- հայ
- |
- eng
- |
- կայքի քարտեզ
- |
- որոնում
- |
1. Ներածություն
«Մարդկային զարգացման միջազգային կենտրոն» հասարակական կազմակերպությունը (ՄԶՄԿ) և Միգրացիայի միջազգային կազմակերպությունը (ՄՄԿ) մեկնարկել են «Հայաստանում աշխատանքային միգրացիայի գիտավերլուծական կառավարում» ծրագիրը, որը ֆինանսավորվում է Եվրոպական հանձնաժողովի կողմից:
Ծրագրի հիմնական նպատակներն են.
• հզորացնել աշխատուժի շուկայում պահանջարկն ու առաջարկը համապատասխանեցնելու աշխատանքի տեղավորման գործակալությունների կարողությունները,
• ձևավորել շրջանաձև աշխատանքային միգրացիային նպաստող միջավայր,
• հզորացնել միգրացիոն տվյալների հավաքագրման, վերլուծության և քաղաքականության մշակման կարողությունները մեր երկրում,
• բարձրացնել միգրացիայի կառավարման ԵՄ օրենսդրության մասին իրազեկվածությունը և բացահայտել վերջինիս հետ ՀՀ օրենսդրության մոտարկման հնարավորությունները:
2. Միգրացիոն հարցերով խորհրդատուի հաստիքը և աշխատանքի ընդհանուր նկարագրությունը
Ծրագրի մի շարք բաղադրիչների իրականացման համար ծրագրային հաստատված փաստաթղթով և աշխատանքային ծրագրով, մասնավորապես, նախատեսվում է Միգրացիոն հարցերով խորհրդատուի հաստիքը: Ընդհանուր առմամբ, խորհրդատուն պիտի փորձագիտական ներդրում կատարի միգրացիայի ոլորտում պետական քաղաքականության, օրենսդրության, հաստատությունների և կառույցների, ընթացակարգերի և այլ խնդիրների վերաբերյալ, քաղաքականության վերլուծության, քաղաքականության առաջարկների, օրենսդրական և ենթաօրենսդրական ակտերի մշակման, իրազեկման աշխատանքների կազմակերպման և այլ մեթոդների կիրառմամբ:
Միգրացիոն հարցերով խորհրդատուի աշխատանքի նկարագրության շրջանակները, մասնավորապես, ներառում են.
• երրորդ երկրների քաղաքացիների մուտքը ԵՄ երկրների աշխատանքային շուկա կանոնակարգող օրենսդրության և ոլորտի վարչական համակարգի վերլուծություն,
• ԵՄ երկրների աշխատաշուկաների կարիքների գնահատում` երրորդ երկրների քաղաքացիների նկատմամբ, ըստ երկրների գոյություն ունեցող ծրագրերի վերհանում,
• մասնավոր աշխատանքային գործակալությունների գործնեության կանոնակարգման ուղղությամբ այլ երկրների` այդ թվում աշխատուժ արտահանող, փորձի ուսումնասիրում և Հայաստանում այդ կառույցների համակարգի հզորացման հնարավորություննրի,
• միգրացիոն հարցերով բնակչության իրազեկման ուղղությամբ իրականացվող աշխատանքների ուսումնասիրում և միջազգային փորձի համադրման արդյունքում տեղական կառողությունների հզորացման հնարավորությունների բացահայտում,
• շրջանառվող աշխատանքային միգրացիայի միջազգային իրավական կարգավորումների, փորձի հետազոտություն և վերլուծություն,
• իրականացված հետազոտությունների ներկայացում Պատվիրատուի կողմից կազմակերպվող կլոր սեղանների և աշխատանքային քննարկումների ընթացքում:
3. Միգրացիոն հարցերով խորհրդատուին ներկայացվող պահանջները
Միգրացիոն հարցերով խորհրդատուի աշխատանքի նկարագրությանը համապատասխան ծառայությունների մատուցման պատշաճ որակը, ծրագրով նախատեսված գործողությունների արդյունավետ իրականացումը և արդյունքներն ապահովելու նպատակով, ինչպես նաև համանման աշխատանքների իրականացման համար խորհրդատուներին ներկայացվող պահանջների գործնական պրակտիկան հաշվի առնելով, ՄԶՄԿ-ն սահմանել է Միգրացիոն հարցերով խորհրդատուին ներկայացվող մի շարք պահանջներ, այդ թվում՝
• միգրացիայի ոլորտում պետական մարմիններին, հասարակական կազմակերպություններին, միջազգային կազմակերպություններին, մասնավորապես, ԵՄ կառույցներին, ՄԱԿ-ի կառույցներին, Միգրացիայի Միջազգային Կազմակերպությանը, Համաշխարհային Բանկին, Ասիական զարգացման բանկին և այլ հեղինակավոր կառույցներին միգրացիայի ոլորտում պետական քաղաքականության, միգրացիայի պետական կարգավորման և այս ոլորտում հարակից խնդիրների շուրջ Հայաստանում խորհրդատվության տրամադրման առնվազն 15 տարվա փորձ.
• միգրացիայի ոլորտում հեղինակավոր կառույցների կողմից իրականացված ծրագրերում մասնագիտական ներգրավման, մասնակցության կամ համագործակցության 15 տարվա փորձ.
• միգրացիայի պետական քաղաքականության փաստաթղթերի (ռազմավարություններ, հայեցակարգեր, գործողությունների ծրագրեր և այլն), օրենսդրական կարգավորման, լիազոր մարմինների շրջանակների, ընթացակարգերի, հասարակական կառույցների ծրագրերի գործնական գերազանց իմացություն և դրանց մշակման վերաբերյալ հարուստ աշխատանքային փորձ.
• միգրացիայի ոլորտում քաղաքականության վերլուծության և հետազոտությունների իրականացման, քաղաքականության առաջարկների, օրենսդրական և ենթաօրենսդրական ակտերի մշակման, իրազեկման աշխատանքների կազմակերպման ծանրակշիռ փորձ.
• Հայաստան-Եվրոպական Միություն համագործակցության շրջանակներում միգրացիայի ոլորտում իրականացվող ծրագրերի և նախաձեռնությունների գերազանց իմացություն.
• խիստ արժևորվում են Եվրոպական Միության անդամ երկրներում միգրացիայի ոլորտը կարգավորող հաստատությունների հետ համագործակցության փորձն ու գործնական կապերը.
• հայերեն, անգլերեն և ռուսերեն լեզուների վարժ իմացությունը պարտադիր է:
Հետաքրքրված անձանց խնդրում ենք ներկայացնել իրենց ինքնակենսագրությունը Մարդկային զարգացման միջազգային կենտրոն հետևյալ հասցեով՝ [email protected] մինչև 2011 թվականի փետրվարի 15-ը։ Լրացուցիչ հարցերի համար կարող եք զանգահարել +374 10 582638 հեռախոսահամարով։
ՄԶՄԿ-ն Նոր Հայաստան՝ ժամանակակից խորհրդարան» ծրագրի շրջանակներում հրավիրում է հետաքրքրված ֆիզիկական անձանց կամ անհատ ձեռներեցներին՝ ներկայացնելու հետաքրքրության հայտ` ՀՀ ԱԺ կողմից միջազգային զարգացման գործընկերների հետ համագործակցությունը քարտեզագրելու, համագործակցության նոր հնարավորություններ բացահայտելու և այդ համագործակցությունը արդյունավետորեն համակարգելու, միջնաժամկետ և երկարաժամկետ հեռանկարում արտաքին օժանդակության օգտագործման ընդհանուր ռազմավարության համար անհրաժեշտ հիմնական տվյալներ հայթայթելու և համապարփակ զեկույց ներկայացնելու նպատակով։։
ավելին >>ՄԶՄԿ-ն «Նոր Հայաստան՝ ժամանակակից խորհրդարան» ծրագրի շրջանակներում նախատեսում է իրականացնել ՄԶՄԿ կողմից ներդրված և կիրառվող քաղաքական հաղորդակցության գործիքների արդյունավետության գնահատում, որի համար նախատեսում է ներգրավել կարճաժամկետ փորձագիտական օժանդակություն։
ավելին >>2021թ. մարտի 3-ին տեղի ունեցավ «Լիսաբոն-Վլադիվոստոկ» նախաձեռնության շրջանակներում ստեղծված «Կանաչ Գործարք» աշխատանքային խմբի առաջին տեսակոնֆերանսը: Յոթ երկրների` Ավստրիա, Հայաստան, Գերմանիա, Իտալիա, Ղազախստան, Ռուսաստան և Ֆարանսիա, շրջակա միջավայրի և բիզնես ոլորտի ավելի քան 20 փորձագետներ, ինչպես նաև «Լիսաբոն-Վլադիվոստոկ» նախաձեռնությանը սատարող խոշոր բիզնես ասոցիացիաների ներկայացուցիչները քննարկեցին ԵՄ-ի և ԵԱՏՄ-ի կայուն զարգացման գործողությունների ներդաշնակեցմանն ուղղված ընդհանուր մոտեցումները, այդ թվում նաև մինչև 2050թ. ջերմոցային գազերի արտանետումների կտրուկ նվազման ուղղությամբ գործողությունները: «Լիսաբոն-Վլադիվոստոկ» նախաձեռնության խորհրդի նախագահ Ուլֆ Շնայդերը ընդգծեց. «Կանաչ գործարքը ԵՄ-ի և ԵԱՏՄ-ի միջև երկխոսություն սկսելու դռներ է բացում»: Տեսակոնֆերանսին մասնակցում էր ՄԶՄԿ-ի փորձագետ, կենսաֆիզիկոս, ուրբան միջավայրի, կայունության և կլիմայի փոփոխության մասնագետ Ոսկեհատ Իսախանյանը:
ավելին >>2024թ. հունվարի 30-ին Վայք խոշորացված համայնքի մի շարք բնակավայրերի ավելի քան 90 բնակիչներ քննարկեցին Վայք խոշորացված համայնքի, մասնավորապես, երիտասարդների կարիքներից բխող զարգացման հինգ ծրագիր, որոնք ՄԶՄԿ-ն մշակել էր Վայքի համայնքապետարանի, Վայքի «Solution HUB» ՀԿ-ի և կազմակերպության շահառու երիտասարդների հետ սերտ համագործակցությամբ։ Քննարկման արդյունքներն ամփոփված են սույն զեկույցում (հասանելի է միայն հայերեն)։