ՀԱՅՏԱՐԱՐՈՒԹՅՈՒՆՆԵՐ // 

Դիմումի հայտ

12.03.2012

 

Մարդկային զարգացման միջազգային կենտրոնը (ՄԶՄԿ) ԵԱՀԿ երևանյան գրասենյակի աջակցությամբ իրականացնում է «Աջակցություն խորհրդարանական ընտրությունների դիտորդական առաքելություններում երիտասարդների մասնակցությանը»  ծրագիրը, որի նպատակն է բարձրացնել երիտասարդության մասնակցությունը ընտրական գործընթացներում՝ հնարավորություն տալով ծրագրի մասնակիցներին ընտրությունների ժամանակ հանդես գալ որպես անկախ դիտորդներ:

Ծրագրի շրջանակներում նախատեսվում է իրականացնել դասընթացներ՝ ուղղված որպես դիտորդներ ընտրություններում ներգրավվել ցանկացող 50 երիտասարդների վերապատրասմանը, որոնց ավարտից հետո ՄԶՄԿ-ն դասընթացներն ավարտած երիտասարդներին  կաջակցի օրենքով սահմանված կարգով Կենտրոնական ընտրական հանձնաժողոնից ստանալ դիտորդական հավատարմագրում, ինչպես նաև մասնակցել 2012 թվականի մայիսի 6-ին կայանալիք խորհրդարանական ընտրություններին որպես դիտորդներ: Դասընթացների ընթացքում մասնակիցներին կներկայացվեն ՀՀ ընտրական օրենսգիրքը, ընտրությունների միջազգային չափանիշները, դիտորների վարքի կանոնագիրքը և դիտորդական առաքելության առանձնահատկությունները:

Ծրագրին մասնակցելու նպատակով հրավիրվում են 18-35 տարեկան երիտասարդներ Լոռվա, Շիրակի, Տավուշի, Արագածոտնի և Կոտայքի մարզերից՝ մասնակցելու երկօրյա դասընթացներին: Դիմորդները պետք է չհանդիսանան որևէ կուսակցության անդամ, ներգրավված չլինեն որևէ կուսակցության կամ թեկնածուի քարոզարշավում և կայանալիք ընտրություններում հանդես չգան որպես որևէ կուսակցության, առաջադրված  թեկնածուի վստահված անձ/ներկայացուցիչ:

Դասընթացները կանցկացվեն 2012 թվականի մարտ 25 – ապրիլի 10-ը Վանաձոր, Գյումրի, Իջևան, Աշտարակ և Հրազդան քաղաքներում: Դիմում-հայտերի հիման վրա ընտրված մասնակիցները լրացուցիչ կտեղեկացվեն դասընթացների վայրի և օրվա մասին:

Ծրագրի դիմելու նպատակով խնդրում ենք լրացնել կից դիմում-հայտը և այն մինչև 2012 թվականի մարտի 22-ը ուղարկել [email protected] և [email protected] էլեկտրոնային հասցեներին՝ առարկայում նշելով “Call on elections’ observation” անվանումը:

Լրացուցիչ հարցերի և տեղեկությունների համար կարող եք դիմել Մարդկային զարգացման միջազգային կենտրոն, 19 Սայաթ-Նովա, Երևան,  + 374 10 58 26 39 Մոնիկա Սարգսյանին:   

 

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

25.11.2019

Ազգային Ժողովի քննիչ հանձնաժողովի գործունեության ընթացքում իրավասու մարմիններից և պաշտոնատար անձանցից տեղեկություններ ստանալու հետ կապված հարցերի վերաբերյալ

Սույն վերլուծության նպատակն է ներկայացնել Քննիչ հանձնաժողովիգործունեության ընթացքում իրավասու մարմիններից և պաշտոնատար անձանցից գրավոր տեղեկություններ ստանալու, հանձնաժողովի հրավերով՝ իրավասու պաշտոնատար անձանց հանձնաժողով ներկայանալու և բացատրություններ տալու հետ կապված օրենսդրական կարգավորումները, ինչպես նաև այդ անձանց կողմից օրենքի պահանջները չկատարելու դեպքում կիրառվող պատասխանատվության միջոցները: