Մարդկային զարգացման միջազգային կենտրոնը, Եվրոպական միության ֆինանսավորմամբ և Միգրացիայի միջազգային կազմակերպության հետ համագործակցությամբ իրականացվող «Հայաստանում աշխատանքային միգրացիայի գիտավերլուծական կառավարման հզորացում» ծրագրի շրաջնակներում 2013թ․ հոկտեմբերի 7-9-ը կազմակերպել էր Լեհաստանում շրջանառու աշխատանքային միգրացիայի կազմակերպման և կառավարման ոլորտում շահագրգիռ պետական, քաղաքացիական հասարակության ինստիտուտների և մասնավոր հատվածի ներկայացուցիչների փորձի փոխանակման այց Հայաստան: Լեհական պատվիրակությունը ներկայացնում էր Լեհաստանի Աշխատանքի և սոցիալական քաղաքականության նախարարությունը և օտարերկրյա աշխատողների հավաքագրմամբ մասնագիտացած Լեհաստանի առաջին ընկերություններից մեկը՝ ԻսթՎեսթԼինք ընկերությունը:

Փորձի փոխանակման եռօրյա այցի ընթացքում լեհական պատվիրակությունն ունեցավ մի շարք պաշտոնական հանդիպումներ ՀՀ Միգրացիոն պետական ծառայության, ՀՀ Աշխատանքի և սոցիալական հարցերի նախարարության (ԱՍՀՆ), ՀՀ ԱՍՀՆ Աշխատանքի և սոցիալական հետազոտությունների ազգային ինստիտուտի և ՀՀ ԱՍՀՆ Զբաղվածության պետական ​​ծառայություն գործակալության հետ:

Հանդիպումների ընթացում կողմերը երկուստեք ծանոթացան Հայաստանի և Լեհաստանի  միգրացիոն քաղաքականությանը, աշխատաշուկային, զբաղվածության քաղաքականությանը և սոցիալական աջակցության համակարգին: Լեհական պատվիրակությունը ներկայացրեց սեզոնային աշխատանքների համար գործող պարզեցված համակարգերը և դրանց առավելությունը Հայաստանի քաղաքացիների համար:

Փորձի փոխանակման այցի շրջանակներում, լեհակա ԻսթՎեսթԼինք ընկերությունը, որը զբաղվում է  Արևելյան Եվրոպայի և Ասիայի երկրներից աշխատատողների հավաքագրմամբ, աշխատանքի տեղավորումով և զբաղվածության այլ ծառայություններով, երկօրյա դասընթաց իրականացրեց «Արտագնա աշխատանքային միգրացիա. ԵՄ կարգավորումները և աշխատանքի տեղավորման ծառայությունը Լեհաստանի օրինակով» թեմայով: Դասընթացի մասնակիցները հնարավորություն ստացան ձեռք բերելու պրակտիկ գիտելիքներ Լեհաստանում աշխատանքի և կացության օրինականացման տարբերակների, լեհական և հայկական կողմերի միջև համագործակցության կարգավորումների, Լեհաստանում աշխատաշուկայի պահանջարկի,  հավաքագրման և աշխատանքի տեղավորման գործընթացի արդյունավետ կազմակերպման մասին: