Կենտրոնական բանկ-կառավարություն հարաբերությունները են­թադրում են նաև դրանց իրացում, ինչի համար անհրաժեշտ է արդեն կոկրետ, պրոֆե­սիոնալ ու որոշ նրբություններ պարունակող գիտելիք։ Կենտրոնական բանկի հաշվապա­հու­թյունը տարբերվում է։ Ավելին, ստանդարտ կառավարման գիտելիքները սխալ դիտանկ­յուն կարող են ստեղծել հարկաբյուջետային և դրամավարկային  քաղաքականությունների շփման եզրը վերլուծելու համար։ Վերջերս հանրային օրա­կարգի թեմա դարձավ Կենտրոնական բանկի ծախսերի ու վնասի շուրջ էմոցիոնալ մեկ դիտարկում։ Առաջարկվում է նաև փոխել ԿԲ-ի վնասի հաշվետվությունը, քանի որ այն այս պահին չի արտացոլում իրականությունը ու շատ ավելի նվազ է, քան երևում է։

Ամբողջական ակնարկը կից ֆայլում 

Պետական կառույցների կայացման ուղին թեև սկսվում է օրենսդրական ամրագրմամբ, սակայն դրան հասնելու համար մեծ ջանք է անհրաժեշտ։ Ամենադժվարը թերևս տվյալ կառույցի ինստիտուցիոնալ շահերին միտված համակարգ ստեղծելն է, զարգացնելը, ավանդույթ կերտելն ու խարսխելը։ Սույն ակնարկը նվիրում եմ կենտրոնական բանկի ձևավորման պատմական որոշ էպիզոդներին, որպես Հայաստանի տնտեսական պատմության էջ։

­Վերջին 15 տարիներին ժողովրդագրությունը էականորեն փոխվել է։ Այսօր չենք կարող ապրել նույն կենցաղով, որով ապրել ենք երբ երեխա ենք ունեցել ու ընտանիքի մասին ձևավորվել են մեր պատկերացումները։ Մինչդեռ այս պատկերացումները մեզ առաջնորդեցին կենսաթոշակային բարեփոխումների վերաբերյալ կարծիք ու դիրքորոշում ձևավորելիս։ Մեր ապրելակերպը կտրուկ փոփոխությունների է ենթարկվում ու տարբեր քաղաքականություններում այդ փոփոխությունը հաշվի առնելը օրվա հրամայականն է։

Բանկերը օրենքով պարտադրված «Ճանաչիր քո հաճախորդին» սկզբունքից ելնելով հաճախորդների անձնական տվյալներ են հարցնում։ Ցավոք, աշխատակիցները երբեմն ապաշնորհ են հարցերը տալիս կամ անձնական տվյալներից օգտվում, ինչը նյարդայնացնում է հաճախորդներին։ Մինչդեռ այս ամենն արվում է ահաբեկչության ֆի-նանսավորման և փողերի լվացման դեմ պայքարի օրենսդրության շրջանակներում։