Մարդկային զարգացման միջազգային կենտրոնը Միգրացիայի միջազգային կազմակերպության հետ համագործակցությամբ և Եվրոպական հանձնաժողովի օժանդակությամբ շարունակում է «Հայաստանում աշխատանքային միգրացիայի գիտավերլուծական կառավարման հզորացում» ծրագիրը, որի շրջանակներում պարբերաբար հրավիրվում են առանց հղումների իրավունքի քննարկումներ նվիրված աշխատանքային միգրացիայի խնդիրներին:

2013թ.-ի սեպտեմբերի 20-ին՝ հերթական առանց հղումների իրավունքի քննարկուման ընթացքում, որը վերնագրված էր «Ուղղորդում և աջակցություն նախամեկնման փուլում. օժանդակություն շրջանառու աշխատանքային միգրանտներին» ներկայացվեցին նախամեկնման փուլում արտագնա աշխատանքային միգրանտներին տրամադրվող օժանդակության միջազգային փորձը, Հայաստանում տարբեր կազմակերպությունների կողմից իրականացված հետազոտությունների արդյունքները, ինչպես նաև պետության կողմից մատուցվող կամ նախատեսվող ծառայությունների շրջանակները:

Քննարկմանը մասնակցեցին ՀՀ պետական և ոչ պետական, ինչպես նաև միգրացիայի ոլորտում ծրագրեր իրականացնող օտարերկրյա և հայաստանյան կազմակերպություններ: