգավորումը. Հասարակ մարդկանց ձայնը» գրքի շնորհանդեսը:

Գրքում ամփոփված է Հայաստանի (10), Ադրբեջանի (10) և Լեռնային Ղարաբաղի (3) բնակավայրերում զուգահեռ անցկացված համաքաղաքային քննարկումներին արտահայտված մտքերի ու կարծիքների համեմատական վերլուծությունը: Քննարկումներն իրականացվել են Մարդկային զարգացման միջազգային կենտրոնի (Հայաստան) և Երիտասարդությունը հանուն զարգացման (Ադրբեջան) կողմից՝ Երևանում Բրիտանական դեսպանատան օժանդակությամբ՝ Հակամարտությունների կանխարգելման գլոբալ հիմնադրամի միջոցներով:

Շնորհանդեսին բացման խոսքով հանդես եկավ Հայաստանում Միացյալ Թագավորության դեսպան Չարլզ Լոնդսեյլը: ՄԶՄԿ գործադիր տնօրեն Թևան Պողոսյանը նշեց, որ գրքում տեղ գտած հանրության մտքերը կարող են օգտակար լինել վերլուծաբանների, հետազոտողների, ինչպես նաև որոշում կայացնողների համար: ՄԶՄԿ փորձագետ Աշոտ Խուրշուդյանը ներկայացրեց գրքից օգտվելու սկզբունքները: Ըստ Հայաստանում Լեռնային Ղարաբաղի մշտական ներկայացուցիչ Կառլեն Ավետիսյանի՝ պետք է հասնել նրան, որ նմանատիպ քննարկումները և մտքերի փոխանակման գործընթացը տեղի ունենա ոչ միայն առանձին-առանձին կամ երրորդ երկրների տարածքում՝ այլև դեմառդեմ՝ Լեռնային Ղարաբաղի Հանրապետությունում, Հայաստանում և Ադրբեջանում:

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

25.11.2019

Ազգային Ժողովի քննիչ հանձնաժողովի գործունեության ընթացքում իրավասու մարմիններից և պաշտոնատար անձանցից տեղեկություններ ստանալու հետ կապված հարցերի վերաբերյալ

Սույն վերլուծության նպատակն է ներկայացնել Քննիչ հանձնաժողովիգործունեության ընթացքում իրավասու մարմիններից և պաշտոնատար անձանցից գրավոր տեղեկություններ ստանալու, հանձնաժողովի հրավերով՝ իրավասու պաշտոնատար անձանց հանձնաժողով ներկայանալու և բացատրություններ տալու հետ կապված օրենսդրական կարգավորումները, ինչպես նաև այդ անձանց կողմից օրենքի պահանջները չկատարելու դեպքում կիրառվող պատասխանատվության միջոցները: