- հայ
- |
- eng
- |
- կայքի քարտեզ
- |
- որոնում
- |
ՄԶՄԿ-ն Հայկական ատլանտյան ասոցիացիայի հետ միասին հունիսի 24-ին Գավառի պետական համալսարանում կազմակերպել էին տեսաժողով Հունաստանի ատլանտյան ասոցիացիայի և Եվրոպայի համագործակցության տնօրեն՝ Թեոդոսիս Գեորգիուսի և ասոցիացիայի կամավորների մասնակցությամբ: Տեսաժողովին մասնակցեց նաև ՆԱՏՕ-ի հասարակական դիվանագիտության վարչության Հունաստանի տեղեկատվական վարչության ղեկավար Դեսպինա-Ինո Աֆենթոուլին: Գավառի պետական համալսարանի շուրջ 40 ուսանողներ և երիտասարդ դասախոսներ հունական ատլանտյան ասոցիացիայի իրենց հասակակիցների հետ հարցեր ու պատսխաններ փոխանակեցին: Հայկական կողմից հնչող հարցերը հիմնականում վերաբերում էին Հայաստան-ՆԱՏՕ փոխհարաբերություններին, անվտանգության ոլորտում կանանց դերին, Հայաստան-ՆԱՏՕ համագործակցության հեռանկարներին և ակնկալվող օգուտներին, ինչպես նաև ՆԱՏՕ-ի խաղաղապահ գործողություններին: Հունական կողմին, մասնավորապես, հետաքրքրում էր ՆԱՏՕ-ի մասին հայկական հասարակության կարծիքը: Ուսանողները և հյուրերը պատասխանեցին հարցերին և քննարկեցին դրանք: Տեսակամուրջի ընթացքում հնաչած բաց, թափանցիկ և հավասար կարծիքների փոխանակումը թույլ տվեց մասնակիցներին ՆԱՏՕ-ի և նրա Հայաստանյան առաքելության մասին ունենալ օբյեկտիվ և առավել խոր կարծիք:
ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։
ավելին >>ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։
ավելին >>2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:
ավելին >>2024թ. հունվարի 30-ին Վայք խոշորացված համայնքի մի շարք բնակավայրերի ավելի քան 90 բնակիչներ քննարկեցին Վայք խոշորացված համայնքի, մասնավորապես, երիտասարդների կարիքներից բխող զարգացման հինգ ծրագիր, որոնք ՄԶՄԿ-ն մշակել էր Վայքի համայնքապետարանի, Վայքի «Solution HUB» ՀԿ-ի և կազմակերպության շահառու երիտասարդների հետ սերտ համագործակցությամբ։ Քննարկման արդյունքներն ամփոփված են սույն զեկույցում (հասանելի է միայն հայերեն)։