ՆՈՐՈՒԹՅՈՒՆՆԵՐ // 

«Միգրանտներին և նրանց ընտանիքներին աջակցության խնդիրները հայաստանյան և եվրոպական քաղաքների միջև միջհամայնքային համագործակցության օրակարգում»

12.12.2013

Մարդկային զարգացման միջազգային կենտրոնը, Եվրոպական միության ֆինանսավորմամբ և Միգրացիայի միջազգային կազմակերպության հետ համագործակցությամբ իրականացվող «Հայաստանում աշխատանքային միգրացիայի գիտավերլուծական կառավարման հզորացում» ծրագրի (www.ulisses.am) շրաջնակներում 2013թ․ նոյեմբերի 16-19-ը կազմակերպել էր հայաստանյան պետական, համայնքային և քաղաքացիական հասարակության ինստիտուտների ներկայացուցիչների այց  Իտալիայի Հանրապետության Պուլիայի մարզի, Լեչեյի նահանգի Նարդո համայնք։ Այցի նպատակ էր եվրոպական և հայկական համայնքների միջև միջհամայնքային համագործակցության օրակարգում բարձրացնել աշխատանքային միգրանտներին և նրանց ընտանիքի անդամներին սոցիալական, իրավական և տեղեկատվական օժանդակության, հայրենիքի հետ կապի գործուն ու վստահելի մեխանիզմների մշակման և ներդրման հարցերը, այդ համագործակցության շրջանակներում ներգրավել քաղաքացիական հասարակության ներուժը: Պատվրակության կազմում էին Աշտարակի և Գյումրու  փոխքաղաքապետերը, ՀՀ ՏԿՆ Տարածքային կառավարման և զարգացման վարչության պետը, «Արմավիրի զարգացման կենտորն» ՀԿ նախագահը և «Մարդկային զարգացման միջազգային կենտրոն» ՀԿ գործադիր տնօրենը:

Այցի ընթացքում տեղի ունեցան մի շարք հանդիպումներ Նարդոյի քաղաքապետարանի, Լեչեյի նահանգային և Պուլիայի մարզային իշխանությունների ներկայացուցիչների հետ, որոնց ընթացքում պայմանավորվածություններ ձեռք բերվեցին նորոգել համայնքների միջև առկա համագործակցությունը կամ ձևավորել նոր համագործակցություններ՝ դրանց շրջանակներում առանձնահատուկ ուշադրություն դարձնելով միգրանտների իրավունքների և նրանց ինտեգրման ու սոցիալական օժանդակության տրամադրման, դրանում քաղհասարակության և զարգացման միջազգային գործընկերների հնարավորությունները ներգրավելու խնդիրներին:

Ձեռք բերված պայմանավորվածությունները իրագործելու նպատակով 2013 թ․ դեկտեմբերի 10-11-ը տեղի ունեցավ Նարդո համայնքի պատվիրակության փոխադարձ այց Հայաստան՝ Նարդոյի քաղաքապետի գլխավորությամբ: 

Այցի շրջանակներում, 2013թ. դեկտեմբերի 10-ին տեղի ունեցավ «Միգրանտներին և նրանց ընտանիքներին աջակցությունը միջհամայնքային համագործակցության օրակարգում» թեմայով կոր սեղան, որի ընթացքում իտալական պատվիրակությանը ներկայացվեցին և քննարկվեցին Հայաստանի Հանրապետությունան միգրացիոն ընդհանուր պատկերն ու զարգացումները, միգրացիոն ոլորտում իրականացվող ՀՀ պետական քաղաքականության առանձնահատկույթւոնները, վերադարձը խթանող՝ վերաինտեգրման օժանդակության ծրագրերը, ՀՀ սփյուռքի նախարարության կողմից իրականացվող ծրագերն ու դրանց շրջանակներում միջհամայնքային համագործակցության հնարավորությունները:

Այցի ընթացքում, դեկտեմբերի 11-ին Գյումրի և Նարդո քաղաքների քաղաքապետները կնքեցին համագործակցության նոր հուշագիր Գյումրիում, իսկ դեկտեմբերի 10-ին  տեղի ունեցավ հանդիպում Աշտարակ քաղաքի  քաղաքապետի հետ, որի ընթացքում քննարկվեցին Աշատարակ և Նարդո քաղաքների միջև համագործակցության ձևավորման հնարավորությունները:

Հղումներ.

http://www.asparez.am/news-hy/handipum-italiayi-patvirakutyan_het-hy/
http://www.aravot.am/2013/12/11/413991/
http://ashtarak.am/Pages/Home/newsdetails.aspx?nID=505#.UqxL6tIW2AV 

ՆՈՐՈՒԹՅՈՒՆՆԵՐ

17.10.2019

Տեղեկատվական հանդիպում-աշխատաժողով Շիրակի մարզում

2019 հոկտեմբերի 15-ին ՀՀ Լոռու մարզի Վանաձոր քաղաքում տեղի ունեցավ «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

 ավելին >>
24.09.2019

Տեղեկատվական հանդիպում-աշխատաժողով Շիրակի մարզում

2019 սեպտեմբերի 17-ին ՀՀ Շիրակի մարզի Գյումրի քաղաքում մեկնարկեց «Հայաստանի Հանրապետությունից Գերմանիայի Դաշնային Հանրապետություն անկանոն միգրացիայի կանխարգելում՝ պոտենցիալ միգրանտների տեղեկացվածության բարձրացման միջոցով» ծրագրի տեղեկատվական հանդիպում-աշխատաժողովների շարքը: Աշխատաժողովի հիմնական նպատակն է մասնակիցներին տեղեկություններ տրամադրել անկանոն միգրացիայի ռիսկերի, հետևանքների, Գերմանիայի Դաշնային Հանրապետությունում միգրացիայի ոլորտում տեղի ունեցող զարգացումների, օտարերկրացիներին տրվող պաշտպանության ձևերի, ինչպես նաև վիճակագրական տվյալներ՝ Հայաստանից Գերմանիա արտագաղթի և վերադարձի վերաբերյալ: Աշխատաժողովի ընթացքում քննարկվել են նաև ՀՀ քաղաքացիների վերադարձի և հետընդունման (ռեադմիսիա) գործընթացը, և ներկաներին ներկայացվել է նաև ՀՀ-ում իրականացվող վերադարձողների վերաինտեգրման ծրագրերը:

Միջոցառմանը մասնակցում էին պետական (տարածքային) կառավարման և տեղական ինքնակառավարման մարմինների պաշտոնյաները, համապատասխան ծառայություններ մատուցող պետական և ոչ պետական կազմակերպությունները, ԶԼՄ և ՔՀԿ ներկայացուցիչները: Աշխատաժողովն իրականացվում է Մարդկային զարգացման միջազգային կենտրոնի կողմից, ԳԴՀ Արտաքին գործերի դաշնային նախարարության ֆինանսական աջակցությամբ և ՀՀ ՏԿԵՆ Միգրացիոն ծառայության և «Հայկական Կարիտաս» բարեսիրական հասարակական կազմակերպության հետ համագործակցությամբ:

 ավելին >>

ՎԵՐՋԻՆ ՀՐԱՏԱՐԱԿՈՒՄՆԵՐԸ

25.11.2019

Ազգային Ժողովի քննիչ հանձնաժողովի գործունեության ընթացքում իրավասու մարմիններից և պաշտոնատար անձանցից տեղեկություններ ստանալու հետ կապված հարցերի վերաբերյալ

Սույն վերլուծության նպատակն է ներկայացնել Քննիչ հանձնաժողովիգործունեության ընթացքում իրավասու մարմիններից և պաշտոնատար անձանցից գրավոր տեղեկություններ ստանալու, հանձնաժողովի հրավերով՝ իրավասու պաշտոնատար անձանց հանձնաժողով ներկայանալու և բացատրություններ տալու հետ կապված օրենսդրական կարգավորումները, ինչպես նաև այդ անձանց կողմից օրենքի պահանջները չկատարելու դեպքում կիրառվող պատասխանատվության միջոցները: