ՄԱԿ Բնակչության հիմնադրամի (UNFPA) կողմից օժանդակվող համապատասխան ծրագրի շրջանակներում հրատարակվել են տեղեկատվական գրքույկ և բրոշյուր:

ՄԱԿ Բնակչության հիմնադրամի (UNFPA) աջակցությամբ իրականացված ծրագրի շրջանակներում ՄԶՄԿ կողմից մշակվել և հրատարակվել են քաղցկեղի կանխարգելմանը նվիրված երեք տեղեկատվական թերթիկներ՝ նախատեսված ընտանեկան բժիշկների և լայն հասարակության համար:

2005թ. դեկտեմբերին ՄԶՄԿ կողմից իրականացվեցին համահամայնքնային քննարկումներ Հայաստանի հյուսիսում գտնվող Սառնաղբյուր համայնքում:
Այս աշխատությունում նկարագրվում է համահամայնքային քննարկումների, կայացված որոշումների մոնիտորինգի և արդյունքների ամփոփման ողջ գործընթացը: Մասնավորապես, տրվում է հիմնախնդիրների նկարագրերը, ներկայացվում են միջամտության անհրաժեշտությունը, ակնկալվող հետևանքների մասին առաջ քաշված նախնական հիպոթեզները, միջոցառումների պլանավորման, իրականացման և մոնիտորինգի ողջ ընթացքը, արդյունքների վերլուծությունը և մեկնարկված գործընթացի շարունակականության և արդյունավետության ապահովմանն ուղղությամբ անհրաժեշտ հետագա քայլերը:

«Եվրոինտեգրում. միջոցներ ինտեգրված և խաղաղ բարեկամություն հաստատելու համար» միջազգային համաժողովը կազմակերպվել էր Երևանում՝ 2006թ. հուլիսի 27-30-ը:
Համաժողովին մասնակցել են ՀՀ և արտասահմանյան երկրների պետական մարմինների, հասարակական կազմակերպությունների, Հայաստանում գործող միջազգային կազմակերպությունների շուրջ 100 ներկայացուցիչներ:
Հրապարակման մեջ ներառված են համաժողովին ներկայացված ելույթներն ու զեկույցները:

2006թ-ին, Հայաստանում ՄԲ դեսպանատան աջակցությամբ, ՀՀ մարզերում ՄԶՄԿ-ն իրականացրեց համաքաղաքային քննարկումներ «ԼՂ հակամարտության կարգավորման հնարավոր տարբերակները» թեմայով:
Սույն հրապարակման մեջ ներկայացվում են քննարկումների արդյունքները, քննարկումների մասնակիցների կարծիքներն՝ առանց խմբագրության:

2005թ. նոյեմբերի 21-22-ին ՄԶՄԿ կողմից իրականացվեց «ԵԱՀԿ արժեքներն ու սկզբունքները՝ որպես ԵԱՀԿ շրջանակներում անվտանգության և համագործակցության հիմք» համաժողովը: Այն նվիրված էր ԵԱՀԿ հիմնադիր փաստաթղթի՝ Հելսինկյան խորհրդաժողովի վերջնական ակտի 30-ամյակին և նպատակ էր հետապնդում վերահաստատելու աջակցությունը դեմոկրատական սկզբունքներին:
Հրապարակման մեջ ներառված են համաժողովին ներկայացված ելույթներն ու զեկույցները: Ընթերցողին հնարավորություն է տրվում տեղեկանալ Եվրոպայում, Ռուսաստանում և հարավային Կովկասում ԵԱՀԿ դերի և հեռանկարների մասին:

ՄԶՄԿ օժանդակությամբ հրատարակված բրիտանական «Հաշտության պաշարներ» միջազգային ոչ կառավարական կազմակերպության ԱԿՈՐԴ հանդեսի հաջողված համարներից մեկի հայերեն թարգմանությունը, իրենից ներկայացնում է միջազգային անդրադարձ խաղաղության հաստատման նախաձեռնություններին: Հանդեսի այս համարը, որն անվանվել է «Առաջնորդների հնարավորությունների սահմանափակումները. էլիտաները և հասարակությունները Լեռնային Ղարաբաղի շուրջ խաղաղության հաստատման գործընթացում» ընթերցողին է ներկայացնում շահերի տարբեր խմբերի մոտեցումները, խաղաղաղության հաստատման գործընթացի հեռանկարներն ու հակամարտության հետևանքների վերլուծությունները:

Այս փոքրածավալ հրապարակումն ամփոփում է ՄԶՄԿ կողմից իրականացված հետազոտության արդյունքները, բացահայտում է Հայաստանում ծխախոտի նկատմամբ հարկերի ավելացման անհրաժեշտությունը՝ առաջարկելով հարկերի հնարավոր բարձրացման տարբեր սցենարներ:
Տպագրվել է հայերեն և անգլերեն

Սույն զեկույցում ամփոփվում են ՄԶՄԿ կողմից ՀՀ Ազգային վիճակագրության ծառայության ու ՀՀ Առողջապահության նախարարության Առողջապահության ազգային ինստիտուտի հետ սերտ համագործակցությամբ և Հարավային Կովկասի թմրամիջոցների դեմ ծրագրի օժանդակությամբ իրականացված հետազոտության արդյունքները: Զեկույցը ներկայացնում է Հայաստանում թմրամիջոցների և հոգեմետ նյութերի ապօրինի շրջանառության, ալկոհոլի և ծխախոտի օգտագործման ներկա իրավիճակը, հասարակական վերաբերմունքը ծխախոտի, ալկոհոլի, թմրամիջոցների և հոգեմետ նյութերի օգտագործման նկատմամբ, այդ թվում՝ թմրամոլների հանդեպ: Այն իր տեսակի մեջ առաջինն է Հայաստանում:

Սույն գրքույկում համառոտ ներկայացվում են ՄԶՄԿ գործունեությունը 2000-2005թթ. ընթացքում և որոշ մանրամասներ Կենտրոնի մասին: