ՆՈՐՈՒԹՅՈՒՆՆԵՐ // 

Եվրաֆորում Բեռլին 2011

21.03.2011

ՄԶՄԿ վեց երիտասարդ ներկայացուցիչներ փետրվարի 25-ից մարտի 6-ը մասնակցեցին Բեռլինում կայացած Եվրաֆորում Արևելք/Արևմուտք ծրագրի թվով 7-րդ հանդիպմանը: Ծրագիրը ֆինանսավորում էր ԵՄ «Երիտասարդությունը գործողության մեջ» ծրագիրը: Եվրաֆորում Բեռլին 2011-ի նպատակն էր համախմբել տարբեր մասնագիտությունների երտասարդների և նրանց իրազեկել որոշումների կայացման գործընթացի վերաբերյալ, ինչպես նաև հնարավորություն ընձեռել վերլուծել քաղաքացիական հասարակության դերակատարների և հասարակության մասնակցությունը որոշումների կայացման գործընթացում:

Եվրաֆորում Բեռլինն այս անգամ համախմբեց քառասուն երիտասարդների ութ հասարակական կազմակերպություններից և երկրներից՝ Հայաստան, Ադրբեջան, Վրաստան, Բելառուս, Ֆրանսիա, Իսպանիա, Գերմանիա և Լեհաստան: Բացի եվրաինտեգրման թեմայով բանավեճերից, մասնակիցները բաժանվեցին երեք հիմնական աշխատանքային խմբի՝ դերային խաղեր, համայնքային սոցիալական քարոզարշավ և առցանց լրագրության թեմաներով:

Մասնակիցներն ուսումնական այց կատարեցին Բունդեսթագ, որտեղ հանդիպեցին Գերմանական Բունդեսթագի կանաչների կուսակցության ղեկավար տկն. Վիոլա Ֆոն Կրամոնի հետ: Համաժողովի ընթացքում եղան նաև մի շարք հանդիպումներ գերմանական հասարակական կազմակերպությունների, ԵՄ կառույցներների ներկայացուցիչների, ինչպես նաև լրագրողների հետ:

ՆՈՐՈՒԹՅՈՒՆՆԵՐ

15.03.2021

ՀՀ Ազգային ժողովին (ՀՀ ԱԺ) միջազգային զարգացման աջակցության, համակարգման և ՀՀ ԱԺ հետ միջազգային զարգացման գործընկերների համագործակցության քարտեզագրման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։

 ավելին >>
15.03.2021

Քաղաքական հաղորդակցության գործիքների արդյունավետության գնահատման փորձագետի ծառայություններ մատուցելու հետաքրքրության հայտ ներկայացնելու հրավեր

ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։

 ավելին >>
09.03.2021

«Կանաչ Գործարք» աշխատանքային խմբի առաջին տեսակոնֆերանս

2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

20.11.2023

Երիտասարդական Էքսպոյի Կատալոգ

«Քաղաքացիական կրթություն և մասնակցություն» ծրագրի 2023 երիտասարդական էքսպոյի կատալոգում կարող եք ծանոթանալ մասնակից ավելի քան 30 հասարակական կազմակերպություններին, էքսպոյի ընթացքում նախատեսվող 10-ից ավելի միջոցառումներին և դրանք վարող խոսնակներին, ինչպես նաև «Քաղաքացիական կրթություն և մասնակցություն» ծրագրի հակիրճ նկարագրին և ծրագրի հիմքում ընկած «Երիտասարդների դրական զարգացում» մոտեցմանը։